Jeremaia 13:18 - Nobonob Baibel

¹⁸ Amu Yawe Nug da, Jeremaia, Nug da Juda dilag king, amu nug anig ele amelahppa inam appi dooglahnu aum. “Aa sia king ahilah uuya, honap neiɗ! Aɗinu? Aa tuɗidya, Juda dilag okkai ii daamya.

Jeremaia 13:18 ပူးပေါင်းရင်းမြစ်များ

2 King 24:12

Amu King Jehoiakin nug Babilon dilag king uɗiom antta, aria nug, nug anig, kingnu ehanittak danab, nuhikkud anuqak danab ele oh ag aab okkai dimittim gona, ag akka ag King Nebukatnesar eppegppa daaglagnu appig. Ag anam heeg, aakku Nebukatnesar nug Jehoiakin awa, maniguittom. Nebukatnesar nug Babilon dilag king dayaya, nuhig king dayaknu maɗ eblaih ewamppa nug anam heum.

2 King 24:15

King Nebukatnesar nug Jehoiakin aɗa awa, Babilon ukkom. Amu nug ele Jehoiakin anig, wauud, nuhikkud ehanittak anuqak danab, am Juda danab okkai ele Jerusalemnu diia, Babilon ukkom.

2 Stori 33:12

Ag aon gona meeg dayaya, uug nau doya, nug Yawe, nuhig Kayak amu, nug Nug noobppa nug nukka nug onig qe naknab he, nug Kayak, nug mamekkud aɗi dilag Kayak Nug nuhignu ii helo bia me, Nug ehanidkkunu unuqittom.

2 Stori 33:19

Propet danab ag nai bukppa yaappig amu, buk amuppa ag Manase nug Kayak unuqittom, Kayak Nug unuqittak amunu Manasenu oo doye, ehanittomnu nai, aria Manase nug nuhig hipunin haknu nai, amu Kayak ippunittomnu oo metta ii uuak kobol dim lamidkkunu uua hak nuhig elenu nai, amu aben adekku adekku nug kayak hambuppuak dilag mettid lag nakok babaittomnu nai, nug kayak hambuppuak Aserah dabmekkulagnu biidod, kayak hambuppuak dottolkad ele qappalattomnu nai, nug amu oh haaha oiyaya, dimppa nug nukka nug onig qe neum amu, propet ag ahilag bukppa keeke amu oh yaappig.

2 Stori 33:23

Amon nug mameg heum bia anam heum, amge nug mameg Manase, nug uug nau doya, nukka Yawe noobppa nug onig qe neum, amu Amon nug anam ii heum. Iitta. Nug he, nug beɗuppa aab tuɗittak, okkai dayom.

Eksodas 10:3

Yawe Nug anam a, Moses, Aron ele aa Paro gumidya goya, aa nug amegppa inam apiɗ. “Yawe, Nug ig Hibru, ihinig Kayak, Nug atte. ‘Na nai dahil tappae neene, da waalppa ele ii daanna, anam henan daattem; amu na haen gane laa ele ukkeb, na kobol amu uukkut? Da attem! Na danab ah dahilad amu paɗadppe, ag gona, da noolppa dup nona binal meig!’ ” awa aum.

Eksodas 39:28

Ag amu hena, ag igippan lamen, linen hakkabppa ikki itaknu lamen, amu lamen trausis tutu bia ele heppig.

Aisaia 3:20

ikkilagppanu eɗi, bala sen bia baelag baagppa maknu, lamen ena ena imualag itatteb ele, aria hogot nakok, amuppa goɗen muttuɗig ena ele laala inan baalagppa qakkaeg na daatte ele, amu ehanittaknu baɗ, ag beɗulagppa aihatteg daatte,

Aisaia 3:26

Aab Sion na eheɗ gaan, mahiak hekkut. Kekeɗ ag heppeg, danab ah Sion appa iinab daamna. Sion am na qa daakku.

Aisaia 47:1

Yawe Nug atte. “Ag Babilon danab ah ag enub danabnab aɗeg, ah makkun, uug nuhigppa be, nug aben enanag nuhig uua, wan qaɗeppa gappudppa heɗep na daatte, amubia ag ahilag aben enanag uun nona, gappudppa dayeg! Genab, ag Babilon danab ah, ag ah makkun laa, mameg am en naɗi okkai ele, nuhigppa uug be, gemu nug sia enanagppa ii daatte, nug noa wanppa hamu daatte, ag amubia wanppa dayeg! Aɗinu? Laa ag tatam ah makkun amu anidna, nuhignu, ‘Nug iɗu tuqaknab, uɗat laa hekkunu iinab daatte,’ appig, amge gemu nug nauhom daatte amunu, ag anam ii atteb, amubia ag Babilon danab ah, ahilagnu ele anamib bekku.

Jeremaia 22:24

Amu Yawe Nug atte. “Jehoiakim bekka Jehoiakin, na Juda dilag king, da Yawe, da na amenppa attem. Da genab bau daattem, genab amubia na dahil doyaknu at ringppa daatte da eppelppa daalom amu, da ring amu uɗidlom. Na am tuɗidna ii daalom.

Jeremaia 22:26

Na anin nug wan imuppa doum. Wan imuppa ele na anin nug na menuittom, amge da heppi, danab ag men keeke buɗieg gotte, amubia kekeɗ ag na, na anin ele diiatna goppeg, wan laappa daaglah. Aa oh wan amuppa ii dopiɗ, amu aa aguppa daaya, mauhkkulah.

Jeremaia 36:16

Nug ebqa male, ag nai amu oh doon, ag nug neekkidnana, baɗan, ag Baruk amegppa appig. “Ig king nai imu oh dookkunu ig akkunigoitte!” aon appig.

Gayak Nai 1:6

Anukka Sion am binag okkai ele; amge gemu amu oh iitta meum. Doɗ dia, nug gikkiɗah laa lakkunu ii anidtte amu; Juda dilag okkai ag amubia daatteb. Dia anam hamu daya, beɗu gai-iitta me, doɗ laatai, o danabtai lamitte, oola gokkunu hette, amge elele iitta; Juda dilag okkai ag anambia daan heppig.

Gayak Nai 1:9

Juda danab ah ag eheɗ henana, ag ah laa kalam qe, leppu nau nuhig lamen qette, ag lamen amubia daanna, ag oolagppa dubuttid ele daappig; amge haen amuppa ag dimppa ahilagppa aɗi bekkunu dabmak nakok laa ii aoppig. Ag eheɗ heeg, kekeɗ heeg nena qeppig amu, ahilag na qak am laanab; ag nena qena autna autna aoppig. Ao, ag anam nena qeeg, laa ag ehanatteb, oolag mekkunu laa ii dayom. Laa anam ii dayeye, Juda danab ah ag atteb. “O Yawe, kekeɗ ag eɗigppig amunu, na ihinig guittak nau neegna anidna ehanigkkutnu oɗ medattem,” aon atteb.

Gayak Nai 2:10

Juda danab dilag ikki danab ag oɗelag qamutna, wanppa hamu daatteb. Ao, ag wan gappud aon, ikkilkadppa paduduɗeg neeg, ag lamen heɗiag ele tagappig daatteb. Jerusalemnu ah makkun ag gatelag qaun ona, gomelna, iɗulag wanppa meppig, ⌊gemu ele uugppa daatteb⌋.

Gayak Nai 5:16

Ig king laa, nuhig king haɗ wanppa na qeum daatte, ig amubia daattem; ig hipunin hemut amunu, ihinignu am gadonnab gadon.

Esekiel 16:12

Da amu heine, da gagah na noomppa mein, bid na dautppa ele mein, haɗ neekkak enanag ele na ikkinppa memi.

Esekiel 21:26

Amu Naɗi Yawe Nug atte. “Keeke oh gemu daatte am anamib ii daama amunu, na nahip igippan lamen, king haɗ ele awe! Danab ag gemu onilag iitta, ag danab okkai daaglag, am danab ag gemu onilag ele daatteb amu, ag danab onilag iitta daaglag.

Esekiel 24:17

Nug mauheb amu, na nuhignu qinonob baatppaib aiqakkak he! Nuhignu aib mahime. Na igippan lamen aib uɗame, baeg gaɗa ele aib uɗame. Na laa ag laa mauhomnu mahiak hekkulagnu iɗulag laih akkabɗulag ukka amelag batak haut-tteb amu, na amubia aib heme. Danab ag laa mauhomnu ee latteb amu, na ee amu aib lame,” awa aum.

Esekiel 24:23

Ag igippan lamen ii uɗamna, baeg gaɗa ele ii uɗamna. Ag mahiak, gayak ele ii hemana. Ag amu oh ii hemana, amge ag hipunin heppig amunu, ag ebehilag teeb, ag baalagppaib qinonob aiqakkak hekkulag.’ ” Yawe Nug anam aum.

Esekiel 44:18

Ag lamen amu takkanna, ag ikkilagppan lamen, dimittimnu lamen waappa lamen laa metteb ele amu, lamen amu oh am linenppa hak amuib dayaɗ! Mana mettak danab ag lamen aɗi laa, lamen amuam keeke aɗippatai hak, amge mana mettak danab ag tagappeg, heɗi aqakku amu, ag lamen laa amubia aib tagappig.

Daniel 5:20

Amge na mamen nug nukka, nug onig huma, beɗuppa tak danab ba, nug dada danab ele ba dayaya, nug kobol ena hemanu dabmak nuhig ɠagattag eppom amunu, Yawe he, nug king ii daya, binag amahlak oppiaawak ele nuhig ele iitta meum.

Jona 3:6

Ag anam heeg, Niniwe dilag king nug Jonanu nai doya, nug sia king uua, kingnu lamen elab enanag uɗa, lamen heɗiag ele awa ma, uhuɗppa dayom.

Matyu 18:4

Amunu laa nug onig qe ne oitte, nid nakok imubia amu, nug Kayaknu ɗo maɗoɗ ooppa, laa oh eɗattak daatte.

Jems 4:10

Ag akka ag Naɗi noobppa ag onilag qeppeg neeb oiyeg! Ag anam daanna oiglag amu, Naɗi Nug ag humatta attan maadkku.

1 Pita 5:6

Amunu Kayak Nug geha nuhig deɗppa ag humadkkunu, ag akka ag onilag qeppeg neeb, ag Kayak eppeg ɠagattag waappa dayeg!