Jeremaia 13:16 - Nobonob Baibel

¹⁶ Ag Yawe, ahilag Kayak, danab ah oh ag Nug binag amahlak oppiaawak ele mekkulagnu daatteb amu, ag Nug binag amu meig! Nug heeb, uug naunab bekkun daatte, amu haen imuppa, haen gamag imu, uug amu ii beum, haen imuppa ag anam heig! Ao, ag danab qaukoppa oiyaya, aam aam eeɗe, gatatu neene, na qette, ag amubia nena qemananu, ag uug amu ii beum haen gamag imuppa ag Kayak binag anam meig! Ag haen ena, amahlak bia, ag amu anidkkulagnu dabmetteb, amge Yawe Nug heeb, haen amu eɗua, haen nau, gatatu bia daamanu, ag uug amu ii beum haen gamag imuppa ag Nug binag meig!

Jeremaia 13:16 ပူးပေါင်းရင်းမြစ်များ

Job 3:5

Menuaknu deɗ dahilnu amu, gatatunab deɗ amuppa daakkunu, lombig deɗ amu tonakkunu, gatatu hinqaknab deɗ amunu amahlak heeb, iitta meeb, amahlak nakok laa deɗ amuppa ii daamanu ool daatte.

Sam 107:10

Danab ah laala ag aben gatatu naunab nau ele amuppa daappig. Ao, ag am maniguittakppa, sen ɠagattag aenppa hattak, ag amuppa hippalatteg daan, guittak ele dooppig.

Sam 107:14

Nug ag maniguittak gatatu naunab nau eleppanu diia, omalatte uɗippig. Nug sen ahilkad oh pakkualattom.

Sam 29:2

Yawe onig am binag amahlak oppiaawak ele; ag amu doyeg! Ag Yawenu oppiaawak ele daan, ag Nug noobppa dup nona Nug binag meig!

Sam 44:19

Amu na hee, ig padal meut, na ihinig wan hee, doɗ jakal ag amuppa daatteb. Ao, na hee, gatatu naunab ig tonikkom.

Eksodas 10:21

Paro nug anam he, dimppa amu Yawe Nug Moses amegppa inam aum. “Gatatu teppu naunab ele Isip tonakkunu amu, na eppen humappe, attan taɗ! Gatatu amuam diig laa; gatatu teppu ele amuam, keeke laa danab nug eppegppa aɗatte, amubia,” awa aum.

Prowerb 4:19

Anam, amge nau hak danab dilag ib amu gatatu naunab bia; aɗi keeke he, ag nena qetteb amu, ag ii dootteb.

Eklisiastis 11:8

Danab nug maɗ kuɗum wanppa dayaya oikkutai. Nug anam daakku dayeb amu; nug nuhig oiyak ohnu gamag ahak dookku am ena. Aɗinu? Gatatu manak haen am uɗikku; haen amuam elab daakku amunu, nug amu dabmettaɗ! Keeke oh bekkunu am gaɗappa, unuqagppa ele anttak laippu iitta.

Aisaia 5:30

Amu haen amuppa kekeɗ ag uɗin, geha Juda wan heppeg nauhebeb, ag enan, muttub qekkulag. Amu oqottilag amuam yu duban qaaqa, koɗkoɗ qa uɗia, yu ihippa aoɗaɗa, oqotti otte amubia daakku. Amu danab nug neekkeb, Juda wanppa uɗieb amu, nug gatatu manak, atu nauhak ele anidkku. Ao, nug bud hinqak tona, aamnu amahlak qehakka dayebeb anidkku.

Aisaia 59:10

Ig danab ameg gaɗuak ele, nug gilil eppegppa aɗaɗa gotte, ig amubia hettem. Ao, ig danab ameg nauhom ele, nug eppegppa keeke aɗaɗa gotte, ig amubia hettem. Ig danab ameg ena iitta tuebnab keeke ii andatta, tappa taataɗ qette amu, ig amubia aam anigppa hettem. Danab ɠagattag oolagppa amu, ig danab mauhom bia daattem.

Aisaia 59:9

Ig Juda ig hipunin anam hemut amunu, ig nai doya mala hettoɗia epeɗia elele mettak kobol ii anidttem. Ao, genab tutukku hak kobol ihinigppa ii daatte. Ig amahlak anidkkunignu neegttem, amge ig gatatu aakkuib anidttem. Ao, ig amahlak okkai anidkkunignu neegttem, amge ig lokko gatatu ele ooppa oittem.

Aisaia 60:2

Aɗinu? Antteg! Gatatu wan atu laa oh tonom niitte. Ao, gatatu teppu ele danab ah oh tonattom niitte. Gatatu ag tonattom niitte, amge Yawe Nug ag Juda gumatta uɗiom daatte. Ao, nuhig binag amahlak oppiaawak ele am amahlak bia ahilagppa honaɗtte.

Aisaia 8:22

ag ele neegppeg, honap wanppa gokku, amge geha ag keeke ena laa ii anidmana. Iitta! Geha ag uug nau, uug amunu haen nau ele anidnana, amuib ag aben ohppa gatatu ele anidkkulag. Uug nau amuib aben oh gatatu ele tona dayebeb anidna, baɗaglag. Geha ag uug amu, haen nau amu ele uun, oolna laih gokkulagnu am, ahilagnu ib laa iitta; ⌊laa nug⌋ heeb, ag gatatu nauppaib wana daaglag.

Jeremaia 14:19

O Yawe, na Juda danab ah geɗadna malamete? Na Sion danab ah dilagnu ena iinab doottemte? Na guittak nau mekke, ig eɗut ena daagnignu ib laa iittanu diig dookkulnu oɗ medattem. Ig maɗoɗ ele daagnignu oonig dayom, amge ena laa ihinigppa ii beum. Ao, ig eɗut ena daagnignu haen daakkunu oonig dayom, amge baɗak eheɗ nau ele aakkuib beum daatte.

Jeremaia 2:6

Ag inam bia dabmelob. ‘Yawe omaikke, ig Isip wan uut, Nug atu taɗakppa omaikke uɗimut. Atu taɗak amuam atu taɗaknab, am nau. Ee keeke appa ii daatte. Ao, atu amu, appa keeke laa ii daatte, ihiib ameg qagma, gokkaɗa nan daatte. Atu amuam qaɗaiettak, gu ii nette. Ao, danab appa mauhkkunu am miagnab daatte. Atu taɗak amuppa am, danab laa ii daatte. Ge, appa ele danab ah ag ii oitteb.’ Ag dahilnu anam dabmelob, amge iitta. Ag amuam ii dabmeppig.

Jeremaia 23:12

Amu Yawe Nug imu ele atte. “Propet, mana mettak danab ele ag amu hetteb amunu, da heppi, ag danab ib aiɗikkakppa oitte bia daaglag. Da heppi, ag gatatu ooppa oinna, nena qekkulag. Aɗinu anam bekku? Ahilag bu awak haenppa amu, da heppi, uug naunab ahilagppa bekku,” awa atte.

Jeremaia 4:23

Amu da, Jeremaia, ⌊da tuleglegppa⌋ neekki ukke, da wan imu anidmi; amu wan am iɗu laa iitta anidmi. Keeke laa appa ii dayom ele anidmi. Amu da ele neekki ukke, hab anidmi, amu habppan amahlak laa ele ii dayom anidmi.

Jeremaia 50:6

Yawe atte. “Dahilad danab ah ag sipsip qettoɗna oitteb bia daappig. Ahilkad gumak danab ag diiadna, eheɗ goppig. Ag heeg, dahilad danab ah ag sipsip qaukoppa matatun gona oitteb, ag amubia daappig. Ag sipsip qaukoppa oinna, ahilag niiaknu aben enanagnu daulag atitte, amubia dahilad danab ah ag eheɗ daanna oippig.

Jeremaia 6:21

Anam amunu Yawe Nug atte. “Da heppi, Juda danab ah ag gai-iitta daappeg, kekeɗ ag eɗadkkulag. Mamelkad, bekkalkad ele ag danab nug menppa baeg ya, na qette bia nena qekkulag. Ao, ahilkad mudippan laippu, amu ag lailkad ele, ag ele danab nug menppa baeg ya, na qette bia nena qekkulag. Ag oh mauhkkulag,” awa atte.

Jeremaia 8:15

Ig maɗoɗ daagnignu oonig dayom, amge iitta, keeke ena laa ii uɗitte. Ig eɗut ena daagnignu haen anidkkunignu oonig dayom, amge iitta, baɗak eheɗ nau aakkuib beum daatte.

Gayak Nai 4:17

Haen amuppa ig huu laa ag uɗin ehanigppeg, ig ii mauhmatanu dabmak okkainab aot, neegta daamut, amge ag ii uɗippig. Ge, ihinkad aɗi uɗitte anittak danab ag lag attan ta ukkak menppa hak, ag amuppa daanna, neekkeg ukke, huu laa ig ii nauhmatanu uɗin ehanigppeg anidkkulagnu daappig, amge huu amu ii uɗippig. Amu huu amu uɗilob, ag ehanigkkulagnu elele iitta.

Esekiel 21:15

Danab ah oolag bodoettak, ɠagattag iitta dooglagnu, ag kuɗum mauhkkulagnu ele da, Yawe, da dahil qep elab, qep amuam danab aqadtte ele, da qep amu Israel dilag aabnu aɗnu od ohppa memi daatte. Ge, laa nug qep dahil aɗa, danab ah aqakkun aɗom daatte. Nug he, qep amu amemɗi bia, amemɗiag aotte.

Esekiel 34:12

Sipsip gumak danab ena nug nuhikkud sipsip matatun goppig ele eɗua diia atognoadtte, amubia da dahilad sipsip atognoadkkul. Da ehanadppi, ag atu laih laih matatun goppig daatteb, ag appanu eɗun uɗin, ippa daappeg, da ag atognoadkkul. Deɗ da amu hekkulppa, deɗ amuam lombig hab oh tona dayeb, gatatu manak daakku.

Esekiel 36:15

Amu Yawe Nug atte. “Ag Israel dilag qauko da heppi, ag wanppan wan laalappan danab dilag awa awa qettak nai baula ii doomna. Da heppi, wan ohppan danab, ag ahilagnu, ‘Keeke hamunab,’ ii doomna. Da heppi, ag qauko, ag baula heppeg, Israel wan ii na qema.” Naɗi Yawe Nug anam atte.

Joel 2:2

Deɗ amuam deɗ amahlak ele iitta; nug gatatuib daakku. Ao, deɗ amuam deɗ lombig hinqaknab atu oh tona daye, amahlak iitta daatte bia daakku. Deɗ amuppa tap-lokus uɗiglag. Ag ban danab huu okkai naɗi bia uɗin, wan tonatteb, o aamnu amahlak buttuanab ba he, qauko oh amahaltteb, tap-lokus ag amubia hetteb. Anukka keeke amubia laa ii beum, butti aɗi ele baula anambia laa ii bema.

Amos 4:13

Yawe Nug anam attenu diig am, Nugib am laa qauko heum, Nugib am laa Nug he, ulah iwala oitte, Nugib am laa Nug dabmak nuhig danab ah ippunadtte, Nugib am laa Nug he, aam bette haenppa gatatu nette, Nugib am laa Nug qauko attan igippa ele oitte; Nugib am laa Nug keeke amu oh hette. Nug am Yawe Kayak Nukka Ɠagattag Oh Ele. Nug onig am aakku.

Amos 5:18

Israel danab ah ag Yawenu deɗ naɗi, ag deɗ amu ameg menan tappaɗidtteb ele, ahilagnu amu gadonnab gadon. Ag aɗinu deɗ amu paha ahilagppa uɗikkunu oolag daye tappaɗidtteb? Deɗ amu geha gatatuib daakku; amahlak laa ii daama.

Malakai 2:2

Ag dahil nai imu doon, ag oolagppanab meig! Nai ag dooglagnunab attem am, ag da onilnu am binag ele doyeg! Ag haknunab nai dahil ii doon, ii dim lamidkkulag dayeb amu, da ag eheɗ laa awaknu anak waappa daaglagnu, uug naunab ele laa ahilagppa bekkunu akkul. Ag dahil haknunab nai ii dim lamidkkulag dayeb amu, ag itittak ena laa ag aoppig amu, da heppi, eheɗ laa awaknu anak waappa dayak bia daakku. Ge! Ag da binal mekkulagnu oolagppanab ii dootteb amunu, da nakok matu bia itittak ena ahilag laa aoppig amu, da hei, itittak ena amuam eɗua, ag eheɗ laa awaknu anak waappa daatteb.

Jon 12:35

Anam aeg am Jesus Nug aum. “Ag haen nakoknab laa ele amahlak ele daaglag. Haen imuppa ag amahlak ele amunu, gatatu ag tonadmanu ag amahlak ele oiyeg! Laa nug gatatuppa oitte amu nuhig ib ii anidtte.

Josua 7:19

Anam beum amu, Josua nug Aakan amegppa aum, “O bekkal, na Yawe, Israel dilag Kayak, na Nug binag amahlak oppiaawak ele mette! Na hipunin nahip miag mena, na da amelppa aɗi eheɗ heme amu, na amunu a! Aib da noolppa lokkumkkut heme,” awa aum.

1 Pita 2:8

Aria Kayak nai amunu laa am, “Men amuam men laa danab ippulagppa dayeye, danab ag men amuppa baelag qena, nena qetteb bia daatte. Ao, am men laa he, danab ag nena qetteb bia daatte.” Aɗinu ag baelag qetteb? Ag Nai Ena oolagppa genab ii dootteb. Ag oolagppa genab ii dootteb amunu, ag nena qekkulagnuib daatteb.

1 Samuel 6:5

Ag anam mattiona, ag tuɗidna appig. “Mamattin, amu tog ele ag wan imu heeg nauha auta aotte amunu, ag mamattin dottog, amu tog dottog ele hattona, ag Israel dilag Kayak mettaglag. Ag mettanna, amuppa ag Nug binag mekkulag. Ag anam binag meppeg amu, Nug heeb, ag, ahilkad kayak, amu wan ahilag ele, ag oh ena daaglagtai.