Jeremaia 12:2 - Nobonob Baibel

² Ag am ad na eppalatte, ag diɗilkad wan ooppanab noppig bia daatteb. Ag ena bena, meu otteb. Ag nahipnu hanhan oɗelagppa maditteb, amge ag oolag am na ele laippu iinab daatteb.

Jeremaia 12:2 ပူးပေါင်းရင်းမြစ်များ

Job 24:12

Aab okkaippa laa mauhkkulagnu henana, ag aiqakkanna daatteb, ⌊amge auntai ehanadte? Laa iitta⌋. Ao, laa lailkad guittak okkai mattaeg, guittak aoppig ele, ag laa ehanadkkunu enan daatteb, ⌊amge auntai ehanadte? Laa iitta⌋. Nau amu oh daatteb, amge Kayak Nug laa amu hetteb ele naippa ii yaaladtte.

Job 5:3

Da dakka, da deɗ laala anidmi. Danab nug Kayak dab-ii-maama ii dim lamidtte ele nug ɠagattag, ena ele daakkunu bette; amge laippun nug baegppan ele ag eheɗ laa awaknu anak waappa daan nauheg anidmi.

Sam 37:35

Da nau hak danab, nug oo doyak ii doyaya nau hette ele amu, nug ad laa wan ittag enanagppa, anttak enanag be anidtteb bia enanag ba heehe anidmi,

Aisaia 29:13

Am Naɗi Nug atte. “Danab ah imu ag oɗelagppan nai mattiakppa da gumiɗna uɗitteb. Ao, ag nai mattiak ahilagppa da binal meɗatteb, amge ag oolag da ii meɗatteb. Ag dup nona binal metteb, amge ag danab dilag dabmakppaib, amu ag danab dilag ɗoppaib amu hetteb.

Jeremaia 11:17

Yawe Nukka Ɠagattag Oh Ele, Nug danab ad eppe ba daatte, amubia Nug ag ehanatte, ag gemu daatteb, amge Nug uug naunab ahilagppa beeb, padal mekkulagnu ɗo ma malom. Aɗinu? Nug amunu atte. “Ag Israel danab ah, Juda danab ah ele ag eheɗ henana, ag kalu danab ile muttuɗig enanag bette ele aon main, kayak hambuppuak Bal mettaegeg, diig amunu da oppoɗil beum, gemu ele daatte,” awa atte.

Jeremaia 3:10

Israel ag anam heegeg, da ag uug nau mattami, amu Juda, ag da ippunadmi bia da dim lamiɗkkulagnu uun hetteb amu, ag anidppig, amge ag genab eɗun dahilppa ii uɗippig. Iitta. Ag ameg qakkak hakib hena, gaɗalagib eɗun dahilppa uɗippig.” Yawe Nug anam atte.

Jeremaia 45:4

Nai amunu amu, Yawe Nug aum. “Jeremaia, na nug amegppa imu ele appe doyaɗ! ‘Yawe Nug inam atte. “Da danab nug keeke babaitta, eɗua loppaɗtte, amubia da heppi, keeke da Juda wanppa bappaidmi ele am nauhakib daakku. Da danab nug keeke eppe be, eɗua hiɗatte, amubia da wan imuppa aɗi aɗi eppaladmi amu, da hiɗakkul.

Esekiel 33:31

Danab ah amu, ag dahilad danab ah, ag hanhan na noomppa uɗin daanna, nahip nai dootteb, amge ag nahip nai da na medattem amu, ag nai amu ii dim lamidtteb. Aɗinu? Ag oɗelagppaib da dim lamiɗkkulagnu atteb, amge ag ib eheɗppa baubau awaknu hik aqeeqe oitteb.

Hosea 7:14

Ag oolag unuqagnabppanu da ii unuqiɗtteb. Iitta. Ag niiak balal attan daanna gaatteb. Ao, ag ee aeg bau, wain ele da madakkulnu unuqittak hekkulagnu qagmetteb, amge ag da dimeɗatteb.

Habakuk 1:13

Amge, O Yawe, na laa nug eheɗ hette ele anidna, ‘Am nai iitta,’ o, ‘Elele hette,’ na keeke amubia iinab dabmettem. Ao, na kobol nau ohnu uun autna autnanab aottem. Anam amunu, diig aɗinu na danab ag kobol naunab laa hekkulagnu henana, ag laa amelagppa nai ena mattinna, ag dimppa kobol nau hekkulagnu dabmetteb ele amu, diig aɗinu na ag paha bu ii madattem? Ge, nau hak danab ah ag genab tutukku hak danab eheɗ hattana, ahilkad keeke aon oitteb, amu diig aɗinu na nau hak danab ag amu hemananu ahilag ib hee, keldoak ii daatte amu, da ool ii maidtte.

Matyu 15:8

‘Danab ah imu ag oɗelagppan nai mattiakppa da gumiɗna uɗitteb, amge ag oolag da ii meɗatteb.

Mak 7:6

Ag anam aeg amu, Jesus Nug ag amelagppa aum. “Anukka amu propet Aisaia nug ag hambuppuak danab, ahilagnu propet nai tutukku yom. Nai amuam inam. ‘Danab ah imu ag oɗelagppan nai mattiakppa da gumiɗna uɗitteb, amge ag oolag da ii meɗatteb.

Taitus 1:16

Ag oɗelagppa, “Ig Kayak doottem,” atteb, amge ahilag hakppa ag Kayak dimedatteb. Ag danab naunab, oɗe dim lamittak danab iitta. Kobol ena laa ahilagppa ii daatte amunu, ag ena hekkulagnu elele iitta.