Tiig am Yawenu qep elab aeg am laidkku. Ao, ittag Nug qep aeg laidkku. Sipsip nag tiilag, meeme tiilag ele qep elab aeg nuhig laidkku. Ao, sipsip dawai aɗita doɗonu ittag am qep aeg laidkku. Nuhig qep elab aeg anam daakkunu diig am, Yawe Nug mana mettak okkai Edom wanppa aab onig Bosra appa daakkunu dabma, bekkunu mattia malom. Ao, Edom wanppa am mauhak huanaknab daakku.
Jeremaia 12:12 - Nobonob Baibel12 Kekeɗ huanaknab ag atu taɗak oppatna uɗiglag. Aɗinu? Ag da, Yawe, ag dahil qep elab daanna, ag dahil wan ohppa danab ah aqappeg mauhkkulag. Laippu laa nug maɗoɗ ele ii daama. အခန်းကိုကြည့်ပါ။ |
Jeremaia 12:12
31 ပူးပေါင်းရင်းမြစ်များ
Na amu heppe, ag inamtai oɗ mettaglag. ‘Ig adeppa gokkunig?’ aon oɗ mettaglag. Ag anam oɗ mettaglag dayeb, na inam appe doyeg! ‘Yawe Nug inam atte. “Ag laa ag oɗe nau aon mauhkkulagnu daatteb amu, ag gona, oɗe nauppa mauhkkulag. Laa ag qep elabppa mauhkkulagnu daatteb amu, ag gona, qep elabppa mauhkkulag. Laa ag enugppa mauhkkulagnu daatteb amu, ag gona, enugppa mauhkkulag. Aria, laa ag diia ukka, laih me dayak danab ah wan laappa gona daaglagnu daatteb amu, ag gona anam aakku daaglag,” ’ ” awa atte.
Anam amunu, Yawe Nug atte. “Laa mauhkku dayeb amu, laa nug laugppa, laikkud ele daaglagnu aib teum. Appa ee ele aib laum. Nug ukka, aib mahiom; mauhak laikkud ele ɠagattag aqak nai aib mattiom. Aɗinu nug amu oh ii hema? Da, Yawe, da Juda danab ah dilagnu oo mauhaknab tuɗid ele ii doopa; da oo gai-iitta doya oo matta ehanadkkulnu kobol tuɗid ele ii hepa; amu da ele itittak ena tuɗid ele ii madapa.
Ag Juda danab ah ag qauko ikkilkad ohppa neegna, ahilag hak antteg! Ib baag ah nug aben ohppa danab kuɗum ele niitteb, amubia ag Juda ag qauko ohppa kayak hambuppuak noolagppa dup nona binalag meegeg uɗie, gemu ele hetteb. Ag danab nau, nug laanu keeke yab aokkunu ib meitta daatte bia, ag kayak hambuppuak digdig aoglagnu heegeg uɗie, gemu ele hetteb. Ag kayak hambuppuak noolagppa dup noa binag mak kobol, amuam gappai kobolbia, ag kobol amu henana, ag nau hak kobol digdig laa ele heegeg uɗie, gemu ele hetteb amunu, ag kobol amu hettebppa, ag amuppa heeg, wan am dubuttid tak ele daatte.
Nug anam atte amunu, Yawe Nug ele inam atte. “Ag dahil nai ii dim lamidppig. Ag laa, ag ag ele tiilag laippu, ahilkad maɗi nid daatteb amu, ag uhuqatteg, ag uhuqak aon, hamu ii daatteb. Iitta! Ag ag waalagppa ahilkad maɗi nid daatteb amunu, ag da dahil nai ii dim lamidppig ele, da ag uhuqak laa madakkulnu hettem. Uhuqak amuam ag qep elabppa mauhkkulag. Uhuqak amuam ag oɗe nau danab kuɗum aqe mauhtteb, ag amuppa mauhkkulag. Uhuqak amuam ag enugppa mauhkkulag. Amu da heppi, wan ohppa danab ah ag ahilagnu oolagppa uuaknab dooglag.
Ag amu hekkulag, amge aun laa ag eɗadkkulag amu, keeke amuam Kayak, Nug Yawe Nukka Ɠagattag Oh Ele, amuam Nug eppegppa daatte. Deɗ amuam Yawe nob tutukku eɗua mettaknu deɗ. Ao, nuhikkud kekeɗ dilagppa Nug nob tutukku eɗua madakku. Danab nug ee, o le elelenab lana male, oo dittiom, amubia danab mauhadppeppeg, elele metteb, ban iitta mekku. Aɗinu? Danab nug doɗ kuɗum aqe mauheg, tiilag gokkaɗe, mana Yawe medatte, amubia Kayak, Nug Yawe Nukka Ɠagattag Oh Ele Nug heeb, yawalti uɗitteppanu, Yupretis le guguittak appa danab kuɗumnab mauhkkulag.
Ag gaanna, ⌊kekeɗ ag Yawenu qep elab bia daatteb dabmena, qep elab nai doolo bia qep elab amegppa⌋ akkulag. “O Yawenu qep elab, na hik ii aottem. Na danab ah aqadkkutnu ii uuttem; amu haen gane laa ele ukkeb, na hik aon, aqaknu uɗat uukkut? Na eɗun, gaɗan nahip-ppa nona daye! Ao, na toettan, manin daye!” aon akkulag.
O Moap danab ah, auntai laa nug ag binalag ii mette. Kekeɗ ag ⌊ahilag aab tomppa daatte onig⌋ Hesbon eɗidna, ag appa daan, ib attenppa Moap heppeg nauhkkunu nai mattiglag. Ag akkulag. ‘Ahappeg, ig Moap hepput nauhaɗ!’ aon akkulag. Aab onig Madmen, appa amu kekeɗ ag qep elabppa heppeg, hele-ettak daakku.
Amu Yawe Nug nai tuɗitta aum. “Amu na, danab bekka, na dimppa aɗi bekkunu nai anan, na Naɗi Yawe Nug Amon danab ah, ahilag awa awa qettak nai naunabnu ele inam atte, na amunu inam a! ‘Qep elab laa daatte! Ge, qep laa daatte. Danab nug qep amu nuhig gaɗappanu eeɗa awa, nug eppegppa danab ah aqakkunu aakku daatte. Qep amuam danab ah ele eleleppanab aqakkunu babaitta malak daatte. Anam daatte, amu qep ⌊dahil⌋ am amemɗiag awaknu elelenab daya, amemɗi bia amemɗiag aotte.
Na uɗug amu anam piɗe piɗe mewona, na kekeɗ ag aab laa eɗadkkulagnu oo mattan aqaglagnu meidna daanna hetteb, na amu ippu hak hena malona, na uɗug qagmak laippu aon, aab okkai dottog amu ooppa mena, manappe ewaɗ! Ameg mak laa na aon, aab dottog amu daug ohppa maadna, qep-ppa okkuladppe, naunaunab naɗ! Amu ameg mak laa na aon buɗiadppe attan teeb, ulah awa ukkaɗ! Amge appa ele da heppi, kekeɗ ag aqappeg mauhkkulag.
ကြော်ငြာတွေ