Jeremaia 11:4 - Nobonob Baibel

⁴ Anukka ag Israel, ag mamelkad aɗi ag Isip wanppa uɗat ɠagattag, eheɗ nau henan daappig. Ag daanna anam heegeg, da ag Isipnu diien, omlatti uɗiegeg, da haknunab nai ag haen amuppa mattami amu, nai amu, nai laa iitta, nai amu aakkuib gemu daatte. Da ami. “Ag da oɗel dim lamidnana, ag dahil haknunab nai oh dim lamidkkulag dayeb amu, ag dahilad danab ah daappeg, da ahilag Kayak daakkul.

Jeremaia 11:4 ပူးပေါင်းရင်းမြစ်များ

Genesis 17:8

Na gemu Kanan wan imu ooppa wan laihnu danab ina daattem, amu da na, na buɗunad ele, da ag wan imu madappi, ahilag wan hanhan daakku. Amu da ahilag Kayak daakkul,” awa aum.

1 King 8:51

Aɗinu? Ig Israel, ig am danab ah nahipadnab. Isipnu amu, na ig aigna omaigna, ippa uɗime. Wan amuppa amu, ig eheɗ daamut, uɗat nau hemut.

2 King 18:6

Hesekaia nug Yawe ouqa dayaya, nug haen oh Yawe iinab uuom. Iitta. Yawe nuhig ɗo nai Moses mettom amu, Hesekaia nug amu oh nug tutukku dim lamittom.

Eksodas 20:6

amge danab ah ag oolag da meɗan, dahilnu oolag mauhtte, dahil ɗo ele dim lamidtteb amu, da ahilagnu oo mauhaknab doyeye, da ag buɗulkad menuattak huu laippu bia 1,000 dimppa bekkulag amu, dahil oo mauhak amu, ahilagppa ele daakku.

Aisaia 30:6

Nai meunab ele Negeb wanppan doɗ dilagnu, Yawe he, Aisaia doyom ele am iikku. Ag ⌊Juda dilag⌋ nai awa ukkak danab, ag en okkai ena ena donki attan mena gotteb. Ge! Ag am en amu kamel attan meeg, mawatteg gotteb. Ag amu henana, ag wan laa, wan amuam wan ɠagattag iitta, wan amuam ag ehanadkkulagnu elele iitta, ag wan amuppa gotteb. Ag appa gokkulagnu gonana, wan ena iittanab, wan danab uug madatte, wan amuppa laion ⌊dawai,⌋ laion anig, amu mat nau digdig ele daatteb amu, ag anam daaegeg ag gotteb.

Aisaia 48:10

Antteg! Danab nug silwa babaitta epeɗia awak daakkunu uɗat hette. Ao, nug he, silwa aab aɗuppa oppiaawak ba daatte, da amubia ahilagppa hemi. Amge da aab aɗuppa ii hemi. Iitta. Ag ena, oppiaawak ele bekkulagnu da uug digdig laa mattami.

Jeremaia 11:7

Aɗinu? Haen da ag, Israel, ag mamelkad aɗi Isipnu omalatti uɗippig, haen amuppa da digmein, nau aomnanu dabmettak nai haen kuɗum ag amelagppa matti uɗie, gemu batak. Da nau aomnanu dabmettak nai mattieye, da, “Ag da oɗel dim lamitteg!” ami.

Jeremaia 24:7

Da heppi, ag da Yawe, ag da dooiɗkkulagnu, ag oolag okkai daakku. Ag oolag eɗueb, ag meulag ohppa dahilnu daaglagnu oolag daakku amunu, ag dahilad danab ah daaglag, da ahilag Kayak daakkul.

Jeremaia 26:13

Amunu ag ahilag oiyak, ahilag hak ele bappaidna, elele mettan dayeg! Ag anam henana, ag Yawe, ahilag Kayak, ag Nug oɗe doon dim lamitteg! Ag anam hekkulag amu, Yawe Nug nuhig dabmak baolia, Nug ag bu madakkunu dabma hekkunu aum bia ii hema.

Jeremaia 30:22

Da anam hekkul amunu, ag am dahilad danab ah daaglag; da am ahilag Kayak daakkul.” Yawe Nug anam awa atte.

Jeremaia 32:28

Anam amunu, Yawe Nug atte. “Haen elab iitta da heppi, Babilon dilag king Nebukatnesar, nuhikkud daup ele ag aab okkai imu eɗidna aoppeg, ag eppelagppa daakku.

Jeremaia 38:20

Sedekaia anam a, Jeremaia nob ma aum. “Iitta! Babilon ag Juda laa eppelagppa ii meidmana. Yawe Nug da oɗelppa na aɗi aɗi hekkutnu ippunidtte amu, na amu hekkut dayeb, na ena daakkut. Babilon ag heppeg, na ii mauhmana. Iitta.

Esekiel 11:20

Ag dahil ɗo iɗu iɗu pehettak dabmettan dim lamidkkulag. Ag dahil danab ah daappeg, da ahilag Kayak daakkul.

Esekiel 14:11

Da anam heppi, Israel danab ah ag baula da dimeɗan, kayak hambuppuak ii dim lamadmana. Da anam heppi, Israel danab ah baula hipunin digdig hena, da noolppa oolagppa dubuttid tak ele ii daamna. Ag dahilad danab ah daappeg, da ahilag Kayak daakkul.’ ” Naɗi Yawe Nug anam atte.

Esekiel 36:28

Da anam ehanadppi, ag ag mamelkad aɗi da ag wan mattami amu, ag wan amuppa daaglag. Ag dahilad danab ah daappeg, da ahilag Kayak daakkul.

Esekiel 37:23

Ag anam daappeg, da ehanadppi, ag tatam kayak hambuppuak dottolkad, amu oh am uɗig wak ele, ag ag noolagppa dup nona binalag meppig, kobol nau digdig laa ele heppig amu, ag baula anam ii hemana. Da ehanadppi, ag baula hipunin ii henana, da ii dimeɗamna. Da heppi, ag oppiaawak daaglag. Ag dahilad danab ah daappeg, da ahilag Kayak daakkul.

Esekiel 37:27

Anam dayeb, dahil dayaknu aben ag oolagppa daakku. Dayebeb, da ahilag Kayak daakkul, ag dahilad danab ah daaglag.

Daniel 3:26

Nebukatnesar nug anam awowa, aab ilappig ele, lag oo am laippu, gilil men o wanppa hak keeke, ag oo amuppa aab ilappig, Nebukatnesar nug oo amunu od guguittak ukka, nug ewa aum. “Satrak, Mesak, Abetnego ele, ag Kayak Attannab Laa Oh Eɗattak waappa daanna nuhig maɗi nid daatteb ele, ag dimittim, dahilppa uɗieg!” awa eum. Nug anam e amu, ag dimittim uɗippig.

Lewitikas 26:12

Da geha ag oolagppa oikkul; da ahilag Kayak daakkul, ag dahil danab ah daaglag.

Lewitikas 26:3

Ag ɗo dahil dim lamidna, ag haknunab anak dahil pehettak dabmettan dim lamiɗkkulag dayeb amu,

Sekaraia 13:9

Am Yawe Nug imu ele atte. “Danab nug silwa o gol babaitta epeɗia awak daakkunu uɗat hette, amubia laa bau daaglag amu, da heppi, ag oolag dubuttid iitta daaglag. Ag da onilppa eppeg, da ahilag unuqittak dookkul. Da ahilagnu, imuam dahilad danab ah, appi, ag, Yawe, Nug am ihinig Kayak, akkulag.” Yawe Nug anam awa atte.

Sekaraia 6:15

Danab wan atu kuɗumppanu ag uɗin, Yawenu mettid lag eɗun bappaidkkulag. Ag amu heppeg anidna, ag dooglag, da, Sekaraia, da Yawe Nukka Ɠagattag Oh Ele oɗeppanu nai awe, ag mattami. Ag Yawe, ahilag Kayak, ag nuhig haknunab anak oh yagbak ele dim lamidkkulag dayeb amu, keeke amu oh anam aakku bekku.

Sekaraia 8:8

Ag eɗun, Jerusalem daaglagnu da omaladppi, ag eɗun uɗin daaglag. Ag uɗin dahilad danab ah daappeg, da ahilag Kayak daakkul. Da ahilagnu oo metta ii uuak kobol, nai doya mala hettoɗia epeɗia elele mettak kobol ele dim lamidkkul,” awa atte.

Matyu 28:20

Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.

2 Korint 6:16

Ig Kayaknu mettid lag amu kayak hambuppuak dottolkad ele ouaqadkkunigte? Amu oh am iitta! Ag dootteb Kayak bauklel ele nuhig mettid lag amu igib iikku. Anukka Kayak Nug nuhikkud danab ah dilagnu inam aum. “Geha da ag ele oh daatta, ag oolagppa oikkul. Da ahilag Kayak daakkul, ag am dahilad danab ah daaglag.”

Duteronomi 11:27

Ag nai haknunab anak gemu da ag madattem imu dim lamidkkulag dayeb amu, Yawe, ahilag Kayak, Nug ag itittak ena madakku.

Duteronomi 4:20

Ahilagnu amu, Yawe Nug ag ehanatte, ag Isip wanppa ii daatteb! Isip amu aab dittiak naɗi bia he, ag guittak okkainab ele doonna daaeg, Yawe Nug ag Isipnu diia, omalatte uɗippig. Ag nuhig danab ah daaglagnu, Yawe Nug ehanatta diie, ag gemu nuhignab aakku daatteb.

Duteronomi 5:6

“Da am Yawe, ahilag Kayak. Da ag Isip, ag appa begbeg maɗi nid daaegeg, da appanu diie, omalatti uɗippig.

Hibru 5:9

Jesus Nug uug amu oh mawom amuppa Nug mana mettak ikki danab daakkunu elelenab mettom, amu Nug danab oh nuhig nai dim lamidtteb ele amu, Nug am ahilag ehanatta eɗua diiak hanhannu diig beum daatte.

1 Samuel 15:22

Saul nug anam aum, amge Samuel nug eɗua amegppa aum. “Yawe Nug manaknu ofa, amu mana mettak laala elenu oo hette, amge Nug danab ag Nug oɗe dim lamidkkulagnu amu, Nug amunu oo huanaknab hette. Yawe oɗe dim lamittaknu, am mana mettak eɗidtte. Ao, Yawenu nai doon dim lamittaknu, am sipsip dawai ittag mana, Kayak mettaknu eɗidtte.