Jeremaia 11:19 - Nobonob Baibel

¹⁹ Da sipsip gaiɗ manan, danab qeeb mauhak abenppa awa gotte, da sipsip amubia daami. Ag da iuppeg mauhkkulnu dabmena, ag, “Danab ad o qiie, ad amu ii daatte, meu ele ii otte, ig amubia Jeremaia, nuhigppa hepput, nug amubia dayaɗ!” anana, ag, “Danab ag Jeremaia onig baula dabmemananu, ig makkuɗpput, nug danab ah bau daatteb ele oolagppa aib dayom!” ele appig amu, da Yawe ii ippuniɗom haenppa amu, da amu ii doomi.

Jeremaia 11:19 ပူးပေါင်းရင်းမြစ်များ

Job 28:13

Danab ag keeke laalanu, ‘Am keeke okkai, ig amu aognignu men doɗo okkainab eta aognig am nai iitta,’ dootteb, amge ag doyak dabmak ena ele aoglagnu am keeke laa oh eɗittak ii dootteb. Ao, danab wanppa bau daatteb amu, amu oh oolagppa laa nug wanppa aben laappa ukka, doyak dabmak ena ele aokkunu elele iitta.

Sam 109:13

Da na heppe, nug buɗub ag mauhna malaglagnu oɗ medattem. Ag mauhppeg, ag dimulagppa menuak laippu laa doppeg, danab ah amu, ag oolagppa danab amu buɗub laippu laa bau ii daamanu unuqidttem.

Sam 112:6

Aɗinu? Danab nug anam hette ele, nug keeke laa heeb, nug ii ottaia na qema. Ao, laa ag genab tutukku hak danab laa anam, ag nug hanhan dabmekkulag.

Sam 116:9

⌊Yawe Nug da ehaniɗe, da ii mauhmi amunu,⌋ da Nug noobppa danab bauklel daatteb, da ag oolagppa daattem.

Sam 142:5

O Yawe, na ehaniɗkkutnu unuqitte aute aottem. Da attem. “Yawe, na aakkuib am padal mak eɗitteb ena dayaknu ehanittak dahil daattem. Keeke ena oh da eppelppa daakkunu elele amu, na nakka keeke amu oh abenlag aon dayeye, na da ele daattep amunu, da ena, elele daattem!” awe attem.

Sam 27:13

Da imunu oolppa genab doottem. Da geha bau daappi ukkeb, Yawe Nug keeke ena dahilppa hekku. Ao, Nug anam heeb amu, da amu anidkkul.

Sam 31:13

Aɗinu? Danab kuɗum ag da onil nauhkkunu nai nau dahilnu atteb. Ag anam heegeg, baɗak eheɗ nau toniɗom daatte. Ag da eɗilkkulagnu nai nau dahilnu maditteb. Yo, ag da iuppeg mauhkkulnu maittak aotteb.

Sam 35:15

Amge gemu da uugppa daai, ag gamalag ahatte. Ag gamalag huananab ahe, ag da iuglagnu hetteb. Danab ah ag da banel uɗin hetteb. Ag hanhan da onil nauhkkunu nai nau maditteb.

Sam 52:5

Amge Kayak Nug heeb, na nauhna, iitta mekkut. Ao, Nug na ɠagattagnab aɗaitta, Nug na baenppan oolagppan awitta, buɗitteb, laih gokkut. Ge, Nug heeb na mauhkkut. Sila.

Sam 83:4

Ag atteb. “Ahappeg, ig hepput, Israel ag nauhna autnanab aoppeg, ahilag wan iitta maɗ! Ao, ahappeg, danab ah laa ag baula Israel wan ii dabmemananu ig hepput, Israel ag nauhna autnanab aweg!” aon atteb.

Prowerb 10:7

Genab tutukku hak danab nug mauhkku amu, dimppa laa ag nug onigppa laa itittak ena medakku; amge nau hak danab mauheb, amu dimugppa, nug onig am beɗakku.

Prowerb 24:15

Na nau hak danab nug laa eheɗ hedakkunu meitta daatte bia, na aib genab tutukku hak danab, nug baekkudppa ele eheɗ hadakkutnu maadna daame; na nuhig keeke yab aokkutnu nug laug aib loppaɗme.

Prowerb 7:22

Ah amu nug nid bau amu amegppa anam mattie, pahanab nid amu nug ah amu dim lamittom. Nug dim lamittom, amu makau okkai ebehi ele mameg nug omale, qe mauhak abenppa tette, amubia nid amu nug makau okkai ebehi ele hette bia heum. Ao, nid bau nug heum amu, doɗ dia nug pelemppa tette, nug amubia heum.

Aisaia 32:7

Danab nau nug nau hak kobol dim lamidkkunu hette. Nug eheɗ hekkunu lokkumakppa dabmaama, maittak eheɗ awa, daɗek danab heeb nauhkkulagnu hik qeeqe dabmette. Daɗek danab ag eheɗ laa ii heppig, ag tutukkuib henan daaegeg, danab nau nug heeb nauhkkulagnu anam hette.

Aisaia 38:11

Da mauhen, da baula Yawenu uɗat okkai okkai wan imuppa ii anidpa. Da mauhen, da wan imuppan danab ah baula ii anadpa, danab ah gemu wan imuppa daatteb ele, da ag ele baula ii qagmemata.

Jeremaia 1:19

Ag na ele ban hekkulag, amge ag na ii eɗidmana. Aɗinu? Da na ele daattep. Da ehanidppi, na padal ii menana.” Yawe Nug anam awa aum.

Jeremaia 18:18

Amu danab laa ag appig. “⌊Jeremaia atte am genab iitta.⌋ Mana mettak danab ag Yawenu ɗo ippunigtteb amu, kobol amu ii iitta mema. Danab doyak dabmak ena ele ag ulum nai ena megatteb amu, amu ele ii iitta mema. Propet danab ag Yawenu nai mehuqeg doottem amu, kobol amu ele anamib daakku, ii iitta mema amunu, ahappeg, ig hepput, Jeremaia hettoɗiakppa dayaya nauhaɗ! Ig amu hepput, nuhig nai ig daunigppa baula ii daama,” aon appig.

Jeremaia 20:10

Danab ah ag dahilnu otiptip-ppa mattiegeg doomi. Ag atteb. “⌊Nug ig padal mekkunignu, nug amuib maditte.⌋ Nug mattieye, nai amu he, danab ah oh ag eheɗ nau baɗatteb amunu, ig okkai danab amelagppa nai nug atte amu amelagppa apput, ag nug aɗaglag,” aon atteb. Ag anam aegeg, da lailad, ⌊ag oɗelagppaib da lailad daatteb amu,⌋ ag ele da nein qekkulnu oolag daatte. Ag anam henana, amu ag atteb. “Aria, ig hepput, nug kobol eheɗ laa heeb, ig nug eɗidta, ⌊nug nai eheɗ atte amu, ig⌋ amunu nob nau laa mettagnig,” aon atteb.

Jeremaia 26:8

Jeremaia nug keeke oh Yawe nug akkununab aum danab ah oh amelagppa mattia male amu, mana mettak danab, propet, amu danab ah oh ele ag oh dona, nug aɗana, “Na mauhkkutoitte,” aon appig.

Gayak Nai 3:60

Na laa ag nau dahilppa hekkulagnu henana, ag eheɗ heiɗkkulagnu dabmak aon aɗan oitteb amu, na amu oh anidna malame.

Esekiel 32:24

Elam, nuhikkud daup huanaknab oh ele ag mauhak daatteb, aben amuppa daatteb. Amu oh ag qep elabppa mauhppig. Ag oh ag bau dayak wanppa daan heeg, laa ag baɗak eheɗ nau dooppig amu, amu oh ag moɗppa nona, iitta aɗi mauhak daatteb, ag appa goppig. Ag laa ag laa eɗadna, akka akka binalag mewona, uɗa nak aon, moɗppa noppig amu, ag amunu uɗa nak ele maon nona, appa nona daatteb.

Daniel 9:26

Amge haen maha 62 amu dimugppa ⌊huu laa⌋ ag heppeg, laa king daakkunu goɗen gokkaɗakppa tituanak ele, nug king ii daama, nuhig ehanittak laa ele ii daama. Wan laappan okkai, dimppa aha amu, nug nuhikkud daup ele ag uɗin, Jerusalem, Kayaknu mettid lag ele heppeg nauhkku. Ag le ui uɗia keeke he nauhtte, amubia ag Jerusalem, Kayaknu mettid lag ele heppeg nauhkkulah. Aria, amu dimppa ukkeb ukkeb, gog tak haen batak amu, ban hak, keeke heeb nauhak ele daakku.

Hosea 9:8

Propet ag Yawenu ehanittakppa, Israel dilag aɗi uɗitte anittak danab daatteb. Ag anam daatteb me, Israel danab ah ag propet ippulag ohppa pelem metteb. Ao, ahilag Kayaknu mettid lag, amuppa ele, danab ah ag propet dilagnu kekeɗ metteb.

Namba 1:14

Gad huuppanu am Eliasap, nug am Deuel bekka.