Jeremaia 11:11 - Nobonob Baibel

¹¹ Amu Yawe Nug atte. “Juda ag anam hetteb amunu, da heppi, uug naunab laa, ag eɗidna, ii anidmananu elele iitta, ahilagppa bekku. Uug naunab amu beebeb, ag da ehanadkkulnu da onilppa ekkulag, amge da ahilag ewak da ii doopa.

Jeremaia 11:11 ပူးပေါင်းရင်းမြစ်များ

2 King 22:16

Yawe Nug inam atte. “Da heppi, uug naunab aben imuppa, danab ah aben imuppanu dilagppa ele, buk Juda dilag king ebqeum eleppa yaak oh niitte bia bekku.

2 Stori 34:24

Yawe Nug inam atte. ‘Da heppi, uug naunab aben imuppa, danab ah aben imuppanu dilagppa ele bekku. Danab eheɗ heeb, amunu eheɗ laa awaknu anak waappa dayaknu nai oh buk laa ebqeeg, Juda dilag king doyom, amuppa yaak nitte bia ana bekku.

Job 35:13

Am genab, Kayak Nug ahilag unuqittak haen amunuib ehanittak awaknu, dimppa Nug dim lamidkkulagnu ii dabmemana, Nug unuqittak amunu ii dabmette. Ge, Laa Nukka Ɠagattag Oh Ele Nug unuqittak amunu nakok laa ii dabmette.

Sam 18:41

Ag ehanattaknu eppig, amge auntai laa ag ehanatteb, padal makppa ii daamnanu laa ii dayom. Ao, ag Yawe ehanadkkunu unuqidppig, amge Nug ii ehanattom.

Sam 66:18

Da dabmak dahilppa hipunin qekkulnu dabmelom amu, Naɗi Nug unuqittak dahil ii doolo.

Prowerb 1:28

Amu da Doyak Dabmak Ena ele anam hekkul, amu haen amuppa aun aɗi ag dahil nai ii doon dim lamidppig ele amu, ag dahilnu ekkulag, amge da nob laa ii madapa. Ag da mattiɗkkulag, amge ag da ii aniɗmana.

Prowerb 29:1

Danab nug oo eɗukkunu daug batak kuɗum awawa, hamu bia doyaya, nug oo eɗumanu dabmak nuhig ɠagattag eppe oitte, nug guittak okkai awa nauhkku; nauhaknu aɗi keeke bette amu, baoliaknu ib laa iitta.

Aisaia 1:15

Amunu, ag geha ag eppelag attan human, da unuqilkkulag amu, da ag ii doyadpa, da ag ii anadpa. Ag unuqittak kuɗum hekkulagtai, ⌊amge⌋ ag amu hekkulag dayeb, diig amunuib da dookkulnu daul ii humapa. ⌊Aɗinu?⌋ Ag eppelagppa danab tiilag ambak daatte.

Aisaia 24:17

⌊Gadonnab gadon,⌋ wanppan danab ah ag haen naunab nau aoglag. Ag baɗak eheɗ nau dooglag. Ag danab ag doɗ aoglagnu moɗ hayag aoeg dayeye, doɗ ag oinna, moɗ hayag amuppa nona daaegeg aotteb bia, ag nau anam aoglag. O ag doɗ uhuippa tetteb bia, amubia haen nau amu ahilagnu anamnab ag aɗualadkkunu bekku.

Jeremaia 11:14

Yawe Nug anam awowa, Nug da amelppa aum. “Jeremaia, na danab ah imu dilagnu aib unuqiɗme. Na da ehanadkkulnu aib oɗ meɗame. Aɗinu? Da nahip nai ii doopa. Ag uug nau anidnana, da unuqiɗppeppeg, da amu ele ii doopa,” awa aum.

Jeremaia 11:17

Yawe Nukka Ɠagattag Oh Ele, Nug danab ad eppe ba daatte, amubia Nug ag ehanatte, ag gemu daatteb, amge Nug uug naunab ahilagppa beeb, padal mekkulagnu ɗo ma malom. Aɗinu? Nug amunu atte. “Ag Israel danab ah, Juda danab ah ele ag eheɗ henana, ag kalu danab ile muttuɗig enanag bette ele aon main, kayak hambuppuak Bal mettaegeg, diig amunu da oppoɗil beum, gemu ele daatte,” awa atte.

Jeremaia 14:12

Danab ah imu ag ee ohnu kud mena daaglagtai, amge diig amunuib da ahilag unuqittak ii doopa. Ag manaknu ofa, amu ee aegnu ofa ele hekkulagtai, amge diig amunuib da ahilagnu ena ii doopa. Iitta. Da heppi, ag banppa, enugppa, amu oɗe nau danab kuɗum aqe mauhtteb eleppa ele mauhadna, padal mekkulag,” awa aum.

Jeremaia 14:2

“⌊Gu ii nekku amunu,⌋ Juda danab ah ag gaaglag. Aabppan danab ag uug naunab dooglag. Ag ahilag wan nauhkku amunu, ag qanak bia hekkulag. Jerusalem appa gayak aakku daakku.

Jeremaia 15:2

Na amu heppe, ag inamtai oɗ mettaglag. ‘Ig adeppa gokkunig?’ aon oɗ mettaglag. Ag anam oɗ mettaglag dayeb, na inam appe doyeg! ‘Yawe Nug inam atte. “Ag laa ag oɗe nau aon mauhkkulagnu daatteb amu, ag gona, oɗe nauppa mauhkkulag. Laa ag qep elabppa mauhkkulagnu daatteb amu, ag gona, qep elabppa mauhkkulag. Laa ag enugppa mauhkkulagnu daatteb amu, ag gona, enugppa mauhkkulag. Aria, laa ag diia ukka, laih me dayak danab ah wan laappa gona daaglagnu daatteb amu, ag gona anam aakku daaglag,” ’ ” awa atte.

Jeremaia 18:11

Anam amunu, Jeremaia, na danab ah Jerusalem daatteb, Juda danab ah laa oh ele inam amelagppa appe doyeg! ‘Yawe Nug inam atte. Antteg! Da uug naunab ahilagppa bekkunu babaittette daattem, da ag nau aoglagnu ib aakku ooɗttem amunu, ag anen anen ag nau tuɗidna hemananu ag oolag eɗueb, ag ahilag kobol, ahilag hak ele tutukku dayaɗ!’

Jeremaia 19:15

“Yawe Nukka Ɠagattag Oh Ele, Israel dilag Kayak, Nug inam atte. ‘Doyeg! Juda danab ah ag da oɗel dim lamidmananu dabmak ahilag ɠagattag eppe, ag dahil nai doyak uun, ii dim lamidtteb amunu, da aɗi uug naunab aab okkai imuppa, aab talilidna daatteb ele dilagppa bekkulagnu ami amu, da heppi, uug amu oh genab anamib bekkulag,’ ” awa atte.

Jeremaia 19:3

Na inam akkut. ‘O Juda dilag king, amu Jerusalem danab ah ele ag Yawenu nai doyeg! Yawe Nukka Ɠagattag Oh Ele, Israel dilag Kayak, Nug inam atte. “Doyeg! Da heppi, uug naunab aben imuppa nekku. Danab auntai nug amu nekku dimppa, nug amunu nai dookku amu, nug eheɗ ottaikku.

Jeremaia 23:12

Amu Yawe Nug imu ele atte. “Propet, mana mettak danab ele ag amu hetteb amunu, da heppi, ag danab ib aiɗikkakppa oitte bia daaglag. Da heppi, ag gatatu ooppa oinna, nena qekkulag. Aɗinu anam bekku? Ahilag bu awak haenppa amu, da heppi, uug naunab ahilagppa bekku,” awa atte.

Jeremaia 25:35

Gumak danab ag oolna gona, ena daaglagnu aben laa iitta. Ao, gumak danab ag aben laa, ag appa gona, ena daaglagnu laa iitta.

Jeremaia 35:17

Ag amu hetteb amunu, da, Yawe, da am Kayak Dakka Ɠagattag Oh Ele, da Israel dilag Kayak, da attem. “Doyeg! Da heppi, uug naunab oh, amu da Jerusalem danab ah oh dilagppa, amu Juda danab ah laa oh ele dilagppa bekkunu ami amu, uug amu oh am bekkulag. Da ag amelagppa nai mattimi, amge ag daulag ii human dooppig. Da ag onilagppa emi, amge ag nai nob laa ii meɗappig.” Da Kayak, da anam awe attem.

Jeremaia 36:31

Da nug, nug bekkod amu nuhikkud ehanittak danab laa, ag nau heppig amunu, nau hak amunu da ag bu madakkul. Da Jehoiakim aɗi dilagppa, danab ah Jerusalem daatteb, amu Juda danab ah ele, da uug naunab digdig ahilagppa hekkulnu ami amu, uug amu oh, da heppi, ag aakku bekkulag. Ag dahil nai dooglagnu uun ii dooppig amunu, da anam aakku hekkul.’ ” Yawe Nug anam aum.

Jeremaia 6:19

Wan atu ohppan danab ah, ag doyeg! Dahilad danab ah ag dahil nai doyaknu uun, ii doyegeg uɗie, gemu ele ii dootteb; ag dahil ɗo dim lamidkkulagnu ele dimettan, ɗo dahil waappa ii daaegeg uɗie, gemu ele waappa ii daatteb amunu, da heppi, ag bu eheɗ aon, ag nauhna autna aoglag. Ag eheɗ hekkulagnu lokkumakppa dabmenana maittak eheɗ aon heppig amunu, kobol amunu meu nau ahilagppa bekku.

Gayak Nai 2:22

O Yawe, anukka na danab ah ag uɗin, hobul dayaknu haen na epeɗiadna maadme laa anidkkulagnu onilagppa eme; amubia na baɗak eheɗ nau taliligna daaglagnu onilagppa eme. Yawenu oo nauhe, bu mettaknu deɗppa laa nug hamu ii oolom. Laa nug bau ii dayom. Ao, laa ig ag atognoadmut ele amu, kekeɗ ag oh aqaeg mauhadppig.

Esekiel 14:3

“Danab bekka, danab imu ag kayak hambuppuak dim lamadkkulagnu dabmak ag oolag unuqagppa meppig daatte. Ag amu hena, ag kayak hambuppuak dottolkad, amuam keeke nau, danab he na qette amu, ag amu noolagppa dup nona binalag metteb. Ag anam hetteb amunu, da nai laa ag madakkulnu am enate?

Esekiel 7:5

Amu Naɗi Yawe Nug inam ele atte. “Padal mak naɗi uɗitte! Wanppan danab laa nug deɗ laa padal mak uɗitte amu, nug padal mak amubia laa ii anttom. Iitta.

Esekiel 8:18

Ag amu hetteb amunu, da oo nauhak doyeye, da nob madakkul. Da ag anatte, oo doyak ii doopa! Ge, da ag anatte, bu madakkulnu ii uupa! Israel ag da daulppanab da ehanadkkulnu ekkulagtai, amge da ii doopa; ii ehanadpa,” awa aum.

Amos 5:19

Deɗ amu geha danab laa nug doɗ laion laa baɗitta, oola ukka, doɗ bea laa noobppa watte bia daakku. O iitta, danab laa nug ⌊aɗi keeke baɗitta oola,⌋ laug ooppa noa, nug eppeg bahia, lagnu gilil aɗa hik aokkunu heehe, mat nau laa eppeg emaltte bia daakku.

Maika 3:4

⌊Amu ag Israel dilag okkai danab, ag anam hetteb amunu, Yawe Nug bu madakku.⌋ Haen amu uɗieb amu, ag Yawe ehanadkkunu gaaglag, amge Nug ag ii ehanadma. Ag eheɗ heppig amunu, haen amuppa Yawe Nug ag ehanadkkunu ii neekkadma. Iitta.

Sekaraia 7:13

Amu Yawe Nukka Ɠagattag Oh Ele Nug atte. “Israel danab ah ag da ag amelagppa nai mattimi, haen amuppa ag dahil nai dooglagnu uuppig amunu, ag da onilppa eeg, da ele ii doomi.

1 Tesalonaika 5:3

Danab ah ag, “Haen ena aakku beum, ig maɗoɗ ena daagnig,” abeppeg, haen amuppanab keeke eheɗ, ag heeb nauhkkulagnu, ahilagppa bekku. Keeke eheɗ amuam ah nug nid aokkunu guittak paha bette, amubia beeb dooglag. Danab ah ag keeke eheɗ amu ii qe-eɗidmana.

Hibru 1:3

Aam lettod ye, amahlak amia ukke, danab ah anidtteb, amubia Kayak Bekka Nug Kayak binag amahlak oppiaawak ele he, danab ah anidtteb, amu Nug Mameg daatte, amubianab daatte. Nug keeke oh nuhig naippa ɠagattag aqadtte. Nug nuhig mauhakppa Nug danab dilag hipunin uhuqa mattaknu ib ooɗom. Nug ib amu ooɗowa, Nug eɗua hab aabppa ta, Nug Kayak, Nug dagom onig ɠagattag ele, Nug Nug eppeg naɗiap-ppa daatte.