Jeremaia 10:7 - Nobonob Baibel

⁷ Na wan atu oh dilag King daattem; danab ah ohnab ag nahipnu ebehilag oh bodoetta le mekkunu daatteb. Aɗinu? Ig danab ah oh anam hekkunig am kobol pehettak, kobol tutukku ele. Laa ele, wanppan wan ohppa danab ag doyak dabmak ena ele daatteb, amge ag oolagppa, aria, ɗo maɗoɗ oh oolagppa ele, laa nug na bia laal ii daatte.

Jeremaia 10:7 ပူးပေါင်းရင်းမြစ်များ

2 King 17:39

Iitta. Ag da, Yawe, ahilag Kayak, ag da noolppaib dup nona binal mekkulag. Ag anam heppeg, aria geha da ag ehanadppi, kekeɗ ahilkad laippu laa ag ag ii eɗadmana,” awa aum.

1 Stori 16:25

Aɗinu? Yawe Nug onig ɠagattag ele, laa oh eɗattak daatte. Nug danab ah ag Nug binag mekkulagnu elelenab daatte. Ge, danab ah ag nuhignu ebehilag oh bodoetta le mekkunu elelenab daatteb. Kayak laa anam laa ii daatte.

Esta 1:13

Am king nug haen ohppa aɗi keeke bau bia be, nug danab laala ag Persia dilag ɗo, amu kobol elenu doyak okkai ele, ag nug dabmak medatteb ele amu, nug hanhan keeke bau bia be amunu oɗ madattom amunu, haen imuppa ele nug pahanab nuhikkud danab amu a uɗieg, ag ele Wasti heum, ag amunu mattiak heppig.

Sam 147:5

Ihinig Naɗi am onig, ɠagattag ele! Nug ebehi okkai ele! Diignu doyak tutukku nuhig am okkainab; am batak iitta ele!

Sam 22:28

Aɗinu? Yawe, Nug am king. Nug wan imuppan wan anen anen oh gumadtte.

Sam 47:3

Nug ig Israel ehanikke, ig wan laalappan danab eɗadmut. Yo, Nug ig ehanikke, ig danab ah huu laappanu gumadttem.

Sam 72:11

King oh ag nug noobppa dup nokkulag. Ao, danab ah wan ohppanu ag nug waappa daan Nug oɗe dim lamidkkulag.

Sam 76:7

Danab ah ag na huana baɗidttebnu diig am miagib daatte! Haen na oppoɗin bette amu, aun nug na noomppa hibaitta daakkunu elele?

Sam 86:8

O Naɗi, kayak laa na bia laa iitta. Na danab keeke hekkunu elele iitta hettem, amge ag am anam iitta.

Sam 86:9

Naɗi, na danab ah wan ohppan hattame, ag uɗin, na noomppa dup nona binan mekkulag. Ao, ag na onin am binag amahlak oppiaawak ele mettaglag.

Sam 89:6

Aɗinu? Auntai laa hab ohppan nug Yawe ele melemel laippu ele daakkunu am laal iitta. Ao, auntai laa nug ag hab attan daatteb oolagppanu, nug Yawe bia iitta.

Eksodas 8:10

Moses anam a amu, Paro nug aum. “Butti unuqitte!” awa aum. A amu, Moses nug aum. “Aria, na geha Yawe, ihinig Kayak, na laa Nug bia ii daatte dookkutnu, da na ame bia anam hekkul.

Eksodas 9:14

⌊Aɗinu na paɗadppe gokkulag?⌋ Na ii paɗadppe gokkulag dayeb, na geha wan ohppa aun laa da bia ii daatte tutukku dookkutnu, da eheɗ naunab na metten, nahipad ehanittak anuqak danab ele matten, danab ah nahipad ele madakkul.

Aisaia 2:4

Am Yawe Nug geha wanppan wan ohnu danab ah dilag nai doya mala, hettoɗia, epeɗia, elele medakku. Ao, Nug geha wanppan wan anen anen oh dilag nai bappaidkku. Nug anam hekku, amu danab ah buɗub ohnu ag ahilkad qep elab aon heppeg, wan buuaknu aen laa daaglag. Ao, ag ahilkad ban lat heppeg, eɗun ad eppeg babaittaknu aen daaglag. Wan laappan danab ag ahappeg, wan laappan danab ele baula ban ii hemana. Ag ban hak sul ele baula ii hemana.

Jeremaia 10:6

O Yawe, laa nug na bia laa iitta. Na onin ɠagattag ele daattem. Na ebehinnab ele daattem.

Jeremaia 5:22

Amu Yawe Nug inam ele atte. “Ag Juda, ag dahilnu ebehilag oh bodoetta iite le mekku? Ao ag da noolppa daanna, ag iite baɗamna? Da yu ihippa, yu tom amu eɗidmanu ihi memi. Ao, yu nug tom amu ii eɗidma, gemu, butti aɗi ele tom anamib aakku daakku. Yu duban nug okkai qekku, amge tom amu loppaɗa, tom laappa ii tema. Ge, yu duban am wagainab meebeb, oqotti huanak okku, amge tom amu ii loppaɗma. Iitta.

Daniel 2:27

King anam oɗ mette, Daniel nug aum. “O king, doyak danab laa, o emaɗ danab laa, o baɗ mak danab laa, o eman danab laa nug king atte bia hekkunu elele iitta,

Daniel 2:28

amge Kayak, hab attan daatte, Nug keeke uug ele he, miag atitte. Nug anam hette amunu, Nug na, King Nebukatnesar, Nug na dimppa aɗi bekku aakku ippunittom. Na niiak abenppa tul niinna, tuleglegppa keeke digdig anidme am iikku.

Habakuk 3:2

O Yawe, da na onin, binan okkai elenu nai doomi. Ao, O Yawe, nahip haknu amu, da dabmein, da ebehil oh bodoetta le mette. Da na nahip hak okkai baula gemu hekkutnu oɗ medattem. Ao, na ihinig haenppa nahip ɠagattag hak baula ippunigkkutnu oɗ medattem. O Yawe, na ihinignu oppoɗin beum daatte, amge na oppoɗin anam dayeye, na oo gai-iitta doya oo metta ehanittak kobol ele dabmekkutnu oɗ medattem.

Sekaraia 2:11

Haen amuppa amu, wanppan wan kuɗumnu danab ah ag Yawe gukkuidna daan, Nug dim lamiɗkkulagnu hekkulag. Ag nuhikkud danab ah bena daaglag. Nug ag oh, ag oolagppa daakku. Anam beeb amu, ag Yawe Nukka Ɠagattag Oh Ele Nug da meiɗe, da ahilagppa uɗimi dooglag.

Malakai 1:11

Aɗinu? ⌊Da ahilag mana mettak ii aopanu uug laa ii doottem.⌋ Aam bedeppan ukka aam nodeppa da onil am binag ele daakku. Da onil am binag ele daakku amunu, danab ah ag kalu danab ile muttuɗig enanag bette, amu doɗ tutukku ele manan, da meɗaglag,” Yawe Nukka Ɠagattag Oh Ele Nug anam atte.

Luk 12:5

Amge ag aun baɗidkkulagnu amu, da ag ippunadkkul. Laa nug danab qeeb mauheb, buɗieb padal mak abenppa gokkunu ɠagattag ele amu, ag nuhignu baɗeg! Ao, da ag amelagppa attem, ag nuhignu baɗeg!

1 Korint 8:6

Amge ihinignu, Kayak laippuib daatte, Nug am ig Mamenig, Nug am keeke ohnu diig daatte amunu, ig am nuhignuib bau daattem. Naɗi ele am laippuib daatte, Nug am Jesus Kristus. Kayak Nug nuhigppa keeke oh hattom, amu ig nuhigppa bauklel aottem.

Josua 4:24

Yawe Nug wan ohppan danab ah oh ag Nug ɠagattag okkai ele dooglagnu amu, ag Israel, ag hanhan Yawe, ahilag Kayak, ag nuhignu ebehilag oh bodoetta le mekkuoitte dooglagnu, Nug anam heum,” awa aum.

Revelesen 11:15

Aria, engel ebqak 7 nug trampet nuhig iwale amu hab aab appa da laa baalag okkaippa inam aeg doomi. “Wan ohppan gumak uɗat aakku eɗua, ihinig Naɗi, amu laa Nug danab ah dilag Padal ii maknu ehanittak daakkunu tituanom, am Kristus, Nug ele eppelahppa daatte. Naɗi Nug hanhan uɗat amu hekku,” aon appig.

Revelesen 15:4

O Naɗi, na aakkuib oppiaawak daattem amunu, aun laa ag nahipnu ebehi oh bodoetta le mak ii doon, na binan amahlak oppiaawak ele ii mekkulag? Atu atu danab oh uɗin, na noomppaib dup nona binan mekkulag. Nahip genab tutukku hak kobol am miag atia beum amunu, ag hekkulag,” aon appig.