Jeremaia 10:19 - Nobonob Baibel

¹⁹ ⌊Amu Jerusalem danab ah ag oɗelag oohona, inam akkulag.⌋ O gadonnab gadon, da guittak aomi daattem. Da guittak aoi, ihil mettom ele amu, laa nug heeb, ihil amu qaɗaiedakkunu elele iitta. Anam, amge da dagakka, da amelppa ami. “Imuam dahil oɗe. Da maokkulnu daattem.

Jeremaia 10:19 ပူးပေါင်းရင်းမြစ်များ

Sam 39:9

O Yawe, na, laa iitta, na, na da bu meɗattem amunu, da na noomppa bakkum daattem; da nai laa ii madittem.

Sam 77:10

Da anam dabmein, da ami. “Da uug naunabppa nomi, amge ⌊da dabmak eheɗ tuɗitten aopanu,⌋ da Kayak Attannab Laa Oh Eɗattak, Nug keeke okkai okkai heumnu dabmekkul.

Aisaia 8:17

Yawe, Nug gemu Jakop buɗub dimattowa, ii ehanadtte ele amu, da Nug ameg mebippi, ⌊Nug keeke oh hekkunu aum amu hekku⌋. Da Yawe, nuhignu oolppa genab dookkul.

Jeremaia 14:17

Anam amunu, Jeremaia, na gona, danab ah imu amelagppa inam appe doyeg! ‘⌊Qinob, uug naunab amu beppeg, da akkul.⌋ O gadon, da amel leb huanaknab naɗ! Ao amun, tuqan ele anamib hanhan naɗ! Aɗinu? Dahilad danab ah, ag da ele tiinig laippu, ag am da aɗel, ah makkun dahil bia daatteb amu, ag makkuɗakppa ihilag nau ele daatteb. Ao ag maduduɗattakppa guittak okkainab aoppig.

Jeremaia 14:7

⌊Yawe Nug gu ii nekkunu anam mattie, da unuqitte ami.⌋ “O Yawe, ig hipunin hemut, amge na, na oninnu dabmak anuqak aon, na ehanigkkutnu unuqidttem. Ig haen kuɗum na dimedata autta aomut. Ao, ig nahip-ppa hipunin hemut.

Jeremaia 17:13

O Yawe, naib ig Israel buɗub ehanigppe, ig ena daagnig. Danab ah oh ag ib apiɗidna, na uuidna oitteb ele, ag uɗa nak aoglag. Laa ag na, Yawe, ag ib apiɗidna, na uuidna, oitteb, ag yaak gappudppa dayaya, paha nauhtte, ag amubia nauhkkulag. Aɗinu ag anam nauhkkulag? Ag na Yawe, na keeke ena ohnu diig daattem amu, ag ib apiɗidna, na uuidna oitteb.

Jeremaia 4:19

O gadon, da, ⌊Jeremaia, da⌋ guittak naunab nau doottem. Da danab guittak nau doya, beɗu itoɗia hette, guittak amubia da doottem. Da oolppa guittak nau anam doottem. Gamalppa uttu taub dahil huanaknab qutu qutu edatte. Da oɗel qamutak daakkulnu elele iitta. Aɗinu? Da ban bekkun daatte, da amunu trampet iwalak aakku doyen malami. Ao, da ban hettebnu ewak aakku doomi.

Jeremaia 4:31

⌊O gadon tuleglegppa da⌋ gayak doottem. Da ah nug nid tatamnu aokkunu haaha, ewawa aiqagatte, da gayak amubia doottem. Da gayak doottem am, ag Juda danab ah, ahilag. Ah laa nug laa ehanidkkunu eppeg bahia, “O gadonnab gadon, da mauhkkulnu hettem. Da danab nau eppelagppa daaiyi, ag heppeg mauhkkulnu hettem,” atte amu, ag Juda danab ah ag amubia daatteb doomi.

Jeremaia 8:21

Da ele tiinig laippu ag aakku guittak naɗi okkai aon malappig amunu, da oolppa ele guittak okkai naɗi doottem. Da mahiak okkai hettem. Da antten, ameg iɗuak doottem.

Jeremaia 9:1

O gadon, da tiinig laippu kekeɗ aqaeg mauhppig dilagnu amu, da ikkilppa le gottu dayeb, da amel leb ele le qeppuɗia bak dayeb, da amun, tuqan ele dahilad tiig laippu dilagnu gaappi, amel leb nekkunu ool daatte.

Gayak Nai 1:2

Uug naunab ah beɗuppa be, nug tuqan eheɗ gayeye, ameg leb na, hippegppa daatte, kobol amubia Juda danab ah dilagppa beum daatte. Ah laa, danab kuɗum ag anen anen nug amegppa, “Da nahipnu ool mauhtte,” atteb, amge uug naunab nuhigppa bette haenppa, danab amu laa nug ehanitteb, oo mekkunu laa ii uɗitte amu, Juda dilagppa anam beum daatte. Ge, ah laa nug laikkud kuɗum ele, amge layag laa nug ah amu ele nug kekeɗ daaeh, ah amu laikkud laa ag eɗun, laa ah amu kekeɗ mettom ɠagattag qettan, ah ele kekeɗ hetteb amu, Juda dilagppa anam beum daatte.

Gayak Nai 3:48

Gadonnab gadon. Dahilad danab ah nauhppig daatteb; amunu da amel leb eheɗnab nette.

Maika 7:9

Ig Yawe noobppa hipunin hemut amunu, ig nuhig bu mekkak aottem. Ig bu mekkak amu aopput ukkeb, Yawe Nug eɗua ehanikkebeb, haen amuppa iitta mekku. Iitta meeb, ig eɗut, ena daagnig. Ao, haen amuppa Nug heeb, ig eɗut amahlakppa daagnig. Haen amuppa amu ig eɗut, Yawe Nug genab tutukku daatte, anam ele hette amu, ig amu anidkkunig.