Jeremaia 10:13 - Nobonob Baibel

¹³ Kayak Nug a, lombig hinqaknab ahaeg, hakkaɗ qette. Nug he, lombig amu wan atu ohppa ahatteb. Nug he, amemɗi awewe, gu ele ne, ulah ele Kayak meumppanu uɗitte.

Jeremaia 10:13 ပူးပေါင်းရင်းမြစ်များ

1 King 18:41

Ag appa daanna, Elaiya nug Ahap amegppa inam aum. “Na paha gona, ee, le ele la! Aɗinu? Gu naɗi nekkunu oqotti wa uɗitte doottem,” awa aum.

Job 38:22

Na aben laa sno nekkunu aguppa qagmak daatte amu, na aben amuppa wana oimete? Ao, na aben laa ais doɗo nekkunu aguppa qagmak daatte amu, na aben amu anidmete?

Sam 104:13

Yawe Nug gu he ne, qaukoppa leppu daatte. Nug anam heewo, wanppa keeke beegeg, danab, doɗ ele aotteb.

Sam 135:17

Ge, ag daulag ele, amge ag nai dooglagnu elele iitta. Ag hik nakok laa ii aotteb.

Sam 135:7

Nug he, lombig wan tona daatte. Nug gu, amemɗi ele maate uɗittep. Nug he, ulah uɗitte.

Sam 147:8

Yawe Nug he, bud huanak habppa daatteb. Ao, Nug he, gu neene, wan le aotte. Nug hette, amuppa Nug he, gikkiɗah qauko nakokppa betteb.

Sam 18:13

Yawe Nug hab attannu nai mattie, baag oqotti am hakkaɗ oqotti okkai bia neum. Ao, Kayak Attannab Laa Oh Eɗattak baag am ɠagattagnab ele.

Sam 68:33

Ban daup ikki ɠagattag okkai ele laa, nuhig hosppa atu wan oh matta gotte, amubianab Yawe Nug hab anukkanab heum amu, Nug amuppa gotte. Nug lomppa nai maditte, amuam hakkaɗ qette, amubia bette.

Eksodas 9:23

Aakku Moses nug dudqak hokkat nuhig awa aɗa, hab eppone, amu Yawe Nug he, hakkaɗ qe, amemɗi awa, wanppa ne, ais doɗo ele neum. Yawe Nug he, ais doɗo Isip laih ohppa aakku neum.

Jeremaia 14:22

Wan laalappan kayak hambuppuak dottolkad ag heeg, gu nettete? Ge, hab nug nukka he, gu nakok laa nettete? Iitta! Na, Yawe, ihinig Kayak, na hee, gu nette amunu, ig naib neekkidttem. Aɗinu? Naib keeke amu oh hettem amunu, ig naib dabmedattem.

Jeremaia 19:12

Amu Yawe Nug inam ele atte. “Oolnu noak imu onig Topet, ippa ag danab gaɗalag huanak boumadkkulag amunu, aben imuam dahil neekkakppa dubuttid tak ele daakku. Amubia da heppi, Jerusalem am aben imu, Topet, amubia daakku. Jerusalem appa ag lag laalappa, king laug ele koɗokko uɗem ukkakppa tena, ag kalu danab ile muttuɗig enanag bette, ag kalu amu hoɗoppai dilagnu manan mattanna, ag kayak hambuppuak laala dilagnu ele wain gokkaɗaknu ofa heegeg uɗie, gemu ele hetteb. Anam amu, da heppi, lag amu oh am dahil neekkakppa dubuttid tak ele daaglag. Dubuttid tak amuam aben imuppa, Topet atteb amu, dubuttid tak aben imuppa daakku, anamib lag amu ohppa ele daakku.” ’ ” Yawe Nug da amelppa anam aum.

Jeremaia 5:24

Ag dabmak tutukku aolob, ag inam alob. ‘Yawe, ihinig Kayak, Nug gu nekkunu daatte haenppa gu he nette amunu, ig ee ele daattem. Nug anam hette amunu, ig nuhignu ebehinig oh bodoetta le maɗ!’ Ag anam mattilob, amge ag dabmak tutukku amu ii aotteb amunu, ag anam ii atteb.” Yawe Nug anam awa atte.

Jeremaia 51:16

Nug a, lombig hinqaknab ahaeg, hakkaɗ qette. Nug he, lombig amu wan atu ohppa ahatteb. Nug he, amemɗi awewe, gu ele ne, ulah ele Kayak meumppanu uɗitte.

Amos 4:13

Yawe Nug anam attenu diig am, Nugib am laa qauko heum, Nugib am laa Nug he, ulah iwala oitte, Nugib am laa Nug dabmak nuhig danab ah ippunadtte, Nugib am laa Nug he, aam bette haenppa gatatu nette, Nugib am laa Nug qauko attan igippa ele oitte; Nugib am laa Nug keeke amu oh hette. Nug am Yawe Kayak Nukka Ɠagattag Oh Ele. Nug onig am aakku.

Sekaraia 10:1

Ag aam haen digma daakkunu hette, ag haen amuppa Yawe gunu oɗ metteg! Ao, Yawe Nug he, lombig hinqetteb. Yawe Nug he, gu danab ah ehanadkkunu nette. Ao, Yawe Nug he, gu neene, danab dilag ee meu otteb.