Jeremaia 10:10 - Nobonob Baibel

¹⁰ Danab ag kayak hambuppuak anam bappaidtteb, amge Yawe, Nug Kayak genab. Nug hanhan bau daatte. Nug king hanhan daatte. Nug oo nauhe, wan uɗaltte. Wanppan wan anen anen oh ag nuhig oppoɗi bak waappa daatteb ele amu, ag ena ii daamna. Iitta. Ag nauhkkulag.

Jeremaia 10:10 ပူးပေါင်းရင်းမြစ်များ

Genesis 21:33

Aa ukkaeh, Abraham nug Berseba appa ad tamarisk eppom, amu nug amuppa Yawe, Nug Kayak hanhan daatte amu, nug Nug noobppa dup noa binag meum.

1 King 18:39

Aria, haen danab ah oh ag amu anidna amu, ag oh laippun gatelag qaun o, gomelna, iɗulag wanppa mena, ag inam eppig. “Yawe Nugib am Kayak genab, Yawe Nugib am Kayak genab!” aon eppig.

1 King 8:60

Amunu diig am, wan ohppan danab ah oh ag geha, Yawe Nug nukka Nug am Kayak genab, amu kayak laa Nug bia laa ii daatte dooglagnu daatte.

1 Stori 29:11

O Yawe, habppanu keeke oh, wanppan keeke oh ele am nahipadib daatteb amunu, na onin, ɠagattag ele. Na ebehin ele, na binag amahlak oppiaawak ele. Na dagom onig ɠagattag ele. Na ɠagattag okkai naɗi ele daattem. Gumak uɗat oh am nahipib, na laa oh eɗattak, oh ikkilag daattem.

2 Stori 15:3

Haen elab Israel ag Kayak genab ele ouqak ii daappig. Mana mettak danab laa Kayaknu ippu ag ippunadkkunu ii dayom. Ag Kayaknu ɗo ii dooppig.

Job 9:6

Kayak Nug he, wan imu uɗalala, abenppa ii daatte. Ao, Nug he, wan mawaknu keeke okkai okkai am uɗaltte.

Sam 10:16

Yawe Nug king hanhannu daatte! Ao, O Yawe, na heppe, laa ag kayak laala dilagnu dup nona binag mak kobol hetteb ele ag nahip wanppa aib daappig.

Sam 100:3

Ag imu doyeg! Yawe Nug am Kayak! Nug ig heikkom. Ig nuhikkud daattem. Ao, ig am nuhikkud danab ah daattem. Ig am nuhikkud sipsip bia daautut, Nug ig atognoikkakka dabmegatte.

Sam 100:5

Aɗinu? Yawe Nug enaib dayaya, enaib ele hette. Nuhig oo mauhaknab kobol hanhan alet daatte. Ao, nuhig oo metta ii uuak kobol am haen oh, anamib daatte.

Sam 104:32

Yawe Nug wan neekkitte, wan uɗaltte. Yo, Nug eppeg bahia, qauko lauɗatte, appanu kahug attan tette.

Sam 114:7

Yawe noobppa amu, wan uɗalaɗ! Ao, Jakopnu Kayak noobppa amu, wan uɗalaɗ!

Sam 145:13

Nahip ɗo maɗoɗ am hanhan daatte; am geha iitta ii mema. Ge! Na king hanhan daattem. Aɗi keeke Yawe Nug hekkunu atte amu, Nug aakku hette. Laa amu, Nug aɗi keeke hette ele, Nug oo bodoettak, enanag, maɗoɗ ele hette.

Sam 146:6

Yawe, laa iitta, Yawe Nug keeke oh, amuam hab, wan, yu ele, amu keeke oh amuppa daatteb ele, Nug amu oh hattom. Ao, Yawe, laa iitta, Yawe Nug hanhan oo metta ii uuak kobol dim lamidtte.

Sam 18:7

Nug unuqittak dahil doya he, wan uɗalala, hahaɗom. Ao, Nug doya he, qauko ukkulkad uɗalom. Ge, wan, qauko ele aa anam hepiɗnu diig am, Kayak Nug ⌊laa ag da heiɗppeg nauhkkul anatta,⌋ Nug oo nauhom.

Sam 29:10

Yawe Nug yu okkai gumatte. Ao, Nug king okkai hanhannu daatte.

Sam 31:5

O Yawe, da ouɗil na eppenppa mettem. O Yawe, na Kayak, na doyak diig genabib ohnu diig daattem. Na da qagaiettakppanu eɗua uhuqak hena meɗakkutnu oɗ medattem.

Sam 42:2

Ao, danab le baag diieb, le antta lakkunu oo huana daatte, anamnab, da Kayak gumitte ukken daakkulnu ool huana daatte. Nug am Kayak bauklel. Ganeb da Nug noobppa daakkul?

Sam 68:11

Naɗi Nug keeke bekkunu aum, am danab ah kuɗumnab ag nai Kayak Nug heeb bekku, ag nai aumnu oo gamag ahak eleppa eppig.

Sam 68:8

Na, na Kayak Sinai appa nahipad danab ah gumadna neme amu, na anam hee, na noomppa wan uɗalom. Ao, na, Israel dilag Kayak, na anam hee, na noomppa gu neum.

Sam 74:12

Na, O Kayak, na anukkanabnu uɗie uɗie, gemu ele ihinig king daattem. Na am wanppan danab ah dilag Padal ii maknu ehanittak daattem.

Sam 76:7

Danab ah ag na huana baɗidttebnu diig am miagib daatte! Haen na oppoɗin bette amu, aun nug na noomppa hibaitta daakkunu elele?

Sam 76:8

Na hab attan daanna, na nai doon malan, hettoɗin, epeɗin, elele mettan, na nai ana, nahipad kekeɗ ag bu aoglagnu ame. Wanppan danab ah ag amu doona, ag hahaɗna, na noomppa toettan daappig.

Sam 77:18

⌊Genab,⌋ hakkaɗ am habppa huana qaaqa ukkom. Amemɗi awa, wan oh amahlom. Wannu amu, wan hahaɗaɗa, uɗalom.

Sam 84:2

Da Yawe daatteppa wain daakkulnu ool huanaknab hette. Ao, da ool, meul ohppa ele, da wain Kayak bau daatte ele daagnihnu ool daatte.

Sam 9:8

Nug geha genab tutukku hak kobol dim lamittatta, wan ohppan danab ah ib amuppa epeɗiadkku. Ao, nug geha nai doya mala hettoɗia epeɗia elele mettak kobol dim lamittatta, wan atu ohppan danab ah atognoadkku.

Sam 90:11

O Naɗi, aun nug nahip oo nauhaknu ɠagattag doyeb oo maidkku? Danab ag nahip oppoɗi bak pehettak anidna dootteb ele amu, ag pehettak nahipnu ebehilag oh bodoetta le mette.

Sam 90:2

Na qauko ii hattame haenppa, ao, na wan, amu keeke oh amuppa daatteb ele ii hattame haenppa, na, O Kayak, na daame. Na am Kayak. Na hanhan anam daame, hanhan ele anam daakkut.

Sam 93:2

O Yawe, anukkanab na digmena, keeke oh gumattem. Ao, na am bauklel.

Sam 97:4

Nuhig amemɗiag awa, wan amahalitte. Wanppan danab ah ag amu anidna, ag hahaɗtteb.

Aisaia 37:17

O Yawe, da na Asiria dilag king Senekaripnu nai doon, dabmekkutnu ool daatte. O Yawe, na neegna, Asiria ag aɗi hetteb anidna dabmekkutnu oɗ medattem. Asiria dilag king Senakerip nug na, na Kayak bauklel ele, nug na awa awa nittak naunab nidakkunu nai me uɗiom amu oh, na amu neegna anidna doon, dabmekkutnu oɗ medattem.

Aisaia 37:4

Asiria dilag king nug he, nuhig ban daup ikki banppa o ban guguittakppa daatte, nug Kayak hanhan bau daatte awa awa qedakkunu uɗia, ⌊anam heum⌋ amunu Yawe, Nug nahip Kayak, Nug awa awa qettak nai amu Nug doyom ele, Nug nai amu dabmedakkutai. Nug dabmedatta, Nug Asiria dilag king bu medakkutai. Anam amunu, na ig Juda oɗo yaak daattem ele, na Yawe Nug ehanigkkunu unuqidkkutnu oɗ medattem,’ awa atte, aon appig.”

Aisaia 40:15

Yawenu neekkakppa amu, wan atu oh am keeke nakoknab, le ataɗa nak laippu giɗo nakokppa nette, amubia. Ao, Yawenu neekkakppa wan atu oh am keeke nakoknab, gappud teppu iittanab, skelppa daatte, amubia. Nug nud oh uugnu amu Nug gappud teppu iittanab skelppa daatte, Nug nud oh dilag uugnu anamib dootte.

Aisaia 40:28

Ag Yawe, Nug Kayak hanhan daatte, Nug wan atu oh, amuppan keeke oh ele heum amu, ag amu iite dootteb? Ag amu daulagppa iite dooppig? Yawe Nug beɗu bahi ii yaatte; beɗu bodo-ii-edatte. Nuhig diignu doyak tutukku amu, laa nug oh dookkunu elele iittanab iitta.

Aisaia 57:15

Aɗinu? Yawe, Nug attannab dayaya, keeke laa ohnab eɗadtte, Nug hanhan daatte, nug onig am oppiaawak ele amu, Nug atte. “Da aben attan, aben oppiaawak ele, da amuppa daattem, amge da danab aun laa, nug nukka nuhignu, ‘Da am danab ena, onil okkai ele,’ ii dabmette, nug nukka nug onig qe nette amu, da danab amu ele daattep. Da danab nug nukka nug onig qe nette amu, da nug ooppa ɠagattag qedakkulnu, da anam hettem. Ao, da danab nug nukka nuhignu, ‘Da am danab ena, onil okkai ele,’ ii dabmette amu, da nug nuhig ouɗippa ɠagattag qedakkulnu, da anam hettem.

Aisaia 65:16

Aun laa nug Juda wanppa laanu, “Nahip-ppa enaib bekkunu ool daatte,” akku amu, nug Kayak doyak diig genabib ohnu diig daatte onigppaib amu hekku. Ao, laa nug Juda wanppa nuhig nai ɠagattag qedakkunu hette amu, nug Kayak doyak diig genabib ohnu diig daatte onigppaib amu hekku. Nug amu hekkunu diig am, Yawe Nug heeb, uug tatam daappig ohnab am iitta mekku; iinab daamna. Yawe Nug amunu, “Tumainu uug amu, da heppi ii daama,” akku.

Jeremaia 23:36

Amge ag akka akka ag lailkad ag anam oɗ madatteb amu, ag ⌊hambuppun,⌋ “Nai meunab ele Yawe oɗeppanu am inam,” anana, ag nai amu Yawe oɗeppa ii aoppig amunu, danab anen anen dilag nai am nai meunab ele bia bette. Anam amunu, ag, “Yawenu nai meunab ele,” baula aib appig. Nai amuam genab nai meunab ele iitta amunu, ag heeg, Kayak bauklel daatte, Yawe Nukka Ɠagattag Oh Ele, ihinig Kayak amu, ag nuhig nai heeg, kaboliak daatte.

Jeremaia 4:24

Da neekki ukke, qauko ele anadmi, amu qauko okkai ag uɗalegeg, qauko nakok ag danab ameg uuette, pehettak ii daatte, ag amubia heppig anidmi.

Jeremaia 50:46

Kekeɗ ag ban hena, Babilon eɗadppeg, ag eppelagppa daappeg, haen amuppa wan atu ohppan danab ah ag doon, ottaikkulag. Babilon danab ah ag haen amuppa eheɗ gaaglag, amu danab wanppan wan laala ag gayak amu dooglag.

Jeremaia 51:29

Yawe Nug Babilon wan heeb nauhaknab dayeb, danab laa appa ii daamanu dabmeum, dabmak amu ɠagattag eppom daatte. Nug amu hekku amunu, danab guittak okkai naɗi doya, beɗu hahaɗeɗe, buɗibɗib oitte, Babilon amubia hekku.

Daniel 4:3

Nug uɗat naɗi, Nug heumnu at daatte, Nug amu hette. Ao, Nug uɗat ɠagattagnab ele hette. Nuhig ɗo maɗoɗ am hanhan alet daatte. Ao, nuhig gumak am menuattak huu laippu bia, ahilagppa daye ukke, laa beeg, ahilagppa ele daatte.

Daniel 4:34

Kobol amu oh Nebukatnesar, nuhigppa be, dimppa Nebukatnesar nug aum. “Haen anam daakkulnu dayom am iitta me, da, Nebukatnesar, da amel humen, neekki, hab attan te, ⌊Kayak dabmei, Nug he,⌋ dahil dabmak eɗua, danab dilag dabmak, kaaka iitta aakku dayom. Kayak anam he, dahilppa anam be, da Kayak Attannab Laa Oh Eɗattak binag memi. Da binag onig okkai ele Laa hanhan daatte mettami. Aɗinu? Nuhig ɗo maɗoɗ am hanhan alet daatte. Ao, nuhig wan atu gumak am anamib alet, ii tuqa awak daatte.

Daniel 6:26

Da ɗo imu iikku mei gotte. Danab ah ohnab ag da wan atu gumattem amu, wan amunu aben ohppa, ag ohnab ag Danielnu Kayaknu ebehilag oh bodoetta le maɗ! Danielnu Kayak Nug bau daatte. Ao, Nug hanhan daatte. Nuhig ɗo maɗoɗnu amu, laa nug heeb ii nauhma. Ge, nuhig wan atu gumak am alet, ii tuqa awak daatte.

Daniel 6:27

Nug danab ehanatte, ag qagaiettakppa ii daatteb. Nug ehanatte, ag padal ii metteb, Nug habppa, wanppa ele uɗat naɗi, Nug heumnu at daatte amu uɗat ɠagattagnab ele hette. Nug Daniel ehanitte, qagaiettakkppa ii dayeye, laion ag nuhignu eheɗ laa ii heppig,” awa yom.

Daniel 7:14

Nug gumitta ukke, amu Kayak Hanhan Daatte Nug king daakkunu ehah, binag amahlak oppiaawak ele, ɠagattag okkai, wanppan ɠagattag laa oh eɗattak ele mettom. Danab ah wanppan huu ohppanu, danab ah ɗo maɗoɗ ohppan, amu danab ah nai piɗe piɗe ohppanu ele ag Nug noobppa dup nona Nug binag meppig. Nug hanhan king daakku, laa tuqa ii aoma. Laa ele ɗo maɗoɗ nuhig heeb ii nauhma; gemu, am butti aɗi ele.

Joel 2:11

Amu Yawe Nug nuhikkud daup noolagppa anuqa ugakka, Nug baag okkaippa hakkaɗ qette bia ette. Aɗinu? Nuhikkud daup dilag ebqak am huanaknab; ebqaknu elele iitta. Laa amu, laa Nug nuhig nai meu he bette ele, Nug am ɠagattag okkai ele. Laa ele amu, Yawenu deɗ naɗi am deɗ okkai ele. Deɗ amuam heeb, danab ebehi oh bodoetta le mekkunu deɗ amunu, auntai nug deɗ amu ɠagattag hibaitta daakkunu elele? Laa iitta.

Maika 1:4

Le qaukoppanu huan nette, amubia Yawe Nug qauko igippa oiyeye, qauko ag le mena netteb. Ao, danab uppuh biig aab aɗu guguittak me, laih le me, laih amuam oolnu noak bia daatte, amubia oolnu noak Nug noobppa betteb.

Nahum 1:5

Yawe Nug oiyeye, qauko ag uɗaltteb. Ao, qauko nakok am keeke le ma, noa gotte bia hetteb. Nug dayeye, wan oh uɗaltteb. Ao, keeke oh amuppa daatteb ele hahaɗtteb.

Nahum 1:6

Yawe Nug oppoɗi beeb, aun nug ii nauhma? Ao, Yawe Nug oo nauhak huanaknab doyeb, auntai laa nug ena daakku? Nuhig oppoɗi bak am aab aɗu bia. Nug he, men Nug noobppa daatteb amu, ag aoɗtteb.

Habakuk 3:10

Ao, na wanppa nee, qauko ag uɗalppig. Le ui eheɗ oum. Yo, yu huana koɗkoɗ qe, oqotti okkai oum.

Habakuk 3:6

Yawe Nug hibaitta daya, Nug he, wan uɗalom; Nug neekke, wanppan wan ohnu danab ah ag hahaɗppig. Nug he, qauko haen elab daappig, ag nena qeppig. Ao, qauko nakok, haen elab daappig amu, ag hiɗan nona daappig. Yawenu hak am hanhannu.

Malakai 3:2

Nug anam uɗikku, amge haen nug uɗieb amu, aun nug deɗ amuppa ɠagattag daakkunu elele? Ao, haen Nug miag atieb amu, aun nug ena hibaitta daakku? Aɗinu? Nug silwa, gol keeke babaitta epeɗia awak uɗat hak danab nug aab gakkaɗaknab, amuppa he, dubuttid laa ii daatte, Nug aab amubia daakku. O iitta, Nug sop ɠagattag, dubuttid ihaeg na gotte, Nug amubia daakku.

Matyu 16:16

Jesus anam a amu, Saimon Pita Nug oɗeppa awa aum. “Na am Kristus, na Kayak bauklel ele Bekka,” awa aum.

Matyu 26:63

Nug anam aum, amge Jesus Nug nai nakok laa ii mattiom. Aria, baula mana mettak ikki danab Nug amegppa aum. “Da Kayak bauklel onigppa da na amenppa attem. Na nai genab tutukku a! Na genab Kristus, Kayak Bekkate o iitta?” awa aum.

Jon 17:3

Bauklel hanhannu, amuam danab ag na Kayak, na nakkaib am Kayak genab, amu da, na bekkat, na da meiɗe uɗimi amu, ag i oh dooitkkulagnu daatte.

Aposel 14:15

“Ag ippan danab, ag aɗinu anam hetteb? I ele am danab, ag biaib. I Nai Ena ag amelagppa mehuqta, amu i ele ag keeke nau hamu meu iitta amu uuadna, ag Kayak bau daatte amu Nug dim lamidkkulagnu amelagppa mehuqttep. Nug am hab, wan, yu ele, amu keeke oh amuppa daatteb ele, amu oh Nug hattom.

Duteronomi 32:4

Nug am hanhan ɠagattag daatte; nuhig uɗat am qa oppiaawak ele. Keeke oh Nug hette amu, Nug nai doya mala hettoɗia epeɗia elele mettak kobol dim lamitta hette. Kayak Nug diig nuhignu oo metta ii uuak kobol dim lamittatta, Nug eheɗ laa ii hette. Nug tutukkuib daatte, Nug nai doya mala hettoɗia epeɗia elele mettak ibuppa hanhan daatte.

Duteronomi 5:26

Aɗinu? Ig danab ig mauhttem ele, amu ig oonigppanu danab auntai laa nug, ig hemut bia, nug Kayak, hanhan bau daatte, Nug aab ewak laa ooppanu nai mattieye doya, bau dayom? Laal iitta.

1 Tesalonaika 1:9

Aɗinu? Danab aabaab ohppanu ag Tesalonaika, ahilagnu ag mattin, ag Tesalonaika danab ag ig ena atognoigppignu, ag Kayak Bauklel dim lamidkkulagnu kayak hambuppuak dottolkad aakku uuadppignu, ag eɗun Kayak Bauklel, genab ele waappa daan nuhig uɗat hekkulagnu,

1 Timoti 1:17

Amu Kayak, Nug am keeke ohnu king hanhan daatte, Nug ii mauhtte, ig Nug anidkkunignu elele iitta, Nug aakkuib am Kayak. Binag, amu binag amahlak oppiaawak ele hanhan alet ele nuhigppa dayaɗ! Genab.

1 Timoti 6:17

Danab ah wannu haen imuppanu keeke kuɗum ele amu, Na tutukku imu ag amelagppa appe doyeg! Ag beɗuppa tak kobol aib heppig. Ag keeke oh paha nauhtteb ele, ag amunu oolagppa genab aib dooppig. Ag Kayak, Nug nukka aakkuib keeke ena ena kuɗum, ig oonig gamag ahakkunu megatte ele amu, ag nuhignu aakkuib oolagppa genab doyeg!

Hibru 10:31

Amu danab laa nug hipunin nuhignu, Kayak bauklel ele eppegppa epeɗiak aokkunu gokkunu am keeke hamu iitta. Keeke amuam keeke baɗak, uug naunab ele.

Josua 3:10

Kanan danab, Hit danab, Hiwi danab, Peres danab, Girgas danab, Amo danab, Jebus danab ele ag wan Jodan le imu heqo laihppa daatteb. Ag amuppa daan, wan amu gumatteb, amge Kayak bau daatte, Nug ag Israel oolagppa daatte, Nug heeb, ag Israel, ag danab amu lamadkkulag. Nug ag amu miagib ippuanatteb anidkkulagnu amu,

1 Jon 5:20

Ao ig ele doottem, Kayak Bekka Nug uɗia, ig Mame genab, Nug doognignu diignu doyak tutukku mekkom. Amu laa, Kayak Nug am genab diig, amu ig nuhigppa daattem, amu ig Nug Bekka Jesus Kristus, nuhigppa ele daattem. Kayak Nug am Kayak genab, Nug bauklel hanhannu diig ele.

Revelesen 20:11

Da amu anttena amu, da imu ele anidmi. Da sia king okkainab, hakkab ele, amuppa Kayak Nug heɗep na dayeye anidmi. Wan imu, hab ele nug noobppanu ooleh, aben laa aa daaglahnu ii dayom.

Ikki Danab 5:4

O Yawe, na Seirnu ahan gome. Ao, na Edomnu ahan, laippuppa tappa ukkak heme. Na anam heehe, wan uɗalom. Ao, wan anam uɗalele, gu huanak ele lombig hab waappa daappigppanu neum.

1 Samuel 17:26

⌊Ag nai amu mattieg, Dawit nug nai amu doya, genab madippigtai dookkunu,⌋ nug Israel ban danab laa guguitta dayom ele amegppa ana, oɗ metta aum. “Danab laa nug nob, Pilistia danab amu ele ban heya, Israel ted nug danab amu qeeb mauheb, amuppa nug heeb, uɗa nak nau guittak ele ihinigppa daatte iitta meeb amu, aria geha Saul nug keeke aɗi ena nuhignu hekku? Ele amu, Pilistia umu, nug am iitta aɗi laa amu, nug nukka nuhignu attem dabmette amunu, nug aha, Kayak bauklelnu ban danab ig, nug guhig ahaknu nai ihinignu ette,” awa aum.

1 Samuel 17:36

Da, nahip maɗi nid, da laion am bea ele aqati mauhpiɗ, amubia Pilistia danab umu, nug iitta aɗi laa amu, da qeppi mauhkku. Aɗinu? Nug nuhig ewakppa, nug Kayak Bauklel elenu ban danab dilagnu guhig ahaknu nai eum.