Jeremaia 1:7 - Nobonob Baibel

⁷ Da anam ami, amge Yawe Nug da amelppa aum. “Na, ‘Da am nid nakokib,’ aib ame. Da na adeppa gokkutnu appi amu, na appa gokkutoitte. Da na amenppa aɗi nai madikkutnunab ippunidppi, na amu madikkutoitte. Aib na ii heme!

Jeremaia 1:7 ပူးပေါင်းရင်းမြစ်များ

1 King 22:14

Nug anam aum, amge Mikaia nug ehanittak anuqak danab amegppa aum. “Yawe genab bau daatte, genab amubia da Yawe aɗi da amelppa atte amu, da amu aakkuib da madikkulnu elele,” awa aum. “Da keeke laanu madikkulnu elele iitta,” awa aum.

1 King 3:7

O Yawe, dahil Kayak, na da, nahip maɗi nid, na da awiɗna hee, da mamel abenabppa king daattem, amge da am nid nakok hamu laa bia daattem amunu, da attem hekkul? Da kobol aɗippa danab ah gumadkkulnu amu, da ii doottem; elele iitta.

2 Stori 18:13

Amge Mikaia nug ehanittak anuqak danab amegppa aum. “Yawe genab bau daatte, genab amubia da dahil Kayak aɗi da amelppa atte amu, amu aakkuib da madikkulnu elele. Da keeke laanu madikkulnu elele iitta,” awa aum.

Eksodas 6:29

Nug inam amegppa aum. “Da am Yawe. Nai oh da na medakkul amu, na Isip dilag king Paro appe doyaɗ!” awa aum.

Jeremaia 26:2

Nug da amelppa inam aum. “Jeremaia, na ahan, da, Yawe, da laulppa Israel danab dilag haɗap-ppa daanna, na danab ah Juda aab anen anennu uɗin, ag da Yawe, ag da laulppa da noolppa dup nona binal mekkulagnu uɗitteb ele amelagppa da na aɗi nai na amenppa akkutnunab attem amu, na amu madippe doyeg! Na nai da ippunidkkul amu, na nai amu huppu nakok laa aibnab tippalme.

Jeremaia 43:1

Amu Jeremaia nug nai amu oh Juda danab ah amu amelagppa aum. Nai amuam Yawe, Juda dilag Kayak, nuhig nai aakku. Yawe Nug Jeremaia aɗi aɗi ag amelagppa akkunu ana me, ahilagppa ukkom amu, nug ag amelagppa aakku aum.

Jeremaia 7:27

Yawe Nug anam ana, Nug tuɗitta, da amelppa aum. “Jeremaia, na Juda danab ah amelagppa anam abeppe, ag nahip nai ii doomna. Na ag onilagppa ebeppe, ag nai noob laa ii mettamna.

Esekiel 2:7

Israel danab ah ag nai tappe nak danab ah daatteb amunu, na dahil nai ag amelagppa abeppe, ag dooglagtai, o iittatai am nahip keeke iitta, ahilagppa daatte. Amuam ahilagppa daatte, amge na dahil nai ag amelagppa akkutoitte.

Esekiel 3:27

Na anam daakkut, amge haen laa da na nai madikkutnu dabmekkul amu, da heppi, na oɗen am qamutak ii daamna. Na oɗen qamutak ii daamna, na ag amelagppa, ‘Naɗi Yawe, Nug inam atte,’ awona, nai laa da na ippunidkkul oh ele appe dooglag, amge Israel danab ah ag am nai tappe nak danab ah daatteb amunu, na madippeppe, aun laa nug dookku amu, nug dookku. Aun laa nug ii dookku amu, nug ii dooma. Amuam nahip keeke iitta, ahilagppa daatte.” Yawe Nug da amelppa anam aum.

Amos 7:15

Amge Yawe Nug sipsip gumak uɗat dahilppanu awiɗa, Nug inam amelppa aum. ‘Na gona, Israel, dahilad danab ah, na ag amelagppa propet nai mattie!’ awa aum. Nug anam aum amunu, da uɗimi.

Jona 3:2

“Na gona, aab okkainab Niniwe, appa tena, da na amenppa nai appi amu, na danab amu amelagppa appe dooglag,” awa aum.

Namba 22:20

Balam nug anam a amu, nai awa ukkak danab ag appa daaegeg, Kayak Nug Balam gumitta na aum. “Danab imu ag na ele oh gokkulagnu appeg dookkutnu uɗippig dayeb amu, na bappaidppe oh ukkeg, amge da na aɗi keeke hekkutnu akkul amu, aakkuib hekkut,” awa aum.

Namba 22:38

Balak nug anam a, Balam nug nob ma aum. “Aakku, amge da iikku na gemu gumitte uɗimi. Da uɗimi, amge da aɗitai laala ii apa. Kayak Nug da aɗi akkulnu akku aakkuib akkuloitte,” awa aum.

Matyu 28:20

Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.

Aposel 20:27

Aɗinu? Da Kayaknu dabmak oh ag amelagppa mehuqkkulnu dayom amu da ii bodoettami. Iitta. Da mattimi.