Jeremaia 1:6 - Nobonob Baibel

⁶ Nug anam a, da ami. “O Naɗi Yawe, da am nid nakok aakkuib amunu, da nai anam madikkulnu elele ii doottem,” awe ami.

Jeremaia 1:6 ပူးပေါင်းရင်းမြစ်များ

Eksodas 4:1

Kayak Nug anam a, Moses Nug amegppa inam aum. “Amge Israel ag dahil nai dooglagnu uuglagtai, oolagppa ele genab iitai dooglag. Da nai mehuqkkul amu, aria ag geha inam akkulagtai. ‘Na hambubuttem. Yawe Nug na gumitta ii neum.’ ⌊Ag anam akkulagtai amunu, ag anam appeg, geha da attem hekkul?⌋” awa aum.

Eksodas 6:12

Yawe Nug anam aum amge, Moses nug Yawe nai aum amu eɗua nob ma inam aum. “Israel ag da nai attem amu, ag ii doon dab-ii-metteb. Da oɗel uug ele; da Paro amegppa nai tutukku madikkulnu elele iitta amunu, da attem hein, Paro nug dahil nai dookkunu dabmekkul?” awa aum.

Eksodas 6:30

Yawe Nug Moses amegppa anam aum, amge Moses nug Yawe amegppa inam aum. “Antte! Da oɗel uug ele; da Paro amegppa nai tutukku madikkulnu elele iitta amunu, da attem hein, Paro nug dahil nai dookkunu dabmekkul?” awa aum.

Aisaia 6:5

Amu oh be, da inam emi. “Dahilnu am gadonnab gadon! Da aakku nauhmi daattem! Aɗinu? Da am danab oppiak ele iitta, amu danab ah da ag oolagppa daattem ele, ag am danab ah oppiak ele iitta, amge da king, Nug Yawe Nukka Ɠagattag Oh Ele, da Nug anidmi,” awe emi.

Jeremaia 14:13

Yawe Nug anam a, da Nug amegppa ami. “O Naɗi Yawe, gadon, propet laa ag hanhan danab ah imu amelagppa atteb. ‘⌊Yawe atte,⌋ “Ag ban laa ii anidmana. Enug haen ahilagppa ii bema. Aɗinu? Da heppi, ag hanhan aben imuppa maɗoɗ ele daaglag.” ’ Ag anam aon atteb,” awe ami.

Jeremaia 32:17

“O Naɗi Yawe, na ɠagattag nahip-ppa, nakka ebehinppa ele hab, wan ele heme. Aɗi keeke uug ele na hekkutnu elele iitta laa ii daatte.

Jeremaia 34:6

Yawe Nug anam he, propet Jeremaia nug nai amu oh awa ukka, Juda dilag king Sedekaia, Jerusalem dayom amu, nug amegppa aum.

Jeremaia 4:10

Yawe Nug anam a, da ami. “O Naɗi Yawe, na ib oo ii neme amunu, laa ag Juda danab ah imu hambuppunna, ‘Maɗoɗ ahilagppa daakku,’ aegeg, danab ah imu ag amunu oolagppa genab dootteb, amge qep elab ig baanigppanab aakku daatte,” awe ami.

Esekiel 4:14

Yawe Nug anam a, da ami. “O Naɗi Yawe, da amu hekkulnu ool ii daatte. Ee lanak dahilppa da deɗ laa eheɗ heinne, ee nahip neekkakppa dubuttid tak ele ii lami. Da amu helom amu, nahip neekkakppa da dubuttid tak ele daalom. Da nid bauppan digmak uɗie, gemu batak amu, da doɗ laa nukka mauhom, o doɗ laa layag dakkuɗ qe mauhom amu, da teppu amu nakok laa ii lami. Da doɗ ii lanaknu epeɗiak daattenu teppu laa ii lami. ⌊Da amu ii lami amunu, da ee danab dilag biiak qaɗaiettakppa manak ele lakkulnu amu, da uug nau doottem. Da uug doottem amunu, na da anam hekkulnu ii amananu oɗ medattem,⌋” awe ami.

Sekaraia 2:4

engel da ele nai mattimuɗ nug engel laa amegppa aum. “Na paha gona, nid bau melemel doyaknu muɗi aɗatte amu, na nug amegppa inam appe doyaɗ! Deɗ laa dimppa danab ah huanak, doɗ manan ele Jerusalem appa daaglag. Ag kuɗumnab Jerusalem daaglagnu henana, ag oh aab ooppa daaglagnu elele iitta amunu, kuɗum ag aabnu aɗ dimittim daaglag.