Jems 5:20 - Nobonob Baibel

²⁰ Amu kobol amunu nai imu ag daulagppa doaɗ! Danab aun nug he, hipunin danab nug eheɗ hak ib dimetta, Kayak toppa eɗua dotte amu, danab ehanittom ele nug aakku he, danab ib eheɗppa oiyom ele am padal ii mema; Kayak Nug nuhig hipunin kuɗum uhuqa medakku.

Jems 5:20 ပူးပေါင်းရင်းမြစ်များ

Sam 32:1

Danab laa Yawe Nug nuhig hipunin uhuqa mettom ele, nug itittak ena awom daatte. Ao, danab laa Yawe Nug nuhig hipunin oppia mettom amu, nug itittak ena awom daatte.

Prowerb 10:12

Laa dilag nau ninig ele doyak kobolnu amu, kobol amuppa nug qak aakku bette; amge oo mauhak kobolnu amu, kobol amuppa laa nug layag nug hipunin nuhignu heum amu, nug hipunin amu oh uhuqa medatte.

Prowerb 10:2

Na ib eheɗppa en okkai aokkut dayeb amu, en amu ii ehanidma; amge genab tutukku hak kobol am na ehanitteb, laa ag eheɗ hak ahilagppanu mauhtteb, amubia na ii mauhmana.

Prowerb 11:30

Danab ag genab tutukku hak kobol dim lamidtteb amu, amuppa ag heeg, danab laa ag bau daatteb; amu danab doyak dabmak ena ele, nug kobol attem attem, laa ag aon bau oiglagnu ippunadtte.

Prowerb 11:4

Kayak Nug danab ah hipunin heegeg bu madatte, haen amuppa en okkai am danab ah ii ehanadma; amge genab tutukku hak kobol am danab ehanitte, danab ii mauhtte.

Prowerb 17:9

Aun nug laanu hipunin daug atitte, nug oo mauhak kobol he, okkai mette; amge hipuninnu dimug ma mattiak, amuam layam otaɗtte.

Jon 5:24

Da genabnab genab ag amelagppa attem. Laa nug nai dahil doya, Laa Nug da meiɗe uɗimi, nuhignu ele ooppa genab dootte amu, nug bauklel hanhannu ele; nug padal maknu epeɗiak ii anidma. Iitta. Nug aakku mauhaknu ib uua, gemu nug bauklel hanhannu ibppa daatte.

Rom 11:14

Da amu hettemnu diig am, kobol amuppa da heppi, danab da ele buɗub laippu, amuam Juda danab, da heppi, Juda danab ag, ag iitta aɗi ag gemu Kayaknu kobol enanag aotteb anidna, ag amunu ittag aqeeb, ag dabmak aona, kobol amuppa Juda danab oolagppanu laala ag Kayak baekkudppa daaglagnu dokkulagtai.

1 Korint 1:21

Wan danab ag akka ag ahilag doyak dabmak ena eleppa Kayak mattin anidkkulagnu elele iitta; ag ahilag doyak dabmak ena eleppa amu hekkulagnu am ib iitta. Anam amge Kayak Nug danab ah eɗua diikkunu ib iikku babaittom. Ag ad emaitaknu Nai Ena ig mehuqttem amu doona, ag Kristusnu oolagppa genab dooglag amu, Kayak Nug eɗua diikku. Danab laa ag Nai Enanu, “Am dabmak tutukku iitta,” aon atteb.

1 Korint 9:22

Amu da danab ɠagattag iitta oolagppa dayeye amu, da danab ɠagattag iitta bia daami. Da danab ɠagattag iitta amu diiadppig, ag Kristusnu oolagppa genab dooglagnu anam hemi. Da am danab oh ag ahilag kobol atten attenppa oitteb amu, da ag diilag amu awe, da ag oolagppan laa ehanatti padal ii memananu uɗat kuɗum heinne daattem.

1 Timoti 4:16

Na nakka kobol na hettem, amu nai, na amu danab ah ippunadttem ele amu, na amu oh atognona dabmenana he! Na uug doyaya eɗittaknuib dabmak awak kobol dim lamidna, anam he! Aɗinu? Na anam hekkut amu, uɗat nahip amuppa na laa nahip nai dootteb, na nakka nahipnu ele, na ag oh ehanadppe, ag ib ii apiɗidmana.

Pilemon 1:19

Da Pol, da dakka da eppelppa nai imu uɗug imuppa iikku yaattem. Nug nahip keeke awom dayeb amu, nob amu da geha na medakkul, amge diigppanab, na nob okkainab laa da meɗakkutnu daattenu ii apa.

Jems 1:15

Amu danab nug aɗi keekenu oo huana hette ele amu, oo hak amu nug okkai me, danab nug hipunin hette. Hipunin nug okkai ma male amu, meu nuhig am mauhak.

Jems 1:21

Amunu kobol nau oh, kobol dubuttid oh ele, wan ohppa daatteb amu, ag amu oh maoppeg ukkeb, ag akka ag onilag qeppeg neeb, ag nai Kayak Nug ag oolagppa eppom daatte amu aweg! Nai amu nug ag eɗua diikkunu elele.

Jems 5:15

Amu ikki danab ag Kayaknu oolagppa genab doona unuqidppeg amu, Naɗi Nug oɗe danab amu heeb, eɗua bau mekku. Aria, oɗe danab amu nug hipunin hattom dayeb amu, Naɗi Nug hipunin nuhig uhuqa medakku.

Jems 5:19

O lailad, ag lailag laa ag oolagppanu nug doyak diig genabib dimetta oiyebeb, laa nug eɗua eeɗeb dokku dayeb, ⌊eɗua eeɗeb doaknu kobol, amuam enanag⌋.

1 Pita 4:8

Ag lailkad dilag huana oolag mauhkkunu dabmak ahilagppa anuqak dayaɗ! Aɗinu? Layagnu oo mauhak kobol nug kobol eheɗ kuɗum tone iitta mette.

Revelesen 20:6

Aun nug eɗua hibaittak ebqak 1, nug amuppa eɗua hippaidtte amu, nug Kayaknu itittak ena awom daatte; nug am oppiaawak ele. Amu ele mauhak ebqak 2 nug danab amu heeb, nau aoglagnu ɠagattag iitta. Ag maɗ 1,000 amu ooppa ag Kayak, Kristus ele dilah mana mettak danab daanna, ag Kristus ele king daaglag.