Jems 5:19 - Nobonob Baibel

¹⁹ O lailad, ag lailag laa ag oolagppanu nug doyak diig genabib dimetta oiyebeb, laa nug eɗua eeɗeb dokku dayeb, ⌊eɗua eeɗeb doaknu kobol, amuam enanag⌋.

Jems 5:19 ပူးပေါင်းရင်းမြစ်များ

Sam 119:118

Laa ag nahip ɗo ii dim lamidtteb amu, na ag geɗadttem. Aɗinu? Ag hambuppuaknu oolagppa genab doyegeg, hambuppuak amu he, ag ib eheɗppa gotteb.

Sam 119:21

Beɗuppa tak danab ag ɗo nahip ii dim lamidtteb, ag eheɗ laa awaknu anak waappa daatteb amu, na ag daulag batattem.

Prowerb 19:27

Nid dahil, na ippunittak nai ena dookkutnu aib uume; na uukkut amu, na doyak ena aome ele am daut atikku.

Aisaia 3:12

Juda danab ah, ag am dahilad danab ah, ⌊amu ahilagnu gadonnab⌋. Nid bau ag ahilag okkai danab daan, eheɗ hadatteb. Ah ele ahan, ag gumadnana daatteb. O Juda danab ah, ag am dahilad danab ah ele, ahilag okkai ag ib eheɗppa omaladna gotteb. Ag ib nau kuɗumppa ag kaboliadtteb.

Esekiel 34:16

Amu Yawe Nug atte. “Da geha laa ag padal meppig mattialadkkul; ele amu, laa ag dabmak iitta eleppa tamtam goppig daatteb amu, da eɗue omaladppi uɗiglag. Da geha laa ag guittak aoppig daatteb bappaladkkul; laa ag oɗe meppig daatteb amu, da ehanadkkul. Da anam hekkul, amge da geha sipsip laa ag eheɗ henan titiɗppig, amu laa eheɗ hakppa ebehilag ɠagattag daatteb ele heppi nauhadkkulag. Da geha dahil sipsip nai doya mala hettoɗia epeɗia elele mettak kobolppa dabmatten atognoadkkul,” awa atte.

Esekiel 34:4

Ag sipsip gai-iitta oitteb, o oɗe ele oitteb, o laa guittak aoppig oitteb amu, ag sipsip amu eɗun ena daaglagnu ii ehanadppig. Sipsip laa ag oolna, matatun gona oippig amu, ag amu eɗun ii diippig, amu sipsip laa ag aben adekkuppa qettoɗppig amu, ag gona anadna, eɗun diiglagnu ii mattialadppig. Laa amu, ag sipsip eheɗ nau hattana, guittak madappig. Eheɗ amu oh ag heegeg uɗie, gemu ele anamib hetteb.

Matyu 18:15

Amu laa ele, na layap nug nahipnu eheɗ heeb amu, na goppe, aa aya daayya, nuhig eheɗ hak amu ippunidkkut. Ippunidppe, nug nahip nai dookku amu, nug na layap daakku.

Luk 22:32

amge Saimon, da na ehanitten, ooppa genab doyak nahip amu iitta ii memanu Kayak unuqidmi. Amu geha na eɗun ɠagattag daanna, na laipad ɠagattag daaglagnu ehanatte!” awa aum.

Galesia 6:1

O lailad, danab laa nug hipunin laa heeb, ag anidna amu ag danab ag Kayak Ouɗi ele, ag danab amu eɗun aoglagnu nai bodoettak eleppa oo babaitteg! Ag aib nuhignu guhuɗittak kobol heppig. Ag oh anen anen ahilagnu dabmeig! Satan nug ag ele eheɗ hekkulagnu oolag eeɗkkunu daatte.

1 Timoti 6:10

Keeke eheɗ ohnu diig laa am enubnu oo mauhak kobol. Danab laala ag enub ele daaglagnu wagai metteb ele amu, ag aakku ooppa genab doyak kobol uuna, uug kuɗum aakku aoppig daatteb.

1 Timoti 6:21

Danab laala ag, “Ig doyak genab amu aomut,” atteb ele amu, ag aakku ahilag ooppa genab doyak uuppig. Kayaknu ehanittak okkai hamu mettak amu, nahip-ppa dayaɗ!

2 Timoti 2:18

Danab amunu amu, ag doyak diig genabib apiɗidna, ag inam atteb. “Mauhakppanu eɗua hibaittak am ba malom,” aon atteb. Ag nai amuppa danab laala ag ahilag ooppa genab doyak heeg nauhtte.

Hibru 5:2

Nug ele hipunin hekkunu eeɗak aotte amunu, nug danab ag ootot daatteb, ag ib apiɗidtteb ele amu, nug oo bodoettakppa atognoadkkunu elele daatte.

Jems 1:16

O lailadnab, ag akka ag oolag buppuidna, “Kayak eheɗ hekkunignu eeɗak imu megatte,” amananu dabmeig!

Jems 1:19

O lailadnab, ag oh kobol imu doon autna aweg! Ag nai paha dooglagnu daulag human dayeg! Ag anam hekkulag, amge ag nai paha aib madippig, oppoɗilag ele paha aib beum.

Jems 3:14

Amge laa dilagnu amelag qe oolag elele ii dayak kobol ninig ele ag oolkadppa daatte dayeb, amu akka akka ahilagnuib dabmak awak kobol ag oolkadppa ele daatte dayeb amu, nau amu tonattepnu ag dada mattiak, nai hambuppuak ele aib madippig.

Jems 5:20

Amu kobol amunu nai imu ag daulagppa doaɗ! Danab aun nug he, hipunin danab nug eheɗ hak ib dimetta, Kayak toppa eɗua dotte amu, danab ehanittom ele nug aakku he, danab ib eheɗppa oiyom ele am padal ii mema; Kayak Nug nuhig hipunin kuɗum uhuqa medakku.

2 Pita 3:17

Amunu O lailad, ag keeke amunu dooppig daatteb amunu, ag akka guppiɗ ahilkad ag eppelagppa aɗan, nai tappaeg nak danab ag ag eeɗadppeg, ag ahilag ib eheɗppa gona, ag Kristus eppegppanu, ag aguppa enanag daatteb amu, ag appanu nena qemananu, ɠagattag dayeg!

Jut 1:11

Danab amunu am gadonnab gadon. Ag Kainnu kobol hena oitteb. Ag men doɗonuib dabmena, Balam kobol eheɗ heum bia hetteb. Ag anukka Kora tappe nak ha nauhom, amubia ag anam hena, padal metteb.