Jems 5:14 - Nobonob Baibel

¹⁴ Ag oolagppanu lailag laa nug oɗe ele daatte dayeb amu, nug Kristen tamaniak ikki danab ag Naɗi onigppa goɗen laaidnana, Kayak ehanidkkunu unuqidkkulagnu onilagppa ewaɗ!

Jems 5:14 ပူးပေါင်းရင်းမြစ်များ

1 King 17:21

Elaiya nug anam unuqitta mala, nug ukka, nug beɗu nid beɗu qaɗeppa ma tona niie, ewam bate, nug Yawe unuqitta aum. “O Yawe, na Kayak dahil, na heppe, nid imu nug eɗua, bau mekkunu oɗ medattem,” awa unuqittom.

2 King 4:33

nug lag ooppa noa, od manom. Nug nid nakok amu eleib lag ooppa daayya, aria Elisa nug Yawe unuqittom.

2 King 5:11

Elisa he, danab amu nug ukka, anam a, Naman nug nai amu doya, nug oo nauhe, nug Elisa laug uua aha ugakka, nug inam aum. “Dahil dabmak am inam dayom. Da goppi, propet amu nug dimittim da gukkuiɗa doa aniɗeb daaɗa, nug Yawe, nuhig Kayak, nug Nug unuqitta, eppeg da beɗul laih oɗe ele amu attan bahieb ukkeb, eɗua aweb dokku. Nug anam heeb, oɗe beɗulppa iitta meeb, da ena daalom. Amge iitta.

Mak 16:18

Ag mat nau aɗaglag, o le nau danab qe mauhtte ele, ag amu lakkulag, amge ag amuppa ii mauhmana. Ag oɗe danab beɗulag aɗappeg, ag oɗe uuadkku,” awa aum.

Mak 6:13

Anam henana amu, ag oɗe danab kuɗum olip goɗenppa layadna ⌊unuqitteg, Kayak he,⌋ ag beɗulag ena daye, ag ouɗi nau kuɗum ele lamadppig.

Aposel 11:30

Ag otin, ag men doɗo amu qagmena, Barnabas, Saul ele mataeg, aa men doɗo amu aoi goya, Jerusalemnu tamaniak ikki danab eppelagppa mepiɗ.

Aposel 14:23

Anam heyaya amu, aa Kristen tamaniak amu ohppa ikki danab laala otiadya maadpiɗ. Aa ee ohnu kud meya daayya unuqidyaya, aa Kristen tamaniak amu oh diiya, Naɗi, ag nuhignu oolagppa genab dooppig ele amu, Nug eppegppa maadpiɗ.

Aposel 15:4

Ag anam henana gona, Jerusalem teeg, Kristen tamaniak danab ah amu totol danab am ikki danab ele ag ag ele laippu dayaknu oolagppa eleleib doyeg, Pol, Barnabas ele aa keeke oh Kayak he hepiɗ ele, aa amunu amelagppa madipiɗ.

Aposel 28:8

Ig appa daautut, Pablius mameg nug beɗu gakkaɗak oɗe amu hioɗak oɗe naunab ele niieye, Pol nug gumitta wana, Kayak unuqittowa, eppeg qaɗeppa me, ena dayom.

Aposel 9:40

Ag anam heeg amu Pita nug he, danab ah oh dimittim ukkaeg amu nug gateg qaun o, unuqittowa eɗua ah gaɗa amu neekkitta, nug aum. “Tabita na ahe!” awa aum. Awa a, aakku ah ameg oppate nug neekka, Pita antta, aha heɗep na dayom.

Taitus 1:5

Da na Krit nudppa daakkutnu uuidmi amu, amunu diig amu da anukka na amenppa ami amubia, na dahil uɗat pehettan tuɗidna, elele mettan, na Kristen tamaniak ooppa aab aben abenppa ikki danab otiadkkutnu appa uuidmi.