Jems 2:24 - Nobonob Baibel

²⁴ Amunu gemu ag dootteb, nuhig ooppa genab doyakppaib Kayak Nug danabnu, “Genab tutukku hak danab,” ii atte. Iitta. Nug danab ooppa genab doyaya, kobol ena hette ele amu, danab amunu Kayak Nug “Genab tutukku hak danab,” awa atte.

Jems 2:24 ပူးပေါင်းရင်းမြစ်များ

Sam 60:12

O Kayak, na ig ehanigppe, ig keeke okkai okkai hekkunig. Na ig ehanigppe amu, ig kekeɗ ihinkad tappaladta, oɗoɗadkkunig.

Rom 3:28

Aria, ig inam attem. “Danab nug ooppa genabib dootte ele amu, Kayak Nug nuhignu, ‘Genab tutukku hak danab,’ awa akku,” aot attem. “Amu danab nug ɗo dim lamidtte, Kayak Nug nuhignu, ‘Genab tutukku hak danab,’ ii ama,” aot attem.

Jems 2:23

Amu nug heum amuppa nai laa Kayak naippa daatte am elele mettom. Nai am inam. “Abraham nug Kayaknu ooppa genab doyom amunu, Kayak Nug ooppa genab doyak amu antta, ‘Nug am genab tutukku hak danab daatte,’ ” awa aum. Ele amu Kayak Nug Abrahamnu, “Da layalnab,” aum.

Jems 2:25

Amubianab amu ib imuag ah onig Rahap, nug danab Josua he gopiɗ ele amu, nug aa diiata, laugppa atognoata, aab amuppan danab anatmananu ib laih maate goya, aben laappa dayoya, eɗuya, aa abenlahppa gopiɗ, diig amunu Kayak Nug Rahapnu, “Genab tutukku hak ah,” awa aum.