Jems 2:23 - Nobonob Baibel

²³ Amu nug heum amuppa nai laa Kayak naippa daatte am elele mettom. Nai am inam. “Abraham nug Kayaknu ooppa genab doyom amunu, Kayak Nug ooppa genab doyak amu antta, ‘Nug am genab tutukku hak danab daatte,’ ” awa aum. Ele amu Kayak Nug Abrahamnu, “Da layalnab,” aum.

Jems 2:23 ပူးပေါင်းရင်းမြစ်များ

Genesis 15:6

Aria, Abram nug Yawenu nai ooppa genab doyom amunu, Yawe Nug Abramnu, “Nug am genab tutukku hak danab daatte,” awa aum.

1 King 4:5

Natan bekka Asaria nug am wan obatak gumak danab, amu dilag gumak ikki anuqak. Natan bekka Sabut, nug am mana mettak danab, amu nug ele kingnu ulum mettak danab.

2 Stori 20:7

O Kayak ihinig, ig memetankad anukka haenppa danab wan imuppa daadppig amu, na hee, nahipad danab ah Israel ag danab amu lamatteg, na wan imu na layap Abraham buɗuppud, amuam ig, na ihinig hanhan daakkunu ig mekkame.

Job 16:21

O gadon, gamag danab nug huu aɗit oo mak laippu daaglahnu gamag danab uɗat hette, amubia laa nug gamag danab dayaya, Kayak da ele gamanihppa gamag danab uɗat hekku, amuam ena.

Eksodas 33:11

Ag anam heeg, Yawe Nug Moses amegppanab nai mattiom; danab layag amegppa nai maditte, anambia nug Moses amegppa nai mattiom. Yawe Nug nai amu mattia male, aria Moses nug eɗua, haen tutu dayaknu aab kalakppa gottom, amge Mosesnu maɗi nid, nid danab bau, Josua, Nan bekka, nug am lag ooppa daattom. Nug peh lag amu ii uuttom.

Aisaia 41:8

Wan laappan danab ah ag anam baɗan hetteb, amge Yawe Nug atte. “Ag Israel, ag am dahilad maɗi nid maɗi ah ele daatteb. Ao, ag Jakop buɗub, da ag tituanadmi. Ag am da layal Abraham buɗub.

Mak 12:10

Jesus Nug anam ana, Nug tuɗitta aum. “Ag nai laa Kayak naippa daatte ele, ag iite ebqeppig. Nai amuam inam. ‘Men laa, lag hak danab ag men amu uuppig, amge lag mameg nug men amu awa me, lagnu men anuqak daatte.

Mak 15:27

Ag danab aɗit laa, aa am yab danab naunab amu, ag aa Jesus ele oh atuladppig. Ag danab laa ag Jesus eppeg naɗiap-ppa ad emaitakppa atulona, laa am eppeg nanehppa ad emaitakppa atulppig.

Luk 4:21

Anttegeg amu Nug digma amelagppa aum. “Gemu da Kayak nai imu ebqeiyi, nai amu aakku meu oum,” awa aum.

Aposel 1:16

“O lailad, Kayak Ouɗi Nug Dawit oɗeppa keeke laa Judas, nug danab ag Jesus aɗaglagnu ib dayom amu, nuhigppa bekkunu a, Kayak nai amuam bekkununab dayaya aakku beum.

Rom 11:2

Danab Kayak Nug anukka ag doyattom ele, Nug ag ii geɗattom. Amu Elaiyanu kaya Kayak naippa daatte amu ag amu iitai dootteb? Elaiya nug Kayak unuqittatta, Israel danab beɗulkadppa nai ya, inam aum.

Rom 9:17

Amu Kayak nug Paro amegppa aɗi aum amu, nai amuam Kayak naippa inam daatte. “Da dahil ɠagattag nahip-ppa danab oh ippunadkkulnu, danab ah wan atu ohppa da onil dooglagnu amu, da na king meitti, na okkai aakku daattem.”

Galesia 3:22

Amge Kayak nai danab oh hipunin waappa daatteb ippunigtte amunu danab oh, ag Jesus Kristusnu oolagppa genab dootteb ele, Kayak Nug keeke madakkunu Abraham amegppa nai qakka aum ele amu, ag aoglagnu elele daatteb.

Galesia 3:6

Amuam Kayak naippa Abrahamnu yaak daatte amubia. Nai amuam inam. “Abraham nug Kayaknu ooppa genab doyom amunu, Kayak Nug Abrahamnu ooppa genab doyak antta, Nug nuhignu, ‘Nug am genab tutukku hak danab daatte,’ ” awa aum.

2 Timoti 3:16

Kayak Nug he, nuhig nai oh aakku beum, amu ig Kayaknu danab, ig babaittak daat, uɗat ena oh hekkunignu elele daagnignu, nai amu ig ehanigtte. Attemun ehanigtte? Ig amuppa ippunittak aottem. Ig eheɗ hekkunig dayeb amu, ig daug batak megatte. Ig ena ii oignig dayeb, ib tutukku ippunigtte, amu ig Kayaknu neekkakppa genab tutukku hak danab daagnignu ib ele ippunigtte.

Jems 2:24

Amunu gemu ag dootteb, nuhig ooppa genab doyakppaib Kayak Nug danabnu, “Genab tutukku hak danab,” ii atte. Iitta. Nug danab ooppa genab doyaya, kobol ena hette ele amu, danab amunu Kayak Nug “Genab tutukku hak danab,” awa atte.

1 Pita 2:6

Amu Kayak naippa, nai laa Jesusnu am inam daatte. “Da geha Sion appa men epeɗiak, men enanag laa, ukku ɠagattag daakkunu ebakkul. Amu laa nug nuhignu ooppa genab dookku amu, nug uɗa nak iinab aoma. Iitta.”