Jems 1:17 - Nobonob Baibel

¹⁷ Keeke hamu mekkak ena, elelenab ele, keeke amu oh hab aabppanu uɗitte. Aam, kalam, hoɗoppai keeke ag habppa daanna, amahlak megatteb ele amu, keeke amu oh Mamelag, Nug keeke enanag amu oh me, ihinigppa uɗitte. Mame Nug kobol nuhig eɗua eɗua ii mette. Nug keeke laa aamnu amahlakppa itotolag eɗun eɗun qetteb amubia ii hette.

Jems 1:17 ပူးပေါင်းရင်းမြစ်များ

Genesis 41:16

Nug anam a amu, Josep nug aum. “Da mehuqkkulnu elele iitta, amge keeke na dookkutnu oot hette amu, Kayak Nug na ippunitteb dookkut,” awa aum.

1 Stori 22:12

Amu na Yawe, nahip Kayak, na nuhig ɗo dim lamidkkutnu, haen Nug na Israel danab ah gumadkkutnu meitteb king daappe amu, Yawe Nug heeb, na laan neekkakppa nug dabmak eheɗ ii aomanu kobol, diignu doyak tutukku ele aɗan oikkutnu ool daatte.

1 Stori 29:19

Amu na ele heppe, da bekkal Solomon nug meu ohppa nahip haknunab anak, nahip nai, amu nahip ɗo nai ele dim lamidkkunu, nug lag enanagnab nahipnu, da lag amunu keeke qagmein bappaidmi daatte amu, nug lag amu buua malakkunu dabmak aɗa oikkunu oɗ medattem.” Dawit nug anam unuqittom.

Sam 102:27

Amge O Yawe, na amu, na ii baolittem. Ele amu, nahip dayak am ii iitta mette.

Sam 122:6

O danab ah, ag maɗoɗ Jerusalem ippa daakkunu unuqitteg! Ge, da danab ah oh ag Jerusalemnu oolag mauhtte ele, da ag ena daaglagnu ool daatte.

Sam 136:7

⌊Ig Yawe,⌋ Nug aam, kalam, hoɗoppai ele hattom amu, ⌊ig Nug amegppa, “Ena heme,” atu!⌋ Aɗinu? Nuhig oo mauhaknab kobol hanhan alet daatte.

Sam 84:11

Aɗinu? Yawe Kayak Nug am ihinig amahlak, guppiɗ ele daatte. Nug ii helo bia me, Nug ehanittak kobol dim lamidttatta, Nug binag okkai ele megatte. Yawe Nug danab ah nuhikkud ag nuhig neekkakppa oolagppa kaliak laa iitta ele amu, Nug ag keeke ena ena oh madatte.

Sam 85:12

Yawe Nug genab keeke ena ig megakku. Nug mekkebeb, wan ihinigppa ee meu ena ena bekku.

Prowerb 2:6

Aɗinu? Yawe Nug doyak dabmak ena ele megatte. Ao, Nug oɗeppa ig doyak, amu diignu doyak tutukku ele aottem.

Aisaia 28:26

⌊Nug amu hettenu diig am,⌋ Kayak, nuhig Kayak, Nug amu haknu kobol ippunidtte. Ao, Kayak Nug ib tutukku dim lamitta, amu oh hekkunu doyak medatte.

Aisaia 45:7

Da hei, amahlak amahaltte; da hei, gatatu daatte. Da hei, danab ag maɗoɗ aon daatteb, amu da hei, danab ag uug naunab waappa daan oitteb. Da Yawe, da keeke imu oh hettem.

Aisaia 46:10

Da digmak haenppa keeke laanu gogppa tak haenppa bekku amu hei, miag atitte. Da anukkanab aɗi keeke butti aɗi bekku ai dooppig. Da attem. ‘Da aɗi keeke dabmein attem amu, da hei bette. Da aɗi oh hekkulnu hettem amu, da hekkul.’

Aisaia 60:19

“Ag baula amunppa aamnu amahlak aoglagnu ii daamna. Tuqanppa amu, ag kalam enanagnu amahlak aoglagnu ii dabmemana. Am inam daakku. Yawe Nug ahilag amahlak hanhannu daakku. Ao, ahilag Kayak Nug heeb, ag binag amahlak oppiaawak ele daaglag.

Malakai 3:6

Yawe atte. “Da am Yawe, da baoliak ii hettem, diig amunu Jakop buɗub, ag nauhna, iittanab ii meppig.

Namba 11:17

Ag hippaidna daappeg, da geha noppi, appa na ele nai mattignih, amu da dahil Ouɗi nahip-ppa dayaya ehanidtte amu, da heppi, Nug danab 70 amu, ahilagppa dayaya ehanadkku. Geha da amu heppi, ag na ehanidna, uug danab ah imu na medatteb ele amu, ag uug amu ele maoglag. Geha ib amuppa na nakka ii hemana.” Yawe Nug Moses amegppa anam aum.

Namba 11:25

Ag appa daaegeg amu, Yawe Nug lombig mettid haknu peh lag tonom ele amuppa no, Nug Moses ele nai madipiɗ. Amu anukka haen laappa Yawe Nug a, nuhig Ouɗi Moses ehanidkkunu nuhigppa dayaya ehanitte, amu gemu Nug baula a, nuhig Ouɗi Nug ikki danab 70 amu ahilagppa ukka dayeye, ag propet nai madippig, amge ag haen laippu aakkuib heppig.

Namba 23:19

Danab ag hambubutteb, amge Kayak Nug am danab iitta, amu Nug ham-ii-bubutte. Ao, danab ag ahilag dabmak baolitteb, amge Nug am danab bekka iitta, amu nug nuhig dabmak ii baolitte. Yawe Nug keeke hekkunu atte amu, Nug hette. Nug keeke hekkunu nai ana qagatte amu, Nug genab anamib aakku hette.

Matyu 7:11

amunu, ag nau aɗi ag genab keeke ena ag nid ahilkad mattaglagnu dootteb dayeb, genabnab ag Mamelag, hab attan daatte, Nug danab ag Nug unuqidppeg, Nug keeke ena ag madakku.

Luk 11:13

Anam amunu, ag nau aɗi ag genab keeke ena ag nid ahilkad mattaglagnu dootteb dayeb, genabnab ag Mamelag, hab attan daatte, Nug danab ag Nug unuqidppeg, Nug nuhig Ouɗi ag madakku,” awa aum.

Jon 1:9

⌊Amahlak amuam Jesus Kristus,⌋ amu amahlak nuhig am amahlak genab. Nug wanppan danab ah oh amahlak madatte.

Jon 3:27

Anam aeg amu Jon oɗelagppa awa aum. “Kayak Nug hab aabppanu keeke laa danab eppegppa ii meeb amu, danab nug nukka nuhig dabmakppa keeke amu aokkunu elele iitta.

Jon 3:3

A amu Jesus oɗeppa awa aum. “Da genabnab genab na amenppa attem. Danab nug bau menuak ii aokku amu, nug Kayaknu ɗo maɗoɗ ii anidma,” awa aum.

Jon 8:12

Aria Jesus haen laappa baula danab ah amelagppa nai mattiaya aum. “Da am wanppan amahlak daattem. Aun laa nug da dim lamiɗkku amu, nug gatatuppa ii oima. Iitta. Nug bauklelnu amahlak ele daakku,” awa aum.

Aposel 11:18

Pita nug anam awa a, ag nai amu doyona, ag nai ahilag madippig amu uuna, ag Kayak binag mena appig. “Kayak heehe, iitta aɗi danab ele ag oolag eɗutte, bau dayak aotteb,” aon appig.

Aposel 5:31

Jesus Nug heeb, ig Israel ig oonig eɗueb, Kayak Nug ihinig hipunin uhuqa megakkunu Kayak he, Jesus Nug Kayak eppeg naɗiap, amuam aben onig okkainab ele, Nug appa ihinig Okkai, ihinig Eɗua Awikkak Danab ele daatte.

Rom 6:23

Hipuninnu nob am mauhak, amge Kayak Nug ig ihinig Naɗi, Kristus Jesusnu uɗatppa bauklel hanhannu ihinig daakkunu hamu megatte.

1 Korint 4:7

Aun na danab okkai meittom? Keeke aɗi laa na Kayak nuhigppanu ii aome? Kayak Nug na keeke oh mettom amunu, aɗinu na binan mena, keeke amu diig daattem bia doottem?

Epesus 1:18

Da Nug heeb, ahilag dabmak amahleb, butti aɗi ag aɗi keekenu Nug ag onilagppa eum ele amu, ag amunu dabmak ɠagattag aona, ag maɗoɗppan gamag doon, itittak enanagnab oh Nug nuhikkud danab ah oppiaawak ele oh aoglagnu nai qakka tituanom ele amu, ag amu oh dooglagnu ele unuqidttem.

Epesus 2:8

Ag Kayaknu oolagppa genab dooppig amu, amuppa Kayak Nug ehanittak okkai hamu matta, Nug ag eɗua diia, bauklel mattom. Nug ahilag uɗat, Nug amunu dabmaama ii mattom. Iitta! Nug ag ahilag daakkunu hamu mattom.

Duteronomi 4:19

Aria ag neegppeppeg, lomppa teeb, ag aam, kalam, hoɗoppai ele, ag keeke amu oh anadna amu, ag aib amuam kayak daatteb anana, noolagppa dup nona binalag mak heppig. Yawe, ahilag Kayak, Nug keeke oh hab waappa daatteb amu, Nug am wanppan danab ah oh ehanadkkunu hattom.

1 Timoti 6:16

Nug nukka aakkuib ii mauhtte; hanhan daatte. Amahlak ig gukkuidta gokkunignu elele iitta ele amu Nug amuppa daatte. Danab laippu laa ele Nug ii anttom, laa anidkkunu ele elele iitta. Nug binag amu nuhig ɠagattag haen oh ele nuhigppa dayeɗ! Amu genab.

Hibru 13:8

Amu Jesus Kristus Nug attem daatte amu, Nug tumai, gemu, hanhan ele anamib daatte.

Jems 1:5

Ag oolagppa danab laippu laa nug doyak dabmak ena ele elele iitta daatte dayeb amu, nug amunu Kayak unuqittaɗ! Nug unuqitteb, Kayak Nug doyak dabmak ena ele medakku. Kayak Nug keeke danab madatte amu, Nug elelenab madatta, Nug mettaknu nai ii hette.

Jems 3:15

Doyak dabmak ena ⌊iitta⌋ ele amuam hab aabppanu ii neum. Iitta. Doyak dabmak ena ⌊iitta⌋ ele amu nug wan imuppan, am Kayak Ouɗi, nuhigppanu iitta. Satan nug doyak dabmak ⌊iitta⌋ ele amu mameg daatte.

Jems 3:17

Amge Kayaknu doyak dabmak ena ele amu, doyak dabmak ena ele amuam Kristen danab ag inam oiglagnu ippunigtte. Anuqak amu, ag oppiak ele daan oiglag. Amu dim lamittak ag maɗoɗ ikki daan, ag lailkad dilagnu oo bodoettak doon, dagom danab daan, lailkad dilagnu oolag gai-iitta doon oolag mattan ehanadna autnanab aona, ag ena hak kobol ambak hena, ag danab oh dilagppa kobol laippuib dim lamidna, ag aɗi hetteb amu, ag kobol genabppaib hekkulagnu daatteb.

1 Jon 1:5

Nai ig daunigppa doot, ag amelagppa madittem ele am inam. Kayak Nug am amahlak, amu gatatu nakok laa nuhigppa ii daatte.

1 Jon 4:10

Ig Kayaknu oonig mauhom, diig amunu Kayak Nug Bekka me wan imuppa uɗiom am genabte! Iittanab! Nug ihinignu oo mauhom amunu, Nug Bekka laippunab me, Nug ihinig eheɗ haknu nob nau Nug tiigppa iitta mekkunu heeb elele medakkunu wan imuppa uɗiom. Amuam oo mauhak kobol tutukku aakku.

Revelesen 21:23

Aab okkai amuppa amu aam kalam ele aa aab amu amahlak laa medakkunu ii daattep. Aɗinu? Kayaknu binag amahlak oppiaawak ele am amahlak medatte, amu Sipsip Nag am aab amunu lam daatte.

Revelesen 22:5

Gatatu baula ii daama. Lamnu amahlak am aam amahlaknu uɗat ele baula ii daama. Aɗinu? Naɗi Kayak Nug amahlak mattebeb, ag haen oh king daaglag.

1 Samuel 15:29

Yawe, Nug am Israel dilag Kayak, Nug binag amahlak oppiaawak ele amu, Nug ham-ii-bubutte. Nug dabmak nuhig ele ii eɗutte. Nug am danab iitta amunu, Nug ig danab, ig keeke hekkunignu atata, dabmak eɗut, keeke laa hettem amu, Nug amubia iinab hette,” awa aum.