Ikki Danab 9:9 - Nobonob Baibel

⁹ Ag anam appig, amge nug uua aum. ‘Da eppelad ulah diieb, ad laa attan wana dona, wana dokkulagnu da meul, danab ah ag amuppa goɗen aonna, ag Kayak binag menana, danab ah ele ehanadtteb, da meu amu okkulnu uuen, hamu anam daakkul am enate? Iitta! Amunu da anam king daakkulnu ii hepa,’ awa aum.

Ikki Danab 9:9 ပူးပေါင်းရင်းမြစ်များ

Job 1:7

Ag oh gona daaegeg, Yawe Nug Satan oɗ mettom. “Na adeppan uɗime,” awa oɗ mettom. Nug anam oɗ mette, am Satan nug nob ma aum. “Iitta. Da wan qaɗe ohppa ukken oiyeye, eɗue doinne hein, aakku uɗimi,” awa aum.

Job 2:2

Ag oh gona daaegeg, Yawe Nug Satan oɗ mettom. “Na adeppan uɗime,” awa oɗ mettom. Nug anam oɗ mette, am Satan nug nob ma aum. “Iitta. Da wan qaɗe ohppa ukken oiyeye, eɗue doinne hein, aakku uɗimi,” awa aum.

Sam 104:15

Ee laa am muɗi grep meunu leppu, wain; wain amu he, danab nug gamag ahak dootte. Laa am olip ad meunu goɗen; danab ag aon beɗulag laaitteg ehanadtte. Laa am ee aeg bret haknu; ag ee aeg amu aon, bret hena lawona, ag ɠagattag aotteb.

Sam 89:20

Da dahil maɗi nid Dawit anidmi. Da Kayak, da goɗen dahilnu tituanak daatte, da amu laa awen, goɗen gokkaɗakppa tituanmi.

Eksodas 29:2

Na amu diin, na wit plaua enanag ele aon, na plaua laih laappa bret yis iitta hena, amu na plaua amu laih laappa na bret batappatak, yis iitta, goɗen ele kaboliak hena, amu na plaua amu laih laappa na bisket teppu iitta, yis iitta hena, goɗenppa laitte!

Eksodas 29:7

Na qakkona, na laittaknu goɗen aon, na goɗen gokkaɗakppa tituanidnana, nug mana mettak danab daakkunu goɗen igippa gokkaɗkkut.

Eksodas 35:14

Laa am, danab amahlak mattaknu lam maattaknu balal, nuhig keeke naunau, nuhig lam, am lamnu goɗen ele.

Lewitikas 2:1

Laa nug ee aegnu ofa Yawenu hekkunu haaha amu, mana mettak amuam nug plaua enanag, amuppa hekkuoitte. Nug olip goɗen gokkaɗeb noob, kalu danab ile muttuɗig enanag bette ele, am amu daugppa mekku.

Aposel 10:38

dimppa Kayak he, nuhig Ouɗi Nug Jesus, Nasaret ted, Nug ooppa ambe, ɠagattag okkai ele mettom amunu, Nug Galili appa digma, aabaab oiyaya, danab ah ehanatte, danab oh Satan he ena ii daappig ele amu, Nug bappalatte, ag eɗun ena daappig. Aɗinu? Kayak Nug ele daapiɗ,” awa aum.

Aposel 4:27

Dawit nug aum bia amu ag genab anam heppig. Herot Antipas, Pontius Pailat ele am iitta aɗi danab amu ag Israel ele, ag oh aab okkai imuppa qagmena, ag Jesus geɗidppig, Nug am maɗi nid nahip, oppiaawak ele. Na Nug anukka goɗen gokkaɗakppa tituanme.

1 Jon 2:20

Anam, amge dahilad, ag Kayak Ouɗi aoppig amunu, ag oh aakku keeke doyak diig genabibppanu bette dootteb.

Ikki Danab 9:10

Olip ad nug anam a amu, ag ad fig amegppa appig. ‘Na uɗin, ihinig king daye!’ aon appig.

Ikki Danab 9:8

Deɗ laa, ad ag laa, nug ahilag king daakkunu nug goɗen gokkaɗakppa tituankkulagnu dabmeppig. Ag anam dabmena, ag tatam olip ad amegppa appig. ‘Na ihinig king daye!’ aon appig.