Ikki Danab 9:54 - Nobonob Baibel

⁵⁴ Nug ikki aoɗe, aakku nug danab nug nuhig bannu keeke mawom ele, nug danab amu amegppa aum. “Nahip qep elab eeɗna aon, da duul o! Na da duul ii okkut amu, danab ag, ‘Ah laa Abimelek qe mauhom,’ akkulag! Da ag anam akkulagnu, da ool iinab daatte!” awa aum. Nug anam aum amunu, danab bau amu nug nuhig qep elabppa ye mauhom.

Ikki Danab 9:54 ပူးပေါင်းရင်းမြစ်များ

2 Samuel 1:10

Nug da amelppa anam aum, da nug guittak eheɗ nau awa, eɗua ena daakkunu elele iittanab anidmi amunu, da gukkuitten ukken, yaai mauhom. Da yaai mauhe, da king haɗ nug igippa dayom, amu eɗi nug eppegppa dayom ele uɗalate awe, na, na am dahil naɗi amu, da na medakkulnu awe uɗimi,” awa aum.

2 Samuel 1:7

Ag anam hekkulagnu uɗin oiyegeg, Saul nug eɗua, da aniɗa, onilppa e, da wain, ‘Da aɗi hekkulnu oot daatte,’ awe oɗ mettami.

2 Samuel 1:9

Da anam ai, nug da amelppa aum. ‘Anam dayeb amu, na gukkuiɗna uɗin, ⌊kekeɗ ag uɗin, eheɗ heiɗmananu⌋ yaaiɗppe mauhei! Aɗinu? Da guittak eheɗ awen, mauhkkulnu hettem, amge da ii mauhmi, dahil bau dayak ii iitta meum,’ awa aum.

2 Samuel 23:37

Amon danab onig Selek; Berot ted onig Naharai, nug Seruia bekka Joapnu bannu keeke mawom;

1 Stori 10:4

Saul nug guittak anam awa, nug danab bannu keeke nuhig maotte ele amegppa aum. “Pilistia danab amu ag Kayak ii dootteb, ag uɗin, da aniɗna, yaaiɗna, ag da beɗul komanman nau kuɗum qettamnanu, nahip qep elab gaɗappa daatte amu eeɗna aon, iuppe mauhei!” Saul nug anam aum, amge danab ban hak keeke nuhig mawom ele nug eheɗ nau baɗom amunu, nug Saul aum bia ii he, Saul nug nukka qep elab ⌊nuhig⌋ awa, amuppa nukka ha mauhom.

1 Stori 10:5

Saul nug anam he, danab Saulnu ban haknu keeke maotte ele, haen nug Saul mauhom antta amu, nug ele qep elab nuhig awa, amuppa ha mauhom. Nug Saul ele oh aakku mauhpiɗ

1 Stori 11:39

Amon danab onig Selek; Berot ted onig Naharai, nug Seruia bekka Joapnu bannu keeke mawom;.

Ikki Danab 4:9

Barak anam a amu, Deborah oɗeppa awa aum. “Ge, da na ele oh gokkunih. Amge na imu doye! Uɗat na gottemppa amu, na binan ii aomna. Aɗinu? Yawe Nug ah laa ehanitteb, nug heeb, Sisera na qekku,” awa aum. Anam amu, Deborah nug Barak ele Kedes gopiɗ.

Ikki Danab 9:55

Abimelek mauhe amu, haen Israel danab ag nug mauhom anidna amu, ag qatin, laulkad piɗe piɗe gona daappig.

1 Samuel 14:12

Ag akka akka anam anana, ag Jonatan, amu nuhig bannu keeke mawaknu nid ele onilahppa eppig. “Aa ihinigppa uɗipeɗ, ig doyak tutukku matagnig!” aon appig. Ag anam aeg, Jonatan nug nuhig bannu keeke mawaknu nid amegppa aum. “Yawe Nug Pilistia danab amu Israel eppelagppa meum amunu, na da dim lamiɗpe teɗu!” awa aum.

1 Samuel 14:13

Nug anam a, Jonatan nug Pilistia daappigppa tekkunu eppeg, baeg eleppa aben bai eleleppa te, nid bau nug gukkuitta dim lamitta teum. Aa anam teya, Jonatan nug digma, Pilistia dilag daup laala aqeeqe, Jonatannu bannu keeke mawaknu nid nug ele dim lamitta aqom.

1 Samuel 14:14

Amu tatam digma aqak amuppa amu, Jonatan, nuhig bannu keeke mawaknu nid ele amu, aa danab 20 keeke aqeh mauhppig. Aa aqak uɗat hepiɗnu aben amu, am wan nakokib.

1 Samuel 14:17

ag Saul amegppa amunu aeg, Saul nug, daup laa nug guguittak daappig amelagppa aum. “Ag dahilad daup ebaqadna, aun nug ii daatte antteg!” awa aum. Nug anam a, haen ag anam hena amu, ag Jonatan, nuhig bannu keeke mawaknu nid ele, aa ii daapiɗ anidppig.

1 Samuel 14:7

Jonatan nug anam mattie, nuhig bannu keeke mawaknu nid nug amegppa aum. “Na aɗi dabmettem amu, na anamib he! Da meul ohppa na ehanidkkulnuib daattem,” awa aum.

1 Samuel 16:21

Saul nug nai anam me ukke, Dawit ukka, Saul gumitta ta, nug aakku digma, Saul ehanittom. Amu Saul nug Dawitnu oo huan daye, nug he, Dawit nug nuhig daup laa, ag Saulnu bannu keeke maoppig ele, Dawit ele nug amu oolagppanu laa aakku dayom.

1 Samuel 31:6

Keeke amu beegeg, deɗ amuppaib Saul, nug bekkod, nid danab ewam, amu danab Saulnu ban hak keeke mawom, amu ban danab laa ag Saul gumappig ele, ag oh deɗ amuppaib mauhppig.