Ikki Danab 9:1 - Nobonob Baibel

¹ Deɗ laa Sekem appa Jerubal, ⌊am Gideon⌋, nug bekka Abimelek nug awikkud anadkkunu ukkom. Nug ukka, awikkud amu, aria nug anig baekkudppa laa oh ele amelagppa aum.

Ikki Danab 9:1 ပူးပေါင်းရင်းမြစ်များ

Genesis 33:18

Amu Jakop nug Mesopatemianu aha, Kanan wanppa Sekem enaib uɗiowa, nug aab okkai amu nakok guguittak haen tutu dayaknu aab kala dayom.

Genesis 34:2

Ukke, Hiwi danab onig Hamor, nug am wan amu dilag okkai, nug bekka Sekem nug Daina antta, ameg qe haaha amu, nug nuhigppa kobol eheɗ heum.

2 Samuel 15:6

Israel oh ag king anidppeg, nug ahilag nai bappaidkkunu uɗippig ele, Apsalom nug amu oh dilagppa anam heehe, Israel danab oh ag eɗun, Apsalomnu oolag huana heehe, ag Dawitnu oolag huana ii heum.

1 King 12:1

Danab ah Israel oh ag gona Sekem appa ag Rehoboam aon, ahilag king mekkulagnu goppig amunu, Rehoboam nug ele appa ukkom.

1 King 12:20

Amu haen Israel danab ah oh ag Jeroboam nug Isipnu aha, eɗua uɗiom, nai amu doon, ag nug qagmak ahilag laappa uɗikkunu oɗmak nai meeg ukkom. Nug qagmak amuppa uɗie, ag nug aon, ag Israel oh, ahilag king meppig. Amge Israel dilag huu okkai Juda, ag laa king daaglagnu Dawit buɗub, ag ahilagib dabmena oo metta ii uuak kobol dim lamidppig. Israel dilag huu okkai laa oh am anam iitta, Juda aakkuib.

1 King 12:3

Nug Isipnu uɗiom amunu, Israel danab ag Jeroboam onigppa eeg do, nug Israel danab qagmeppig ele oh ag Rehoboam gumidna gona, amegppa inam appig.

Jeremaia 18:18

Amu danab laa ag appig. “⌊Jeremaia atte am genab iitta.⌋ Mana mettak danab ag Yawenu ɗo ippunigtteb amu, kobol amu ii iitta mema. Danab doyak dabmak ena ele ag ulum nai ena megatteb amu, amu ele ii iitta mema. Propet danab ag Yawenu nai mehuqeg doottem amu, kobol amu ele anamib daakku, ii iitta mema amunu, ahappeg, ig hepput, Jeremaia hettoɗiakppa dayaya nauhaɗ! Ig amu hepput, nuhig nai ig daunigppa baula ii daama,” aon appig.

Jeremaia 41:5

deɗ amuppa danab 80 ag Sekemnu, Silonu, amu Samarianu ele uɗippig. Ag ee aegnu ofa hekkulagnu, ag kalu danab ile muttuɗig enanag bette, amu mana, Kayak mettaknu ele aon uɗippig. Ag akkaɗilag hoin, lamen pattiɗadna, gaɗalkad ele otaɗadna, ag Yawe laugppa gokkulagnu uɗippig.

Josua 20:7

Yawe Nug anam aum amunu, Israel danab ag ii doyaya laa qe mauhomnu ehanattak aab daaglagnu tituanadppig. Aab ag tituanppig ele amu, laa am Galili appa aab Kedes, aab amuam Naptali wanppa, qauko qauko daattebppa dayom. Laa am Sekem. Sekem am Epraim wanppa qauko qauko daattebppa dayom. Laa am Kiriat Arba, onig laa am Hebron. Nug Juda wanppa qauko qauko daattebppa dayom.

Ikki Danab 8:30

Nug am wauud kuɗumnab amunu, nug bekkod 70 ele.

Ikki Danab 8:31

Amu nug wau amge waunab iitta Sekem dayom amu, nug nuhig nid danab onig Abimelek menuom.

Ikki Danab 8:35

Ag Yawe daulag atie, ag danab nug onig laa am Jerubal, am Gideon, Nug keeke kuɗum Israel danab ah dilagnu heum, amge ag nug baekkudppa ele dilagnu oo bodoettak doon, ag ii ehanadppig.