Ikki Danab 8:5 - Nobonob Baibel

⁵ Ag lamadna gona, ag Sukot tena, Gideon nug aab amunu danab oɗ mattom. “Na oot da meɗan, dahil ban danab imu ee laa madakkut elelete? Aɗinu? Ag maidadaɗna autna autnanab aoppig, amge da Midian dilag king, Seba, Salmuna ele aɗualatkkulnu lamate uɗien, tuɗidib hekkul,” awa oɗ mattom.

Ikki Danab 8:5 ပူးပေါင်းရင်းမြစ်များ

Genesis 14:18

Uɗie amu, haen amuppa Melkisedek, Salem dilag king, amu Kayak Attannab Laa Oh Eɗattaknu mana mettak danab ele amu, nug ee, bret, wain ele awa ukka, Abram aɗi ele mattom.

Genesis 33:17

Ukke amu, Jakop aha, Sukot ukkom. Ukka, nug laug, amu doɗ dilag lag naunau ele appa hattom. Diig amunu aben amu onig Sukot appig.

Sam 60:6

⌊O danab ah,⌋ Kayak Nug nuhig mettid lagppa dayaya aum. “Da Sekem danab eɗatten, da melemel mein, Sekem wan oppatppi, maha maha neeb, ⌊da dahilad danab ah madakkul.⌋ Ao, da oolnu noak Sukot oppatppi, maha maha neeb, ⌊da dahilad danab ah madakkul.⌋

Duteronomi 23:4

Danab amu ag, ag haen ag Israel ag Isipnu ahan ukkaeg, ag ena hena, ee, le ele ii madappig. Iitta. Ag Beor bekka Balam, Peto ted Aram Naharaim uppanu amu, ag nug uɗia, ag eheɗ laa awaknu anak waappa daaglagnu akkunu, nug uɗat medappig.

Ikki Danab 5:23

Yawenu engel nug aum. ‘Meros danab ah ag eheɗ laa awaknu anak waappa dayeg! Yo, ag eheɗ laa awaknu anak naunab waappa dayeg! Aɗinu? Ag Yawe ehanidkkulagnu ii uɗippig. Ao, ag Yawe ehanidna, ban danab ɠagattag ele ban hekkulagnu ii uɗippig.’

Ikki Danab 8:10

Haen amuppa amu Seba, Salmuna ele aa, ahilti ban danab 15,000 ele ag aab Karkor daappig. Ag, aria ban danab kaɗag uɗitteppanu, ag aakkuib appa bau daappig. Laa oh mauhadna malappig. Israel danab ag ban danab 120,000 am aqappig.

Ikki Danab 8:12

Gideon aɗi ag appa banelag tena, ban heegeg, Midian dilag king aɗit, Seba, Salmuna ele aa oolya gopiɗ, amge Gideon nug aa lamata aɗualata he, ban danab laa ag aakku oolppig.

Ikki Danab 8:15

Gideon nug aakku Sukot ikki danab onilag awa, nug Sukot ukka, ikki danab amu amelagppa aum “Seba, Salmuna ele iikku. Haen tatam ig ippa uɗiut, ag da aon aon iun, imiɗnan appig. ‘Na Seba, Salmuna ele ii aɗualatme amunu, aɗinu ig na nahip ban danab maidadaɗna autna aoppig ele amu ee mattagnig?’ aon appig,” awa aum.

1 Samuel 25:18

Danab amu nug Abigel amegppa anam mattie, Abigel doya, nug paha aha, bret kunum 200 diia, wain doɗ gaɗappa inak aɗit, sipsip manak tanig ele, 20 kilogram ee aeg manik, grep meu qaɗaiettak batappatak 100, ad fig meu qaɗaiettak batappatak 200 ele, nug ee amu oh diia qagma, donki laala attan maattom.