Ikki Danab 8:34 - Nobonob Baibel

³⁴ Ag Yawe, ahilag Kayak, ag Nug ag ehanatta, ahilkad kekeɗ ag taliliattak daappig ele eppelagppanu diiom amu, ag nuhignu daulag atiom.

Ikki Danab 8:34 ပူးပေါင်းရင်းမြစ်များ

Sam 106:18

Anam amu, aa lailti laa aab ewatta hatte nauhppig. Ao, aab dittiak am nau hak danab amu ewattom.

Sam 106:21

Ag Kayak, Nug ehanatte, ag padal ii meppig ele, ag nuhignu daulag atiom. Ao, ⌊ag ehanadkkunu⌋ Nug keeke okkai okkai Isip appa heum, amge ag nuhignu daulag atiom.

Sam 78:11

Ag Nug aɗi keeke heum amu, ag amunu daulag atiom. Ao, ag Nug ahilagnu kobol danab hekkunu elele iitta heum amu, ag amunu daulag atiom.

Sam 78:42

Israel ag nuhig ɠagattagnu dab-ii-meppig. Ao, Israel ag Isip danab ag ag eheɗ hattaegeg deɗ laa Yawe Nug ag qagaiettakppanu eɗua uhuqak ha mattom amu, ag amu ii dabmeppig.

Eklisiastis 12:1

Na kaino mena, uug digdig anidkkut. Ao, na kaino mena, na, “Da gemu dahil oiyaknu ool ittag ii qette,” akkut, amunu gemu, haen amu ii uɗiom daatte, na gemu na nid bau daanna; na laa Nug na heittom ele amu, na Nug dabmette!

Jeremaia 2:32

Ah laa nug nuhig ewau matulak awaknu bala daug ii atitte. Ao, ah nug ewau matulak awak haenppa aɗi bala meum am dabmette, daug ii atitte. Nug anam hette, amge ag Israel ag dahilnu haen elabnab daulag atie, dahilnu nakok laa ii dabmeppig.

Jeremaia 23:27

Ag mamelkad aɗi ag kayak hambuppuak Bal dim lamidkkulag hena, da dim lamiɗak uuppig, amubia propet hambuppuak ag tul niiak anidtteb ele, ag amunu mattiegeg, laa dootteb amu, ag ib amuppa dahilad danab ah ag dahilnu daulag atikkunu oolag yaaglagnu hetteb.

Hosea 2:15

Geha da eɗue, nuhig grep dad medakkul. Yo, da heppi, Akornu oolnu noak am ena bekkunu dabmak aɗa oiyaknu od daakku. Da amu heppi, appa nug ah bau daya, ahi ettom bia ahi edakku; nug anukka Isipnu aha uɗia, ahi ettom bia hekku.

Duteronomi 4:9

Amge ag dabmeig! Ag aibnab Yawe Nug ahilagnu he anidppig ele amelag atiom. Ag bau daatteb haen imuppa ag heppeg, dabmak ahilagppa iitta mema! Ag anidppig amu ohnu ag bekkalkad, alalkad ele mattin mattaglagnu heig!

Ikki Danab 3:7

Aakku Israel ag Yawenu neekkakppa eheɗ heppig. Ag Yawe, ahilag Kayak, ag Nug daulag atie, ag kayak hambuppuak Bal iɗu iɗu, Aserah iɗu iɗu ele waalagppa daan, oɗelag dim lamidppig.