Ikki Danab 8:3 - Nobonob Baibel

³ Kayak Nug ag Orep, Sep ele, aa Midian dilag ban daup ikki aɗit amu, Nug aa ag eppelagppa meum. Amu antteg! Ag keeke okkainab heppig. Da am keeke okkai laa iinab hemi,” awa aum. Gideon nug anam a amu, Epraim danab ag Gideonnu nob mak amu doona, ag baula oolag aeg ii beum.

Ikki Danab 8:3 ပူးပေါင်းရင်းမြစ်များ

Sam 115:1

O Yawe, danab ah ag ig Israel, ag ig binanig okkai mekkaglagnu am oonig ii daatte. Iitta! Ig genabnab danab ah laa ag binanig maknu oonig ii daatte. Amu na oo mauhaknab kobol dim lamidnana, na oo metta ii uuak kobol ele dim lamidttem amunu, diig amunu danab ah ag na binan mekkulag am tutukku.

Sam 44:3

Amu ag akka, ahilag qep elabppa wan amu ii aoppig. Ge, ag akka ag ahilag ɠagattagppa, kekeɗ wan amuppa daappig ele ii eɗadppig. Amu iitta. Na ahilagnu oo mauhak doome amunu, na ag ele hanhan daan hena, nahip ɠagattag amuppa ehanatte, ag kekeɗ eɗadppig.

Prowerb 15:1

Laa nug laanu oppoɗi bak doyaya, nai ɠagattag amegppa ab, layag nug eɗua awa, nai bodoettak metteb amu, oppoɗi bak amuam iitta mekku; amge layag nug nai ɠagattag eɗua nob ma mattieb amu, laa nug oo huana nauhkku.

Prowerb 16:32

Danab nug oo maɗoɗ dayak ele kobol dim lamidtte, nug ban danab ɠagattag eɗidtte. Ao, danab nug oppoɗi bak nuhig aɗe ukke bodoedatte, nug ban danab nug aab okkai laappanu ban danab eɗatte, padal metteb, am nug eɗidtte.

Prowerb 25:11

Nai tutukku hanebppanab mattiak; amuam keeke gol, silwa eleppa hak, anttaknu enanag, amubia.

Prowerb 25:15

Danab nug oo maɗoɗ ele dayak kobol dim lamidkku dayeb amu, nuhig okkai nug dabmak eɗukku bia; amu nai bodoettakppa mattiak amu, amuam heeb, dabmak ɠagattag eppom daatte baolikkunu elele.

Jon 4:37

Anam daatte amunu, nai imuam genab. ‘Danab laa nug ee ebatte, amu laa nug meu aotte’.

Rom 12:3

Kayak Nug da ehanittak okkai hamu meɗom amu, da amuppa ag anen anen amelagppa attem. Ag akka anen anen ag, “Dahil hak, dahil oiyak ele am enanag,” amge nahip hak, nahip oiyak ele am melemel amuppa ii bette amu, ag anambia aib dabmeppig. Iitta. Kayak Nug ooppa genab doyak ahilag ag anen anen matte, ag uɗat hetteb ele amu, ag amu dabmenan, ag akka anen anen ag dabmak tutukku aon oiyeg!

Rom 12:6

Kayak Nug ig anen anen uɗat laala hekkunignu ehah mekkom amunu, danab laa nug nuhig ehah am propet nai mehuqaknu daatte dayeb, nug ooppa genab doyak nuhig dim lamitta nai mehuqaɗ!

Pilipai 2:3

Ag akka akka ahilagnuib dabmenan, keeke laa aib heppig. Amu ele ag akka hamu onilag humanna, keeke laa aib heppig. Ag akka ag onilag qeppeg neeb, danab laa dilagnu, “Da ag eɗadttem,” aib dooppig.

Ikki Danab 8:2

Ag anam appig, amge Gideon nug nob ma aum. “Dahil hak, am ag Epraim, ahilag hak bia iitta. Ahilag hak am ɠagattag, dahil am anambia iitta. Aɗi keeke ag heppig am, hak amuam ig Abieser buɗub, ig hak aɗi hemut eɗitta malom.

Ikki Danab 8:4

⌊Amge amu ii nak haenppa,⌋ Gideon nug nuhig danab 300 ele Jodan le mataɗppig; ag beɗulag maidadaɗa auta awom, me ag le amu mataɗna, tuɗidna ban danab amu lamadppig.