Ikki Danab 7:3 - Nobonob Baibel

³ Anam amunu, ag anam amananu, na nahip ban danab inam appe doyeg! ‘Aun laa nug baɗe, beɗu hahaɗtte, nug eɗua aha, aabppa ukkaɗ!’ Na anam appe doyeg!” awa aum. Yawe Nug anam Gideon amegppa a, Gideon nug ban danab amelagppa a, 22,000 danab ag eɗun aabppa goppig. Ukkaegeg, ban hekkulagnu amu, danab 10,000 aakkuib daappig.

Ikki Danab 7:3 ပူးပေါင်းရင်းမြစ်များ

Matyu 13:21

Nug nai doya aotte, amge nuhig ooppa genab doyak am ɠagattag iitta, haen tutunuib amunu, deɗ laa nug Kayaknu nai dim lamidtte, diig amunu uug laa bette o danab laala ag nuhigppa eheɗ hetteb amu, nug pahanab nuhig ooppa genab doyak paɗatte.

Matyu 20:16

Jesus Nug anam ana amu, Nug nai tuɗitta aum. “Amubia dim daatteb amu, ag anuqkkulag. Anuqak daatteb amu, ag dim daaglag,” awa aum.

Duteronomi 20:8

Ban daup ikki ag anam awona, ag tuɗidna, inam ele akkulag. “Aun laa na baɗak, o na ban haknu elele ii doottem? Na anam bia doottem dayeb amu, na laa amu ippunidppe, nug ele anam doya, nug baɗa, ban ii hemanu na aabppa ukke!” Ag amu ele akkulag.

Revelesen 17:14

Medappeg, ag Sipsip Nag ele ban hena, Sipsip Nag Nug ag oh eɗadkku. Aɗinu? Nug am naɗi dilag Naɗi, amu king dilag King. Amu laa Nug ag onilagppa eum, Nug ag nuhig daaglagnu tituanattom, ag nuhignu oo metta ii uuak kobol dim lamidtteb ele, danab amu ag oh Sipsip Nag ele daana, ban eɗidkkulag,” awa aum.

Revelesen 21:8

Amge laa ag baɗanna, akka ahilagnu dabmena hak kobol dim lamidna, laa ag oolagppa genab doyak iitta, laa ag kobol nau uɗig wak hetteb ele, laa ag danab aqaeg mauhtteb, laa ag gappai kobol hetteb, laa ag baɗ mak danab, laa ag dup noa kayak hambuppuak binag mak danab, amu nai hambuppuak danab oh ele, amu oh aab ameg kalu laa huana eotte onig salpa eotteppa, ag amuppa aben aoglag. Amuam mauhak ebqak 2 aakku,” awa aum.

Ikki Danab 6:35

Am nug ele nai awa ukkak danab maatte gona aeg, Manase, Aser, Seblon amu Naptali dilag ban danab ele uɗippig.