Ikki Danab 7:20 - Nobonob Baibel

²⁰ Aakku huu ewam amu oh ag trampet ahilkad amu iwaladnan, ag wan hinai aoɗadna malappig. Ag hul amahlaknab ele am eppelag nanehppa aɗualadnan, trampet ahilkad iwalkkulagnu amu eppelag naɗiap-ppa aɗualadnan, muttub qenan eppig. “Ahappeg! Ig qep elab aɗat, Yawe, Gideon ele dilah ban hetu!” aon eppig.

Ikki Danab 7:20 ပူးပေါင်းရင်းမြစ်များ

Aisaia 27:13

Ge, danab trampet okkai iwale, danab dotteb, amubia Yawe Nug heeb, laa kekeɗ ag lamatteg, Asiria wanppa gona qettoɗna daatteb, laa Isip wanppa gona qettoɗna daatteb ele amu, ag appanu eɗun uɗin, Jerusalem appa qaukoppa, qauko amuam Kayaknu tituanak daatte, ag appa Yawe noobppa dup nona Nug binag mekkulag.

Jeremaia 47:6

Ag gaanna, ⌊kekeɗ ag Yawenu qep elab bia daatteb dabmena, qep elab nai doolo bia qep elab amegppa⌋ akkulag. “O Yawenu qep elab, na hik ii aottem. Na danab ah aqadkkutnu ii uuttem; amu haen gane laa ele ukkeb, na hik aon, aqaknu uɗat uukkut? Na eɗun, gaɗan nahip-ppa nona daye! Ao, na toettan, manin daye!” aon akkulag.

2 Korint 4:7

Ig Kayak binag amahlak oppiaawak elenu doyak aomut, amge ig am danabib, waa wanppa hak amubia, ig keeke ena amu aot, laa oh ag ɠagattag okkainu diig am Kayak, ig iitta, amu dooglagnu daattem.

1 Tesalonaika 4:16

Aɗinu? Haen amuppa danab ah ag haknunab laa anaknu ewak, engel okkainu ewak, amu Kayaknu trampet ele gayak doobppeg, Naɗi Nug hab aabppanu neeb, danab ag Kristusnu oolagppa genab dooppig ele amu, ag tatam eɗun hippaidkkulag.

Hibru 11:4

Abel nug Kayaknu ooppa genab doyom amunu, nug mana mettak, Kain eɗittak, mana mettak enanag heum, amu Kayak nuhig mana mettaknu amu enanag antta nuhignu, “Genab tutukku hak danab,” awa aum. Abel nug am anukka mauhom, amge nuhig ooppa genab doyak am ig aɗi hekkunignu gemu ele ig ippunigtte.

Josua 6:16

Ag anam hena, haen ag aab amu talilitteg, eblaih aɗit bate amu, mana mettak danab ag trampet huana iwalattegeg, Josua nug danab ewak hekkulagnunab ana, nug aum. “Yawe Nug aab okkai ag eppelagppa maattom amunu, ag eig!” awa aum.

Josua 6:20

Amu haen Josua nug danab ag ekkulagnu a, danab ag trampet iwalegeg, danab ah ag baag doona, ag huananab eppig. Ag anam heeg amu, Jeriko aab okkainu aɗ aakku pana ne, Israel dilag daup anen anen, ag noolkadppa tutukku aab okkai ooppa ban hekkulagnu nona, aab aoppig.

Josua 6:4

Na heppe, mana mettak danab eblaih aɗit ele ag anen anen ag trampet sipsip qeqeɗippa hak mawadna, Tituanak Nainu Kunup noobppa daana, anuqna gokkulag. Aria, deɗ eblaih aɗit amuppa amu, mana mettak danab ag ahilkad trampet amu aɗan iwaladppeppeg, ag, amu ag laa oh ele, ag aab okkai amu laippu tappa ukkak hena talilidppeg, haen eblaih aɗit ele batakku.

2 Pita 1:15

Amunu da ag ib ena ippunadkkulnu wagai mein daakkul. Aria, da anam hein, da mauhe goppi, dimppa amu ag nai imu hanhan dabmekkulagnu elele daaglag.

Ikki Danab 7:19

Am tu ma male, haen nakoknabib laa ukke, danab tatam neegna daappig amu, ahilag haen iitta me, laa hekkulagnu uɗin digmen daappig, haen amuppa Gideon, amu 100 danab nug ele goppig, ag Midian dilag haen tutu dayaknu aab kalak beeppa teppig. Tena, ag trampet iwaladnan, wan hinai aoɗadppig.

Ikki Danab 7:21

Danab anen anen ag haen tutu dayaknu aab kalak talilidna, aben aon hippaidna daaegeg, Midian danab ag baɗan enana, oolna goppig.

1 Samuel 11:11

Aria, wagɗe buttuanab, amahlak laa digma ii beum, haen amuppa Saul nug he, nug daup ag ameg ewam daaegeg, wagkkaɗeɗe ag ahan, Amon daappigppa gona, Amon ele ban hekkulagnu wappig. Ag ban hena, Amon eheɗ aqaeg ukke, belo meum. Aria, belo me, Amon laippu laippu daappig amu ag oolna matatun gona, anen anen oolppig.