Ikki Danab 7:12 - Nobonob Baibel

¹² Am ban daup Midiannu, Amaleknu, amu kaɗag uɗitteppanu danab ele, ag tap-lokus bia happutna, oolnu noakppa aben aon daappig. Ahilkad kamel ebaqaknu am kuɗumnab, yu ihippa ihi bia daappig; laa ebaqadkkunu elele iitta.

Ikki Danab 7:12 ပူးပေါင်းရင်းမြစ်များ

1 King 20:27

Israel ag ele bannu keeke bapaidna daappig amunu, Israel dilag king nug nuhikkud ban danab onilagppa e uɗin qagmeeg, ag bannu keeke amu bapaidna ahan, Aram daappig, aben amu gukkuidna goppig. Ag gona, haen tutu dayaknu aab kalappig, amge ag ahilag huu amu okkai iitta, nakoknab, meeme huu aɗit bia daappig. Amge Aram ban danab ag am kuɗum huanaknab, aben oh ag aoeg ambe daappig.

1 King 4:30

Solomon nug doyak, dabmak ena ele amu okkainab, aam bedeppanu doyak dabmak ena ele danab, amu dilag doyak oh eɗitta, Isip dilag doyak dabmak ena ele danab, amu dilag doyak oh ele eɗittom.

Sam 3:1

O Yawe, kekeɗ dahil am kuɗumnab. Ao, kuɗumnab ag da niɗaglagnu hetteb.

Sam 33:16

King laa nug daup huanak eletai, amge daup amu ag akka ag king amu ehanidppeg, padal ii memanu elele iitta. Ban danab laa ɠagattagnabtai, nug nukka dabmak awa, ɠagattag nuhigppa, nugakka ehanitta, ena daakkunu elele iitta.

Jeremaia 46:23

Kekeɗ huanaknab uɗin ban hekkulag. Ag tap-lokus, danab ebaqaknu ele iitta bia uɗiglag. Ag uɗin, Isip dilag daup huanak aqappeg mauhkkulag. Ag danab nug atuppa ad huanak oadtte, ag amubia hekkulag.

Josua 11:4

King amu oh ag Israel ele ban hekkulagnu oolag laippu daye, ag ban danab ahilkad anen anen diin qagmaadppig. Ag ahilkad daupnu ebqak am huanaknab, ihi yu ihippa daatte amubia. Ag ahilkad hos, bannu karis ele am kuɗumnab.

Ikki Danab 6:3

Israel ag ahilkad keh keeke maɗ maɗppa eppalatteg, eheɗ hak danab Midiannu, Amaleknu, amu danab kaɗag uɗitteppanu ele ag Israel danab ah banelag uɗippig.

Ikki Danab 6:33

Anam daye, haen elab iitta, ban daup Midian, Amalek, amu danab kaɗag uɗitteppanu, appan ban danab ele ag baula aɗaeg ooho, ag gona, Jodan le mataɗna, oolnu noak onig Jesril, appa ag haen tutu dayaknu aab kalappig.

Ikki Danab 6:5

Aɗinu? Kekeɗ amu ag ahilkad doɗ ele uɗin, peh buualadppig, ag am huanaknab amunu, danab dilag neekkakppa amu, wan qaɗeppa tap-lokus kuɗumnab daatteb bia daappig. Danab amu, ahilkad kamel ele am ebqaknu elele iitta. Ag Israel dilagppan keeke oh aoglagnu uɗippig.

Ikki Danab 7:13

Gideon nug Pura ele noya, aa danab laa nug tul laa niiomnu layag amegppa mattieye, haen amuppanab aa noya, Gideon nug oqotti iitta, lokkumakppaib, danab aɗit daapiɗ, amu gukkuata waum. Danab amu nug aum. “Da tul laa niimi, tul niiak dahilppa amu, bali bret kunum laa noobppa ya ukka, bitobppa ya, anamib uɗia, Midiannu haen tutu dayaknu aab kalakppa neene anidmi. Amu na, peh lag laa wa, hababaɗitta, loppaɗe na, aakku niiom,” awa aum.

Ikki Danab 8:10

Haen amuppa amu Seba, Salmuna ele aa, ahilti ban danab 15,000 ele ag aab Karkor daappig. Ag, aria ban danab kaɗag uɗitteppanu, ag aakkuib appa bau daappig. Laa oh mauhadna malappig. Israel danab ag ban danab 120,000 am aqappig.

1 Samuel 13:5

Israel ag appa qagmeegeg, Pilistia ag Israel ele ban hekkulagnu ele aab onig Betawennu kaɗag uɗitteppanu Mikmas appa qagmeppig. Pilistia qagmeppig ele am inam: daup ag bannu karis attan daan, ban hetteb am, 3,000, daup ag hos attan daan, ban hetteb am, 6,000, amu daup ag baelagppa oinna, ban hetteb ele amu, ag am huanaknab, abuɗ yu daugppa daatte, amubia.

1 Samuel 30:17

Dawit nug nuhig huu ele ag Amalek anadna daaeg ukke, haɗaedette ag Amalek aqaglagnu ban digmeppig. Ag Amalek ele ban heegeg ukke, tueb me, ag ban malappig. Ag ban anam hena, Amalek danab ameg naɗi daappig, ag amu oh aqaeg mauhppig; Amalek nid danab bau 400 aakkuib ag kamel attan oolna goppig.