Ikki Danab 7:1 - Nobonob Baibel

¹ Kayak Nug Gideon anam ehanittom amunu, Gideon, onig laa am Jerubal amu, nug, nuhikkud ban daup ele ag buttua ahan, le qeppuɗia bak onig Harot appa gona, ag haen tutu dayaknu aab appa kalappig. Midian dilag daup ag ahilag haen tutu dayaknu aab amu, Harot leppanu laih yawalti uɗitteppanu kalappig. Ag am oolnu noakppa, qauko nakok onig More guguittak, appa ahilag haen tutu dayaknu aab kalappig.

Ikki Danab 7:1 ပူးပေါင်းရင်းမြစ်များ

Genesis 12:6

Gona tewona, Abram nug ukka ukka, Sekem aabppa noum. Aab Sekem guguittak, appa, Morenu ad ok dayom amu, nug appa batom. Haen amuppa Kanan danab ag ele wan amuppa daappig.

Genesis 22:3

Kayak anam a, wagɗe buttuanab Abraham nug aha, keeke maknu donki gomeppa qakka, aab manaknu ofa haknu oppata me, Aisak, maɗi nid aɗit ele omalatte, aben Kayak aum, amuppa gokkulagnu goppig.

2 Samuel 23:25

Harod danab aɗit onilah Sama, Elika ele;

Sam 83:9

O Kayak, amu oh ag eheɗ hekkulagnu atteb amu, na Midian danab ah eɗadme, na amubia eɗadkkutnu oɗ medattem. Ao, na Sisera, amu Jabin ele dilahppa Kison Leppa heme bia hena eɗadkkutnu unuqidttem.

Eklisiastis 9:10

Na gemu bau daattem amu, na haen imuppa aɗi uɗat hekkutnu anidkkut, na nahip ɠagattag ohppa he! Aɗinu? Na moɗppa gokkutnu oittem amu, appa danab laa nug uɗat laa ii hette, nug keeke laa hekkunu maittak ii aotte, appa doyak laa ii daatte, doyak dabmak ena ele laa ii daatte.

Duteronomi 11:30

Ag dootteb, qauko aɗit amu, aa Jodan lenu qaban uɗitteppanu daattep. Kanan buɗub laa, atu Araba, aguppa daatteb, ahilag wanppa daattep. Am Gilgal guguittak, More ad ok gukkuattak, appa daattep.

Josua 3:1

Lokkumakppa atu italak danab aɗit aa eɗuya uɗiya, Josua gumidya uɗieh, deɗ amu uue, wagɗe buttua Josua ahe, nug Israel danab ah oh ele ag ahan, Sitim uun, Jodan leppa goppig. Ag gona, nakok dimppa ag Jodan le mataɗkkulagnu amu, ag aguppa haen tutu dayaknu aab kalan daappig.

Josua 6:12

Ag anam heeg ukke, deɗ amu uue, wagɗe buttuanab Josua ahe, amu mana mettak danab ag baula Yawenu Tituanak Nainu Kunup maoppig.

Ikki Danab 6:32

Joas nug anam a, haen amuppa laa ag, “Bal nug nugakka nug atognoaɗ!” anana, ag Gideonnu, Jerubal appig. Gideon nug Balnu qaɗab loppaɗe neum amunu, ag nuhignu anam appig.

Ikki Danab 6:33

Anam daye, haen elab iitta, ban daup Midian, Amalek, amu danab kaɗag uɗitteppanu, appan ban danab ele ag baula aɗaeg ooho, ag gona, Jodan le mataɗna, oolnu noak onig Jesril, appa ag haen tutu dayaknu aab kalappig.

Ikki Danab 6:40

Gideon nug Kayak anam oɗ mettom amunu, tuqan amuppa Kayak nug Gideon oo dayom bia heum. Buttua amu, sipsip uɗig am qaɗaiettak dayeye, wan amu leppu qak dayom.

Ikki Danab 8:29

Aria, Gideon, onig laa Jerubal, Joas bekka, nug anam hewowa, nug eɗua, appagppa daakkunu ukkom.

1 Samuel 12:11

Ag anam heeg, Yawe Nug ahilag unuqittak doya, Nug Gideon, Bedan, Jepta, amu da ele meikke uɗimut. Nug meikke uɗit heut, ag Israel, ag kekeɗ ahilkad eppelagppa ii daappig. Iitta. Ag baɗak iittappa daappig.

1 Samuel 29:1

Pilistia ag uɗin, ahilkad ban danab Apek guguittak qagmena, haen tutu dayaknu aab kalan daaegeg, Israel ag am laih Jesrilnu le qeppuɗia betteppa haen tutu dayaknu aab kalan daappig.