Ikki Danab 5:4 - Nobonob Baibel

⁴ O Yawe, na Seirnu ahan gome. Ao, na Edomnu ahan, laippuppa tappa ukkak heme. Na anam heehe, wan uɗalom. Ao, wan anam uɗalele, gu huanak ele lombig hab waappa daappigppanu neum.

Ikki Danab 5:4 ပူးပေါင်းရင်းမြစ်များ

Genesis 32:4

Amu tatam nug ag amelagppa aum. “Ag dahil okkai Esau amegppa inam akkulag. ‘Da Jakop, nahip maɗi nid amu, da inam attem. Da Laban ele daauɗ uɗie, tumaiib appanu ahami.

2 Samuel 22:8

Nug unuqittak dahil doya he, wan uɗalala, hahaɗom. Ao, Nug doya he, hab ukku uɗalom. Amu hab wan ele aa anam hepiɗnu diig am, Kayak Nug ⌊laa ag da heiɗppeg nauhkkul anatta,⌋ Nug oo nauhom.

Job 9:6

Kayak Nug he, wan imu uɗalala, abenppa ii daatte. Ao, Nug he, wan mawaknu keeke okkai okkai am uɗaltte.

Sam 68:9

O Kayak, na gu huan hee neum. Ao, na hee, nahip wan, na aut, am eɗua, ena dayom.

Sam 77:17

⌊Haen amuppa amu,⌋ lombig ag gu gokkaɗeg neum. Habppa hakkaɗ naɗi qaaqa ukkom. Amu amemɗi, amuam nahip lat doɗo bia amu, amemɗi amu eheɗ awa amahlom.

Sam 77:18

⌊Genab,⌋ hakkaɗ am habppa huana qaaqa ukkom. Amemɗi awa, wan oh amahlom. Wannu amu, wan hahaɗaɗa, uɗalom.

Aisaia 63:19

Ig danab ah na deɗ laa ig ii gumigme bia bemut daattem. Ao, ig danab ah ag na onin waappa deɗ laa ii daappig, ig amubia daattem.

Maika 1:4

Le qaukoppanu huan nette, amubia Yawe Nug qauko igippa oiyeye, qauko ag le mena netteb. Ao, danab uppuh biig aab aɗu guguittak me, laih le me, laih amuam oolnu noak bia daatte, amubia oolnu noak Nug noobppa betteb.

Duteronomi 33:2

Nug aum. “Yawe Nug Sinai qaukoppanu neum. Nug danab ah nuhikkud ehanadkkunu Seir appa amahlak mattom. Yawe binag amahlak oppiaawak ele am Paran qaukoppan amahala dayom. Ban danab nuhikkud tausen tausen gane ag anam nug ele daaegeg, aab dittiak amu heqo naɗiap-ppa dayom.

Hibru 12:26

Anukka Kayak Nug oɗeppa nai aawo, wan uɗalom, amge geha Nug nai qakka inam aum daatte. “Da geha baula wan heppi uɗalkku, amge wanib iitta, hab ele oh uɗalkkulah,” awa aum.