Ikki Danab 5:12 - Nobonob Baibel

¹² ‘Deborah, na ahe, na ahe! Ao, na aib niime! Na ahe! Ahe! Na ahan, ahi laa ette! Barak, na hibaitte! Ao, Abinoam bekka, na ahan, kekeɗ na ag eɗadkkutnu daatteb amu, na ag aɗalatte!’

Ikki Danab 5:12 ပူးပေါင်းရင်းမြစ်များ

Sam 108:2

Da attem. “Harp, laia ele ⌊aa danab daaloplob, da ahilahnu; ‘Aa musik hekkulahnu⌋ aa ahai hibaitteɗ!’ ” awe alom. Ao, da buttuanab ahen, aam ii bak haenppa musik haknu keeke ahi laala hadappi ukkeb, aam bekku.

Sam 57:8

Da dakka dahilnu attem. “Na ahe!” Ao, harp, laia ele ⌊aa danab daaloplob, da ahilahnu; “Aa musik hekkulahnu⌋ aa ahai hibaitteɗ!” awe alom. Da buttuanab ahen, aam ii bak haenppa musik haknu keeke ahi laala hadappi ukkeb, aam bekku.

Sam 57:9

O Naɗi, da danab ah oh noolagppa na amenppa, “Ena heme,” akkul. Yo, da wan imuppan wan anen anen ohppan danab ah oolagppa, nahip humittak ahi ettaladkkul.

Sam 68:18

O Yawe Kayak na appa daakkutnu, na Sion qaukoppa teme. Na tenana, na ban danab eɗadna, aɗualadna diin gome ele amu, na ag noolag aon teme. Ao, na te, danab ah ag na keeke kuɗumnab nahip daakkunu hamu mettaeg, na aome, amge agib iitta. Laa ag nahip nai tappe nak heppig, ag ele keeke anam mettaeg, na aome.

Aisaia 14:2

Amu danab ah wan laappan ag geha eɗun, Israel huu omaladna uɗin, ahilag wanppa maadkkulag. Ag omaladna uɗippeg, Israel ag ahilag wan Yawe tituana mattomppa daanna, appa Israel ag heppeg, buɗub laappan danab ah ag ⌊Israel dilag okkai daappig⌋ amu, ag geha Israel dilag maɗi nid maɗi ah daaglag. Huu laa ag Israel danab ah aɗualadna, diin goppig amu, Israel ag eɗun, huu amu aɗualadppeg, ag eppelagppa daaglag. Ao, huu laa ag heeg, Israel ag maɗi nid maɗi ah ahilkad daappig, amubia Israel ag heppeg, huu amu ag Israel waappa daanna, maɗi ahilag hekkulag.

Aisaia 33:1

Na laa, na hee, laa nauhtteb, laa ag na heitteg ii nauhme amu, nahipnu am gadonnab gadon. Yo, na laa hambuppualadna, nahip nai ag amelagppa ame ii dim lamidttem; laa ag nahipnu anam ii heppig ele amu, nahipnu am gadonnab gadon. Na laa heppe nauhkkulagnu uuppe, danab laa ag na heidppeg nauhkkut. Ao, na laa hambuppualadna, nahip nai ag amelagppa anana, ii dim lamidkkutnu kobol uuppe, laa ag hambuppuidna, na amenppa nai mattinna, ii dim lamidkkulag.

Aisaia 51:17

Juda danab ah, ag ahan dayeg! Ag aheg! Ag eheɗ heeg, Yawe oppoɗi be, bu mattom. Amu ahilag bu Nug eppegppanu amu, bu amuam wain nau kap-ppa daatte, amubia daye, ag wain amu aakku lana malappig. Ao, wain nau amu, wain amuam danab he nauhtte ele amu, ag amu ohnab lana malappig.

Aisaia 51:9

O Yawe, na ahan, nahip ɠagattag amuppa ehanigkkutnu oɗ medattem! Na anukka, haen laappa ehanigme, amubia ehanigkkutnu oɗ medattem! Na Rahap iite eɗidna, tuqae neum? Yo, na doɗ okkai nau ele amu iite qeme?

Aisaia 60:1

Jerusalem danab ah, Juda danab ah ele, ahilag amahlak uɗiom. Ao, Yawenu binag amahlak oppiaawak ele amu, amuam ahilagppa beum daatte. Anam amunu, ag ahan, aam danab ah amahlak madatte bia, ag danab ah laa oh Yawenu amahlak matteg!

Jeremaia 31:26

Ag anam daanna, ag akkulag. ‘Da ahe, neekki ukke, enanag niimi aakku doomi,’ aon akkulag.” Yawe Nug anam awa atte.

1 Korint 15:34

Ag dabmak tutukku aona, ag hipunin tuɗidna aib heppig! Ag oolagppan laala ag Kayak ii dootteb. Da nai madittem imu, ag amunu uɗalag nelo am ena.

Epesus 4:8

Diig amunu amu, Kayak naippa nai inam daatte. “Nug Sion qaukoppa teum. Nug taata, nug ban danab eɗatta, aɗualatta diia ukkom ele, nug ag noolag awa teum. Ao, Nug ta, Nug danab ah keeke kuɗum ahilag daakkunu matte, ag aoppig.”

Epesus 5:14

Aɗinu? Amahlak am he, keeke oh miag atiak bena daatteb. Diig amunu nai imu Kayak naippa niitte. “Na niittem ele amu, na ahe! Na mauhakppanu eɗun hippaidppe, Kristus na amahlak medakku.”

2 Timoti 2:26

Anukka Satan danab amu ag nug dim lamidkkulagnu nuhig aɗppa maattom, amge Kayak Nug heeb, ag oolag eɗueb, ag nai genab doona, ag kobol ena ele doona amu, ag baula nuhig aɗppa ii daamna.

Ikki Danab 5:13

Haen amuppa amu, Yawe Nug he, Israel danab oɗo yaak daappig ele, ag kekeɗ ɠagattag eɗadppig. Ao, Yawenu danab ag da eppel bia daan, ag ban danab ɠagattag eɗadppig.