Ikki Danab 5:10 - Nobonob Baibel

^10-11 Ag laa, ag donki enanag gomelkadppa oitteb, ag laa ag lamen kobol ele duqan, amuppa daatteb, amu ag laa ag ib man baelagppaib oitteb ele amu, ag oh ag laa le moɗppa daan ahi edatteb ele, ag ahilag ahi nai doon dabmetteg! Ag Yawe Nug kobol genab tutukku ha, kekeɗ eɗattomnu edatteb. Ao, ag Israel dilag daup Yawenu daatteb amu, ag daup amu kobol genab tutukku ele dim lamidna, kekeɗ eɗadppignu edatteb. Gemu, Israel danab ah, ag Yawenu danab ah amu, ag eɗun, aab ahilkadppa maɗoɗ ele daatteb.

Ikki Danab 5:10 ပူးပေါင်းရင်းမြစ်များ

Sam 105:2

Ag ahi ettanna, ag Yawe binag meig! Ge, ag onig humaknu ahi ettanna, ag Nug binag meig! Ao, ag nuhig hak ena ena ohnu, ag danab ah laa oh ag amu dooglagnu ag amelagppa aig!

Sam 107:32

Ag danab ah oh noolagppa Nug binag meig! Ao, ag Nug ikki danab noolagppa binag meig!

Sam 145:11

Nahipad danab ah ele ag nahip ɗo maɗoɗ am binag amahlak oppiaawak ele mattiglag. Ao, ag nahip ɠagattagnu ele mattiglag.

Sam 145:5

Na am king dagom onig ɠagattag okkai naɗi ele, amu da amunu dabmak unuqag awewe daakkul. Ao, da na uɗat okkai oh ena ena hemenu dabmak unuqag awewe daakkul.

Aisaia 28:6

Yawe Nug geha danab ag epeɗiak danab daatteb, Nug ag nai doya mala hettoɗia epeɗia elele mettak kobol elele hekkulagnu doyak ena matteb heppeg, amu Nug daup ag aab okkainu odppa daan, kekeɗ ag ooppa nona, danab ah aqamnanu ib oo netteb ele amu, Nug ag ɠagattag aqadkku.

Joel 3:12

Amu Yawe Nug atte. “Wanppan wan ohppan danab ag ahan, ag oolnu noak onig Jehosapat appa ukkeg! Aɗinu? Da appa dayeye, da danab ah wanppan wan ohppanu epeɗiadkkul.

Ikki Danab 10:4

Nug bekkod 30 ele. Nug bekkod ag donki 30, amuppa godappig, amu ag aab 30 Gileat wanppa mameg meppig. Gemu ⌊nai imu yaak haenppa⌋ ele, aab amunu amu, danab ag, “Jairnu aab,” aon atteb.

Ikki Danab 12:14

Nug am bekkod 40 ele, alakkud danab 30 ele. Bekkod amu, alakkud amu ele ag donki 70ppa oippig. Nug Israel dilag epeɗiak danab maɗ eblaih ewam ele dayom.