Ikki Danab 4:14 - Nobonob Baibel

¹⁴ Aakku Deborah nug Barak amegppa aum. “Ahan babaitte! Aɗinu? Gemu amu, Yawe Nug heeb, na Sisera eɗidkkut. Yawe Nug na noom awa iite gotte!” awa aum. Nug anam aum amunu, Barak nug ban danab nuhig 10,000 omalatte, ag Tabor qaukoppanu nona, ban heppig.

Ikki Danab 4:14 ပူးပေါင်းရင်းမြစ်များ

Genesis 19:14

Anam aeh amu, Lot nug aha, danab aɗit aa Lot aɗekuɗ baelti aɗapiɗ ele, ahilahppa ukka amelahppa aum. “Yawe Nug aab okkai imu heeb, padal mekku amunu, aa ahaya, aben laappa ukkeɗ!” awa aum. Lot anam aum, amge danab aɗit amu aa, “Nug qiɗ hak nai atte,” apiɗ.

Genesis 44:4

Ag gona, aab okkai dimittim uma ii ukkaegeg, Josep nug nuhig lag gumak danab amegppa aum. “Na ahan, danab amu dim lamadna gona, haen na gukkuadna wana amu, ag amelagppa inam a! ‘Aɗinu ag nob enanu nob nau heppig?

2 Samuel 5:24

Amge na gona, atu ad amu eleppa tewona, ad balsam amu gogppa oqotti laa, oqotti amuam ban danab ag laippuppa tappa ukkak oitteb oqotti bia, na oqotti amu doon, na da, Yawe, da na noomppa Pilistia aqadkkulnu gottem ippunidtte dookkut amunu, na amu doon, na paha ahan, Pilistia danab aqadkkutnu ukke!” awa aum.

Aisaia 52:12

Aɗinu ⌊ag anam hekkulagnu elele daaglag⌋? Yawe Nug ag noolag awa, anuqa gokku. Ao, Israel dilag Kayak, Nug ag dimulagppa oiyaya uɗikku. Anam amunu, ag laa dilag baɗan, oolna ii gomana. Ao, ag oolna ii gomana.

Maika 2:13

Amu laa nug he, aabnu aɗppa ib matulak daatte amu, nug heeb, giɗo dayeb, Nug noa anuqa ukkebeb, dahilad danab ah ag heppeg, giɗo okkainab, aɗnu od bia, aɗppa dayebeb, ag oh dimittim uɗiglag. Ahilag king nug ag noolagppa anuqa gokku. Ao, da Yawe, da ag noolag awe gokkul,” Yawe Nug anam awa atte.

Duteronomi 9:3

Amge ag imu tutukku doyeg! Yawe, ahilag Kayak, Nugib geha ag noolag awa, Jodan le mataɗa ukka, aab aɗu gakkaɗak naunab keeke he nauhtte, amubia Nug heeb, danab amu ag padal mekkulag. Nug geha heeb, danab amu ag, ag Israel noolagppa ahilag ɠagattag bodoetteb daaglag. Amunu Yawe Nug hekkununab nai anan qakkom bia, Nug heeb, ag Israel ag wana laippun kekeɗ lamadppeg, ag padal mekkulag.

Josua 10:8

⌊Amge tatam⌋ Yawe Nug Josua amegppa aum. “Ag aib baɗadppig. Aɗinu? Da geha heppi, ag eɗadkkulag. Laippu laa ag Israel ban danab eɗadkkunu, laa iinab daama. Iittanab,” awa aum.

Josua 7:13

Ahan gona heppe, Israel danab ah ag dahilnu tituana meɗak dayeg! Na ag amelagppa inam appe doyeg! ‘Ag buttinu elele daaglagnu, ag Yawenu tituana mettak daaglagnu hena dayeg! Aɗinu? Yawe, Israel dilag Kayak, Nug inam atte. “Keeke dahilnuib pelemppa daatte amu, keeke amu ag oolagppa aakku daatte. Keeke amu ag oolagppa daatte haenppa amu, ag kekeɗ ahilkad eɗadkkulagnu elele iitta daaglag. Ag heppeg, iitta meeb amu, ag eɗun, kekeɗ eɗadkkulag.

Ikki Danab 19:28

Nug anam antta, nug amegppa aum. “Ahe! Ahappe gotu!” awa aum. Nug anam aum, amge ah nug oɗeppa ii awom. ⌊Gamu nug wau amge waunab iitta nug anam he antta, nug ah amu mauhom doya,⌋ nug aakku gaɗa awa, donki attan ma awa, appagppa ukkom.

Ikki Danab 4:10

Amu Barak nug Seblon, Naptali ele huuppan ban danab onilagppa e, 10,000 ag dona, ag nug dim lamitteg, ⌊qauko Taba⌋ goppig. Deborah nug ag ele oh goppig.

Ikki Danab 7:9

Aria, tuqan amuppa, Yawe Nug Gideon amegppa aum. “Da geha Midian danab ag eppelagppa mekkul amunu, ag ahan, Midian ban danab aqaknu banelag noig!

1 Samuel 9:26

Aria, buttua wagkkaɗeɗe ag ahan, Saul lag koɗokko uɗem ukkakppa dayeye, Samuel nug onigppa ewa aum. “Na keeke bappaidppe, da heppi, na eɗun appanppa gokkutnu gokkut,” awa aum. Nug a, Saul nug anam he, nug Samuel ele aa dimittim gopiɗ.