Ikki Danab 4:11 - Nobonob Baibel

¹¹ Amge tatam amu, Ken danab onig Heber, nug Ken buɗub laa, ag Moses wau appinag Hobap buɗub, nug ag oolagppanu laa amu, nug aha, laih ukka, nug Sananimnu ad ok diigppa peh lag nuhig qappom. Amuam Kedes guguittak.

Ikki Danab 4:11 ပူးပေါင်းရင်းမြစ်များ

Eksodas 18:1

Amu Jetro, Midian dilag mana mettak danab, Moses tana amu, Nug keeke oh Yawe Nug Moses Israel ele ehanattatta he, ag Isip uun uɗiegeg, amu Kayak ehanittak laala ele ag mattom amu, Jetro nug amu ohnu nai doyom.

Eksodas 2:18

Aria dimppa ag eɗun, mamelag Reuel, ⌊Jetro ele atteb,⌋ amu, ag nug toppa ukkaeg, nug inam awa oɗ mattom. “Aɗinu ag gemu pahanab eɗun uɗippig?” oɗ mattom.

Eksodas 3:1

Haen amu Moses nug tana Jetro, Midian dilag mana mettak danab amu, nug nuhig sipsip, meeme ele gumadttom. Am haen laa Moses nug sipsip, meeme ele amu diia, atu taɗak obata ⌊qinonob oiya oiya⌋ ukka ukka, nug qauko Horep teum. Qauko amuam Kayaknu.

Namba 10:29

Amu haen Israel ag ahan, Sinai uuglagnu heppig amu, danab laa onig Hobap, nug ag ele oh daanna, oidppig. Hobap nug amu Reuel bekka. Reuel nug am Midian danab, nug amu Moses tana. Amu Moses nug oeb Hobap amegppa aum. “Ig am wan laa Yawe Nug megakkunu, nuhig nai anan qakkom amu, ig ahat, amuppa gokkunig hettem. Yawe Nug ig wan amuppa enanag daagnignu nai ana qakkom amunu, na ig ele oh gotu! Ig geha nahipnu enaib hekkunig,” awa aum.

Namba 10:32

Doppe, ig ele gotu! Yawe Nug keeke ena ena oh ig megakku amu, ig na ele oh amu aognig,” awa aum.

Namba 24:21

Aria, nug neekka, Ken buɗub danab anatta, nug nai meunab ele imu mattiom. “Ahilag dayak ena am ai ag attannab, men laa qaɗeppa teɗ metteb, am amubia, amge geha Asiria ag uɗin, ag eɗadna aɗualadppeg, ag eppelagppa daappeg, ag Ken buɗuppud, ag aakku nauhkkulag,” awa aum.

Josua 19:33

Naptalinu wan tom laa am aab Sananim, Helep guguittak daatte amu, am appa, ad okkai daatteppan ukka, Adami Nekep guguittak ukka, Japnel ele guguitta ukka, Lakum wana ukka, Jodan Leppa batom.

Josua 19:37

Kedes, Edrei, Enhasor,

Ikki Danab 1:16

Am Ken danab ah ag am Moses tana, nug buɗub. Amu haen Israel dilag huu okkai Juda ag Jeriko uun ahaeg amu, Ken danab ag ele ahaeg gona, Judanu atu taɗakppa wappig. Ag Negeb appa, Arat aab guguittak, Juda danab appa wan aon daappig amu, ag ag oolagppa nona daappig.

Ikki Danab 4:12

Aria, Barak nug ugekke, Deborah, amu danab ag Barak dim lamitteg goppig ele, ag qauko Tabor appa teeg, laa ag Sisera amegppa, “Barak, Abinoam bekka, nug Tabor qaukoppa teum,” appig.

Ikki Danab 4:6

Anam daye amu, deɗ laa amu, nug Abinoam bekka Barak uɗikkunu nai me ukkom. Barak am Kedes aabppa dayom. Kedes am Israel dilag huu okkai Naptali dilag wanppa dayom. Nug nai me ukke, Barak uɗie amu, Deborah nug amegppa aum. “Yawe, Israel dilag Kayak, Nug na inam aakku haknunab atte. ‘Na qauko Tabor appa gona, na ban danab 10,000 Naptali, Seblon ele huuppanu diippe, na ag ele appa ukkeg!

1 Samuel 15:6

Amu Ken buɗub ag Amalek guguittak daappig amunu, Saul nug ag dooglagnu nai imu ahilagppa me ukkom. “Israel danab ag Isip uun uɗiegeg amu, ag Ken danab, ag alalkad aɗi ag Israel, ahilagnu oo mauhaknab dooppig amunu, da dahilad daup ele ig Amalek aqadtata, ig ag ele aqadmata, ag ahan, laih ukkeg!” awa aum. Saul nug nai anam me ukke, Ken buɗub ag nai amu doon, ag ahan, laih goppig.

1 Samuel 27:10

Haen ag Akis gumidna ukkaeg, Akis nug Dawit oɗ meedttom. “Na gemu gona, adeppa ban heme?” Nug Dawit anam oɗ mette, Dawit nug inam amegppa attom. “Da Juda dilag wan maha yau uɗitteppanu gomi.” Nug anam attom, o, “Da wan maha laa yau uɗitteppanu daatte, aab ikki Jeramel dilag wanppa gowoya uɗimi.” Nug anam attom. O, “Da Juda dilag wan, maha yau uɗitteppanu daatte, aab ikki Ken dilag wanppa gomi uɗimi.” Dawit nug anam attom.