Ikki Danab 3:8 - Nobonob Baibel

⁸ Ag anam heeg, Yawe Nug Israel danab ah dilagnu oo huana nauhe, Nug ag diia, King Kusan Risataim eppegppa meum. Kusan Risataim nug am Aram Naharaim dilag king. Israel ag Kusan Risataim waappa maɗ eblaih ewam ele daappig.

Ikki Danab 3:8 ပူးပေါင်းရင်းမြစ်များ

Genesis 24:10

Aa anam heya maloya amu, maɗi nid nug Abrahamnu kamel eblaih tanig ele, keeke ena ena kuɗum laa elele diiatta, nug aha ukka ukka, nug Mesopatemia, Nahor appagppa ukkom. Abraham Nahor ele, aa am eamag.

Sam 106:41

Nug wanppan wan laalappan danab ah ag Kayak ii dim lamidtteb ele ehanatte, ag Israel eɗatteg, Israel ag aabaab danab Kayak ii dim lamidtteb ele eppelagppa daappig. Ao, Nug kekeɗ ahilkad ehanatte, ag gumadppig.

Sam 129:1

Israel danab ah ag gemu inam akkulagnu elele. “Ig Israel danab ah, ig digmeta, huu laippu daamut, haen amuppa ihinkad kekeɗ ag eheɗ hegattappig. Gemu ele anamib hetteb.

Sam 44:12

Danab nug keeke enanag laa daden maknu ma heeb, laa nug men doɗo honapnab metta aokkutai. Anam bekkunu elele, amu na ihinignu anambia heme anidttem. Ao, na ihinig kekeɗ uuatte, ag ig eɗigna awigna meikkeg, laa ag ig awigppig, amge na keeke laa ihinignu ii aome.

Sam 6:1

O Yawe, na oot nauhebeb, daul ii batamnanu unuqidttem. Ao, na oppoɗin beeb, na toliɗna, bu ii meɗamnanu oɗ medattem.

Sam 85:3

Anukka na ihinignu oppoɗin beum, amge gemu amu, na hee, amu iitta meum. Ge, na anukka ihinignu oo nauhak huanaknab doome, amge gemu amu iitta.

Eksodas 22:24

Ag anam heppeg, da doyen, da ool nauheb heppi, kekeɗ ag uɗin, ag eheɗ amu hetteb ele, ag ag aqappeg mauhppeg, ah ahilkad ag am danab iitta hamu daappeg, nid naunau ahilkad amu, ag mamelkad iitta daaglag.

Aisaia 50:1

Yawe Nug atte. “Danab laa nug wau nuhigppa eheɗ heum doya he, aha gotte amu, da amubia hemi amunu, ag gona, wan laappa maɗi nid daattebte? Iitta! O iitta, danab laa nug laa eppegppanu lon awa, eɗua medakkunu elele iitta amunu, lon mameg nug danab lon awom wau, bekkod ele laanu maɗi nid daaglagnu me, daden mette ele amu, da anam bia hemi amunu, laa ag Juda, ag ag diiadna goppigte? Iitta! Amu ohnu am iittanab iitta! Ag hipunin heppig amunu, ag laa eppegppa daatteb. Ag hipunin heppig amunu, ag gona, diia ukka laih me dayak danab ah wan laappa daatteb.

Lewitikas 26:17

Da ag dimadappi, ahilag kekeɗ ag eɗadkkulag. Geha laa ag Israel, ag ahilagnu nau ninig ele dootteb amu, ag ag gumadppeg, laa nug ag ii lamadkku, me ag qaiettan oolkkulag.

Habakuk 3:7

Da neekki ukke, Kusan danab ag uug nau doon daappig anidmi. Ao, Midian danab ag guittak okkainab ele daaegeg anadmi.

Rom 7:14

Ig doottem, Kayak Nug nuhig ɗo am Kayaknu dabmak ippunigtte, amge da ool alag ele amunu, da Kayaknu dabmak ii dim lamidttem. Hipunin da hippaliɗom amunu, da nuhig begbeg maɗi nid daattem.

Duteronomi 29:20

Yawe Nug danab ah anamnu amu ena ii doyatta, ahilag hipunin iinab uhuqa mattama. Nug ahilagnu oppoɗi bak, oo aeg bak ele bekku. Eheɗ laa awaknu anak waappa dayaknu nai oh buk imuppa yaak daatteb amu, amu oh ahilagppa neeb, Yawe Nug geha heeb, danab ah amu ag iitta mena autna aoppeg, hab waappa amu, danab laa nug danab ah amu dilagnu baula dab-ii-mema.

Duteronomi 32:30

Gadonnab! Laa Nug hanhan ɠagattag daatte, Nug ag uuattom. Ge! Yawe Nug ag kekeɗ eppelagppa mattom. Anam iitta dayeblob amu, kekeɗ laippu nug Israel danab 1,000 ii lamadlo. Ao, kekeɗ aɗit aa Israel danab 10,000 ii lamadlop.

Ikki Danab 2:14

Ag anam heeg, Yawe Nug Israel dilag oo nauhak okkai doyom amunu, Nug ag diia, danab ag ban hena, danab aqadna, ahilkad keeke aotteb amu, Nug ag eppelagppa me, ag ahilag keeke aoppig. Nug ag diia, kekeɗ taliliadna daappig ele ag eppelagppa meum amunu, ag ban hena, baula kekeɗ eɗadkkulagnu elele iitta daappig.

Ikki Danab 2:20

Ag anam heppig amunu, Yawe Nug Israel dilagnu oo huana nauhom. Nug oo nauhe, Nug aum. “Danab ah imu ag nug tituana nai qakkak, da hei, da ag mamelkad aɗi ele hemut amu, ag amu tippalna, ag dahil nai ele ii doon oiyegeg uɗie, gemu ele anam hetteb amunu,

Ikki Danab 3:10

Amu Yawenu Ouɗi Otniel nuhigppa uɗia he, Otniel nug Israel dilag epeɗiak danab beum. Nug Aram dilag king Kusan Risataim ele ban hekkulahnu ukke, Yawe he, Otniel ban eɗittom.

Ikki Danab 3:7

Aakku Israel ag Yawenu neekkakppa eheɗ heppig. Ag Yawe, ahilag Kayak, ag Nug daulag atie, ag kayak hambuppuak Bal iɗu iɗu, Aserah iɗu iɗu ele waalagppa daan, oɗelag dim lamidppig.

Ikki Danab 3:9

Amge, Israel ag Yawe ehanadkkunu gaaeg, Yawe Nug danab laa ag ehanatta, Kusan Risataim eppegppan eɗua diikkunu qappom. Nug onig am Otniel, nug am Kalep amag Kenas bekka.

Ikki Danab 4:9

Barak anam a amu, Deborah oɗeppa awa aum. “Ge, da na ele oh gokkunih. Amge na imu doye! Uɗat na gottemppa amu, na binan ii aomna. Aɗinu? Yawe Nug ah laa ehanitteb, nug heeb, Sisera na qekku,” awa aum. Anam amu, Deborah nug Barak ele Kedes gopiɗ.

1 Samuel 12:9

Amge ag Yawe, ahilag Kayak, ag Nug daulag atie, Yawe Nug he, Hasor dilag ban daup ikki Sisera, nuhikkud daup ele, amu Pilistia dilag daup, amu Moap dilag king, nuhikkud daup ele, ag oh haen anen anen uɗin, Israel ele ban henana, ag Israel eɗadppig.