Ikki Danab 3:7 - Nobonob Baibel

⁷ Aakku Israel ag Yawenu neekkakppa eheɗ heppig. Ag Yawe, ahilag Kayak, ag Nug daulag atie, ag kayak hambuppuak Bal iɗu iɗu, Aserah iɗu iɗu ele waalagppa daan, oɗelag dim lamidppig.

Ikki Danab 3:7 ပူးပေါင်းရင်းမြစ်များ

1 King 16:33

Am laa ele, Ahap nug kayak hambuppuak Aserah dabmekkulagnu biidod qappom. Ahap nug hipunin okkainab amu heum amunu, Yawe, Israel dilag Kayak, Nug oppoɗi beum. Ahapnu hipunin amu okkainab, Israel dilag king laala tatam daappig, amu dilag hipunin am eɗattak.

1 King 18:19

Anam amu, na Israel danab ah oh dilagppa ag gona, qauko Karmel appa da ele qagmekkunignu nai meppe ukkaɗ! Aria na, amu Balnu propet 450, aria kayak hambuppuak Aserahnu propet 400 ele, kuin Jesebel nug ee matta atognoadtte amu, na amu oh ele diin omaladna gokkut,” awa aum.

2 King 23:14

Josaia nug men gappi aoɗe, huppu huppu neeg, kayak hambuppuak Aserah dabmekkulagnu biidod okkulatte neeg, nug danab mauhppig ebehilkad kuɗumnab awa, aben keeke amu daappigppa akke ukkaeg, aben amu oh tonappig.

2 King 23:6

Nug kayak hambuppuak Aserah dabmekkulagnu biidod Yawenu mettid lag ooppa dayom ele appanu awa, Jerusalem dimittim ukka, le Kidronnu oolnu noakppa mane ewom. Dimppa nug amunu hamad awa bate, kalu ne, nug awa ukka, Jerusalem danab ah hamu, nug amu dilag matmatppa gokkaɗe, tamtam ukkom.

2 Stori 15:16

King Asa alag ah Makah, nug kuin anignu ehah aɗa dayom ele amu, Asa nug ehah amu ele otaɗom. Aɗinu? Maka nug kayak hambuppuak Aserah dabmekkulagnu biidod laa heum. Biidod amunu amu, Yawe Nug ooppa uuaknab dootte. Amu Asa nug keeke amu okkula, he maha maha ne, nug mawa ukka, le Kidronnu oolnu noakppa manom.

2 Stori 24:18

Ag anam aeg, Joas nug ahilag nai dim lamittom amunu, Juda danab ah ag ahan, ag Yawe, ag mamelkad aɗi dilag Kayak, ag Nug laugppa gona, Nug noobppa dup nona binag mekkulagnu uunna, ag kayak hambuppuak Aserah dabmekkulagnu biidod, kayak hambuppuak laala dottolkad ele noolagppa dup nona, ag binalag meppig. Juda danab ah, laa Jerusalemnu, laa Juda wanppa laih laihnu amu, ag amu heppig amunu, ag beɗulagppa aab ele daaeg, Kayak Nug danab ah amu dilagnu oppoɗi beum.

2 Stori 33:19

Propet danab ag nai bukppa yaappig amu, buk amuppa ag Manase nug Kayak unuqittom, Kayak Nug unuqittak amunu Manasenu oo doye, ehanittomnu nai, aria Manase nug nuhig hipunin haknu nai, amu Kayak ippunittomnu oo metta ii uuak kobol dim lamidkkunu uua hak nuhig elenu nai, amu aben adekku adekku nug kayak hambuppuak dilag mettid lag nakok babaittomnu nai, nug kayak hambuppuak Aserah dabmekkulagnu biidod, kayak hambuppuak dottolkad ele qappalattomnu nai, nug amu oh haaha oiyaya, dimppa nug nukka nug onig qe neum amu, propet ag ahilag bukppa keeke amu oh yaappig.

2 Stori 33:3

Nug mameg Hesekaia aabaabppanu mettid lag nakok loppaɗom amu, Manase nug lag amu eɗua buualattom. Nug kayak hambuppuak Bal iɗu iɗu dilag qaɗab qaadna, nug kayak hambuppuak Aserah dabmekkulagnu biidod ele hattom. Manase nug anam ha, nug ele aam, kalam, hoɗopai ele noolagppa dup noa binalag meum.

2 Stori 34:3

Josaia nug king dayaya, nuhig king dayaknu maɗ eblaih aɗitppa nug nid bau dayaya, nug digma, nug memetab Dawitnu Kayak antta dim lamidkkunu Nug mattiom. Nug king dayaya, nuhig king dayaknu maɗ 12ppa amu, nug digma, nug aabaabppanu mettid lag nakok, kayak hambuppuak Aserah dabmekkulagnu biidod, kayak hambuppuak dottolkad adppa hak, amu kayak hambuppuak dottolkad aenppa keeke, hak ele, keeke amu oh Juda wanppa, Jerusalem appa ele daamnanu, amu oh oppiak ele daaglahnu uɗat heum.

2 Stori 34:7

nug kayak hambuppuak dilag qaɗab loppaɗatta, nug kayak hambuppuak Aserah dabmekkulagnu biidod okkulatte neeg, nug kayak hambuppuak dottolkad maduduɗattette, kalu ne, nug amu dilag qaɗab, danab ag amuppa kalu danab ile muttuɗig enanag bette amotppig amu, nug qaɗab amu ele Israel wan ohppa loppaɗattom. Josaia nug anam ha, nug aha, eɗua, Jerusalem ukkom.

Sam 106:35

Ag anam ii heppig. Iitta! Ag danab ah Kayak ii dim lamidtteb ele, ag amu dilag ele ewau matulak awak hena, ag digmena, danab ah amu dilag kobol nau amu heppig.

Sam 106:36

Ag dottolkad eppelagppa hadappig noolagppa dup nona binalag menana, ag doɗ pelemppa teum daatte bia nauhna autna aoppig.

Sam 106:7

Ig mamenkad aɗi ag Isip appa daanna, ag kobol danab hekkunu elele iitta na heme amu, ag amunu ii dabmeppig. Haen kuɗum na oo mauhaknab kobol doon dim lamidna ehanadme, amge ag na amu hemenu daulag atiom. Ag Le Kokoɗppa appa na waatppa daaglagnu uun, na oɗen tappaeg neum.

Eksodas 34:13

Ag nug tituanak ag ele ii hemana. Iitta! Ag danab amu dilag kayak hambuppuak dilag qaɗab amu, ag heppeg nauhatteg! Ag men gappi ahilkad aoɗadna heppeg, iitta meig! Amu ag kayak hambuppuak Aserah dabmekkulagnu biidodnu amu, ag amu okkuladppeg neig!

Jeremaia 23:27

Ag mamelkad aɗi ag kayak hambuppuak Bal dim lamidkkulag hena, da dim lamiɗak uuppig, amubia propet hambuppuak ag tul niiak anidtteb ele, ag amunu mattiegeg, laa dootteb amu, ag ib amuppa dahilad danab ah ag dahilnu daulag atikkunu oolag yaaglagnu hetteb.

Duteronomi 16:21

Ag kayak hambuppuak Aserah dabmekkulagnu biidod laa aon, ag Yawe, ahilag Kayak, ag aib nuhig qaɗab heqoppa qabappig.

Duteronomi 4:9

Amge ag dabmeig! Ag aibnab Yawe Nug ahilagnu he anidppig ele amelag atiom. Ag bau daatteb haen imuppa ag heppeg, dabmak ahilagppa iitta mema! Ag anidppig amu ohnu ag bekkalkad, alalkad ele mattin mattaglagnu heig!

Duteronomi 8:11

Haen ag keeke ena amu oh ele daan amu, ag Yawe, ahilag Kayak, ag Nug daulag atieb, ag aakku nuhig haknunab anak, nuhig ɗo ele dimettan, ii dim lamidmananu dabmeig! Da gemu ag ɗo amu oh madattem.

Duteronomi 8:14

geha, haen ag keeke amu oh ele, ag oolagppa dada danab bena, Yawe, ahilag Kayak, ag Nug daulag atimanu dabmeig! Nug ag Isipnu diia, omalatte uɗippig. Ao, ag wan laappa begbeg maɗi nid daaegeg, Nug amuppanu diiom.

Duteronomi 8:18

Amge ag Yawe, ahilag Kayak, ag Nug dabmetteg! Aɗinu? Nugib ag ɠagattag matte, ag enulag ele daatteb. Nug ag mamelkad aɗi amelagppa nuhig nai ɠagattag qetta ana, Nug ag ele nug tituanna nai qagappig amu, nai amu elele medakkunu hette.

Ikki Danab 3:12

Otniel nug mauhe amu, Israel ag baula Yawenu neekkakppa eheɗ heppig amunu, Yawe Nug Israel danab ah Moap dilag king Eklon eppegppa me, nug Israel gumattom.

Ikki Danab 3:8

Ag anam heeg, Yawe Nug Israel danab ah dilagnu oo huana nauhe, Nug ag diia, King Kusan Risataim eppegppa meum. Kusan Risataim nug am Aram Naharaim dilag king. Israel ag Kusan Risataim waappa maɗ eblaih ewam ele daappig.

Ikki Danab 6:25

Amu tuqan amu Yawe Nug Gideon amegppa aum. “Na mamen nug makau dawai aɗit ele, amu makau dawai amu oolahppanu na laa nug maɗ eblaih aɗit ele awom amu, na makau dawai amu aon gona, na mamen nug Bal binag mekkunu qaɗab qeum, amuppa makau dawai amuppa qaɗab amu eeɗppe, na qeeb, kayak hambuppuak Aserah dabmekkulagnu biidod qaɗab heqo laih daatte amu, na amu ele okkulppe naɗ!

Ikki Danab 8:33

Gideon nug mauhe amu, Israel ag pahanab Kayak uuidna, ag kayak hambuppuak Bal iɗu iɗu noolagppa dup nona binalag meppig. Ag Balberitnu, ag nug am ahilag kayak appig.

Ikki Danab 8:34

Ag Yawe, ahilag Kayak, ag Nug ag ehanatta, ahilkad kekeɗ ag taliliattak daappig ele eppelagppanu diiom amu, ag nuhignu daulag atiom.

1 Samuel 12:10

Kekeɗ ag Israel anam eɗatteg, Israel ag Yawe amegppa, ‘Ig na dim metat, ig kayak hambuppuak Bal, Astoret ele iɗu iɗu waalagppa daata, oɗelag dim lamidmut. Ig amu hemut amunu, ig hipunin hemut. Amge na ehanigna, kekeɗ ihinig eppelagppanu awigppe, ig naib waatppa daat, na oɗen dim lamidkkunig. Ig nahip kobolib hekkunig,’ aon appig.

1 Samuel 12:9

Amge ag Yawe, ahilag Kayak, ag Nug daulag atie, Yawe Nug he, Hasor dilag ban daup ikki Sisera, nuhikkud daup ele, amu Pilistia dilag daup, amu Moap dilag king, nuhikkud daup ele, ag oh haen anen anen uɗin, Israel ele ban henana, ag Israel eɗadppig.