Ikki Danab 3:4 - Nobonob Baibel

⁴ Yawe Nug ahilagppa heeb, Israel ag Yawenu haknunab anak, Nug Moses mette, ag mamelkad aɗi mattom amu, ag ɗo amu dim lamidkkulagte, o dim ii lamidkkulagte anidkkunu anam heum.

Ikki Danab 3:4 ပူးပေါင်းရင်းမြစ်များ

Eksodas 15:25

Ag anam heeg, Moses nug Yawe ɠagattag unuqitte, amu Yawe ad laa ippunittom. Ippunitte, Moses nug ad amu awa, leppa mawe no, le amu aakku lanaknu baag elele ba, ena dayom. Amu aben amuppa Yawe Nug Israel aɗi ag ma anttak madatta, Nug ɗo laa ele ag mattom.

1 Korint 11:19

Aɗinu? Ag enanag ii hetteb amunu, obatak amubia genab bekku, amge amuppa Kayak Nug heeb, ag oolagppa danab aun aɗi ag tutukku daatteb ele amu, ag miag atiglag.

Duteronomi 33:8

Aria, Moses nug amu awowa, nug Israel dilag huu okkai Lewinu imu aum. “O Yawe, Lewi ag nahipnu oo metta ii uuak kobol dim lamidnana hetteb, amu na Urim, Tumim ele ag mattame. Am na Masa appa Lewi buɗub dilagppa ma anttak mettak ahilagppa heme. Ao, Meriba leppa, appa na Lewi buɗub ele mehqak heppig.

Duteronomi 8:2

Yawe, ahilag Kayak, Nug maɗ 40 oh anuqa omalattette, atu taɗakppa oippig amu daulagppa dayaɗ! Nug ag onilag qeeb nekkunu, ag ma anttak mettak ele aoglagnu, Nug amu heum. Nug ma anttak mettak digdig ag diilag miag atikkunu matta, nug ag genabte haknunab anak nuhig am tutukku dim lamidkkulagtai, o iittatai amu anidkkunu heum.

Ikki Danab 2:22

Yawe anam ha, amu Kanan danab, amu dilagppa, Nug he, Israel ag, ag mamelkad aɗi ag Yawe oɗe dim lamidna, nuhig ib genab dim lamidppig, ag amubia hekkulagte, o iittate ma anttak mattom.

Ikki Danab 3:1

Yawe Nug Kanan wanppa danab huu anen anen, ahilag wan obatak laala eleppa daappig, Nug ag uuatte daappig amu, Nug ahilagppa Israel danab ag deɗ laa banelag gona, ban ii heppig ele, Nug ag ma anttak madakkunu heum.