Ikki Danab 3:3 - Nobonob Baibel

³ Amu Kanan wanppa danab huu anen anen, ahilag wan obatak laala eleppa daaegeg, Yawe uuatte daappig ele am iikku: Pilistia aab okkai tanig ele, ahilkad gumattak danab ele, amu Kanan danab, Saidon danab, Hiwi danab ele ag Lebanon wanppanu qaukoppa daappig. Ag wan amuppa qauko onig Balhermon ukka, Lebo Hamat batakppa daappig.

Ikki Danab 3:3 ပူးပေါင်းရင်းမြစ်များ

Genesis 49:13

Seblon, nahipnu amu, na yu ihippa daakkut. Ao, na uub uɗia eeɗa daatte, na aben amu gumadkkut. Ge, nahip wannu tom am ukka, Saidon guguittak daakku.

2 Samuel 24:7

Ag Saidon tewon, eɗun uɗinna, aab Tair aɗ ɠagattagnab eleppa nena, aab oh Hiwi danab daappig, Kanan danab daappigppa ele ebaqappig. Ag amu hewona, ag nena uɗinna, Berseba batak ag ebqak uɗat amu malappig. Berseba am Juda wannu tom yau uɗitteppanu, appa ana daatte.

1 King 8:65

Amunu Solomon nug Pehppa Dayaknu Hobul deɗ eblaih aɗit ele heum. Nug, Israel danab ah oh ele ag hobul amu heppig. Israel danab ah huanaknab, Lebo Hamat appanu ukka, Isipnu Oolnu Noak batakppanu uɗin daappig. Ag qagmak amu deɗ eblaih aɗit dayona, tuɗidna, bau laa deɗ eblaih aɗit ele daappig, aakku ag deɗ 14 Yawe, ihinig Kayak, Nug noobppa hobulppa daappig.

1 King 9:20

Amu Israel wanppa danab ah buɗub laappan, Israel iitta, ag ele daappig. Amuam Amo danab, Hit danab, Peres danab, Hiwi danab amu Jebus danab ele.

Esekiel 47:20

Aria, qaban uɗitteppanu tom am Mediterenia yu ihi dim lamitta, yawalti uɗitteppanu ugakka, aab onig Lebo Hamat heqo laih yu ihippa batak. Aab amuam yu ihippa ii daatte, amge Mediterenia yuppanu kaɗag uɗitteppanu daatte. Amuam Israel dilag tom, qaban uɗitteppanu aakku.

Namba 13:29

Amu Amalek danab ag wan amuppa, wan laih onig Negeb, ag appa daatteb. Hit danab, Jebus danab, amu Amo danab, ag am wan laih qauko qauko eleppa, appa daatteb. Kanan danab, ag amu yu guguittak, amu Jodan le naɗi daugppa daatteb,” aon appig.

Namba 34:8

Hor qaukoppanu am ukka, Lebo Hamat ta, appanu am ukka, Sedat wakku.

Duteronomi 1:7

Ag ahan, haen tutu dayaknu aab kalak uun gokkulagnu haen doum. Ag ahan, Amo dilag wan qauko qauko ele, amu atu laala, atu amu guguittak daattebppa ele gona, ⌊appan danab ah lamatteg⌋! Amuam laa ag atu onig Araba daatteb, amu laa ag qaukoppa daatteb, amu laa ag qauko qaban uɗitteppanu daatteb, qauko amu diigppa qauko nakok daatteb, laa ag amuppa daatteb, laa ag Negeb daatteb, laa ag uɗem okkai yu guguittakppa, appa daatteb. Ag Kanan danab dilag wan amu oh, Lebanon wan ele, ag appanu ukka ukka, Yupretis leppa batak ukkeg!

Duteronomi 3:9

Hermon qaukonu amu, Saidon danab ah ag Sirion adappig; Amo ag am Senir adappig.

Josua 11:19

Wan atu amuppan aab okkai auntai laa Israel ele oolah maɗoɗppaib daaglahnu nug tituana nai qakkak laa ii heppig. Hiwi danab Gibeonnu, agib am Israel ele maɗoɗ daaglagnu anam heppig. Laa oh ag am banppa eɗattak.

Josua 11:3

Nug ahilagppa me ukke, amu nug ele Kanan dilag king laih kaɗag uɗitteppanu, amu laih qaban uɗitteppanu ele batak, nug ahilagnu nai me ukkom. King amu ag am, Amo dilag king, Hit dilag king, Peres dilag king, Jebus dilag king ele, ag laih qauko qauko ele daappig. Amu nug Hiwi danab, ag Hermon qauko guguittak daappig, ahilagnu ele nai me ukkom. Wan atu amu onig Mispa.

Josua 13:3

Wan amuam Kanan danab dilag wan maha laa aakku. Wan amunu tom am, le Siho, appanu yawalti uɗitteppanu ukka, Ekron wana batak. Le Siho amu, Isipnu tom, Isipnu laih kaɗag uɗitteppanu daatte. Amu Pilistia dilag aab anuqak tanig ele, Gasa, Asdot, Askelon, Gat, Ekron ele amu, aab amu oh wan amuppa daaegeg, ahilkad danab okkai aakku guman daatteb. Ele amu, laih yau uɗitteppanu, Awim danab dilag wan, amu ele ag eɗadna aoglagnu daatte. Aria, laih yawalti uɗitteppanu Kanan danab dilag wan, Meara ukka Apek batak, wan amu oh am ag eɗadna aoglagnu daatte. Meara am Saidon dilag aab laa, amu Apek am Amo dilag tomppa daatte.

Josua 13:5

Wan, Kanan danab eppelagppa daatte maha laa amu, amuam wan laa Gebal danab, ag aguppa daatteb. Amu maha laa amu Lebanon wan ooppa, laih kaɗag uɗitteppanu, atu amu oh. Wan amuam Balgat, appa digma ukka, Lebo Hamat batak waum daatte. Balgat am qauko Hermon guguittak, yau uɗitteppanu daatte.

Josua 19:28

ukka, Abdon wana, Rehop wana, Hamon wana, Kana wana, ukka ukka, Saidon aab anuqakppa waum.

Josua 9:7

Ag anam aeg amu, Israel ag nai nob mena, Hiwi danab amelagppa appig. “Ag am miag ippanu iitta amu, ig attem heta doognig? Ag am miag ippanu anam doyadkkunig dayeb amu, ig ag ele nug tituanak ii hemata,” aon appig.

Ikki Danab 10:7

Ag anam heppig amunu, Yawe Nug Israel dilag oo huana nauhe, Nug ag uuatte, Pilistia, Amon ele banppa eɗatteg, ag eppelagppa daaegeg,

Ikki Danab 14:4

Pilistia danab ag haen amuppa Israel gumappig amunu, Yawe he, Samson nug Pilistia danab eheɗ hadakkunu ib mattiom amu, Samson anig mameg ele aa amu ii doopiɗ.

Ikki Danab 18:7

Nug ag anam amelagppa aum amunu, danab tanig ele amu ag tuɗidna, aab Lais goppig. Aab Lais appa amu, danab ah appanu ag Saidon danab ah daappig bia, ag baɗak iittappa daaegeg anidppig. Ge, Lais danab ag uug laa bekkunu dab-ii-mena, ag baɗak iittappa daaegeg anidppig. Danab ah appanu ag keekenu elelenab daappig. Aɗinu? Ahilag wan amu ittag ena ele. Ag am Saidon guguittak iitta, piɗenab daappig, ⌊amunu Saidon danab ag ag ehanadkkulagnu elele iitta daappig⌋, amu ag ehanittak laa miag appanu aoglagnu amu, ag qakub mak daappig.

Ikki Danab 3:2

Amunu diig nakok laa am, Israel dilag danab ag ban nakok laa ii anidna dooppig ele amu, agib ag ban anidna dooglagnu ele Nug amu heum.

Ikki Danab 4:2

Ag eheɗ heppig amunu, Yawe nug ag diia, King Jabin eppegppa meum. Nug am Kanan dilag king; nug Hasor dayom. Nuhig ban daup ikki am Sisera. Sisera nug am Haroset Hagoim, appa daattom.

1 Samuel 13:5

Israel ag appa qagmeegeg, Pilistia ag Israel ele ban hekkulagnu ele aab onig Betawennu kaɗag uɗitteppanu Mikmas appa qagmeppig. Pilistia qagmeppig ele am inam: daup ag bannu karis attan daan, ban hetteb am, 3,000, daup ag hos attan daan, ban hetteb am, 6,000, amu daup ag baelagppa oinna, ban hetteb ele amu, ag am huanaknab, abuɗ yu daugppa daatte, amubia.

1 Samuel 29:2

Ag anam aab kalappigppa daanna, deɗ laa Pilistia danab okkai ag ahilkad ban danab ele ahappig; huu laala am ahilkad danab 100 ele, huu laala am ahilkad danab 1,000 ele. Danab okkai okkai ag ahilkad huu ele ag ahan, banppa gokkulagnu laippu tappan ukkaegeg, Akis nug nuhikkud ban danab ele, amu Dawit, nug nuhikkud ban danab ele ag ahan, dimulagppa dim lamadna tappa ukkak laippuppa uɗippig.

1 Samuel 6:16

Israel ag anam hena malaeg, Pilistia dilag king ag amu oh anttona, ag deɗ amuppa eɗun, aab onig Ekron goppig.

1 Samuel 6:18

Aria, tog dottog golppa hak tanig ele amu, ag Pilistia dilag aab ɠagattag aɗ ele, aab naunau aab amu anen anen taliliadna daatteb, aab amu anen anen am Pilistia dilag danab okkai tanig ele waappa daappig amu, am aab amu ippunigtteb. Amu men naɗi Betsemesnu danab onig Josua, nuhig wanppa daatte, ag Yawenu Tituanak Nainu Kunup men amu attan meppig ele amu, men amu keeke imu oh genab beum amu, am at aakku dayom, gemu, ⌊nai imu yaak haenppa⌋ ele, am anam daatte.

1 Samuel 6:4

Ag anam aeg, Pilistia danab ag appig. “Ig keeke, eheɗ haknu ofa daakkunu amu, ig attem keeke amu nuhigppa mepput gokku?” aon appig. Ag anam aeg amu, mana mettak danab, amu eman hak danab ele ag appig. “Pilistia danab okkai am tanig ele. Aria, uug beum ele amu, ag oh, king ahilkadppa ele, uug amu ag oh, ahilagppa laippu beum amunu, ag mamattin dottog tanig ele golppa hak, amu tog dottog tanig ele golppa hak ele, ag amu oh meppeg ukkaɗ!” aon appig.