Ikki Danab 3:12 - Nobonob Baibel

¹² Otniel nug mauhe amu, Israel ag baula Yawenu neekkakppa eheɗ heppig amunu, Yawe Nug Israel danab ah Moap dilag king Eklon eppegppa me, nug Israel gumattom.

Ikki Danab 3:12 ပူးပေါင်းရင်းမြစ်များ

2 King 5:1

Naman nug am Aram dilag kingnu ban daup ikki anuqak. Yawe ehanitte, nug ban kuɗum eɗattom amunu, kingnu neekkakppa, nug danab okkainab dayom. King nug nuhignu oo huana heum. Naman nug ban haaha, nug ban ebehi ele heum, amge nug gaɗa oɗe nau ele.

Eksodas 9:16

amge da geha dahil ɠagattag okkai na ippunidkkulnu, danab ah wan atu ohppa da onil dooglagnu amu, da na king meitti, na okkai aakku daattem ⌊amunu, da ag aqai ii mauhppig⌋.

Aisaia 10:15

Amu king nug anam atte, amge Kayak Nug atte. “⌊Da am Kayak amunu, da oɗmak imu oɗ mettem.⌋ Hebeb laa nug nukka nuhignu, ‘Okkai am da dakka; da amu, da danab nug da aɗaila, ad okkultte ele, da nug eɗidttem,’ attete? Amu so laa nug nukka nuhignu, ‘Da okkai daattem. Da laa nug da aɗaila uɗat hette ele, da nug eɗidttem,’ attete? Bu laa am danab aɗatte ele huma he, nuhigppa laa bu medattete? Daɗib laa ele danab aɗatte ele humattete? Amu oh iitta!” awa atte.

Aisaia 37:26

Senakerip, na anam ame, amge na nai imu iite doome? Anukkanab da Yawe, da keeke amu bekkunu tituanmi. Anukkanab da maittak amu aomi. Da amu hemi amu, gemu da hei, aakku beum. Ao, da hei, na amu oh henana, na hee, aab okkai ɠagattag aɗ ele am loppaɗattak, kinipan ameg okkai hume tak daatteb.

Esekiel 38:16

Ag dahilad danab ele ban hekkulagnu uɗinna, ag lombig wan tonatte bia wan amu tonaglag. O Gog, butti aɗi, haen laa, wanppan wan ohppan danab ag da dahil hak nahip-ppa hekkul, ag amuppa da am Kayak doon, da oppiaawak daattem ele dooglagnu, da heppi, na Israel wan banelag uɗikkut,’ awa atte.” Yawe Nug anam aum.

Daniel 4:22

O king, na amu anidme amu, ad okkai ena amu, am naib ippunigtte. Na king bena, onin okkai ba male, na ɠagattag ele daattem. Na onin okkainab meeme ukke, gemu ad ba hab aɗe, danab ah oh anidkkulagnu elele daappig bia, wan atu ohppanu danab ah ag nahipnu dootteb. Nahip gumak am ukke ukke, wan umanab daattebppa batatte.

Daniel 5:18

O king, Kayak Attannab Laa Oh Eɗadtte amu, Nug na mamen Nebukatnesar king abenab metta, ɠagattag, binag amahlak oppiaawak ele, aria ɠagattag okkai naɗi ele nug mettom.

Hosea 6:4

⌊Am Yawe Nug atte.⌋ “Ag Israel danab ah, da aɗi heppi, ag kobol ena hekkulag? Ao, ag Juda danab ah, da aɗi heppi, ag kobol ena hekkulag? Oo mauhaknab kobol ahilag dahilnu am buttua buttuɗai paha oppia gotte bia iitta mette. Yo, oo mauhak kobol ahilag dahilnu am buttua baito paha qaɗaiedatte bia iitta mette.

Jon 19:11

Anam a amu Jesus amegppa aum. “Attannu laa Nug na ɠagattag ii mettalo amu, na dahilppa aɗi hekkutnu elele iitta amunu, aun nug da na eppenppa meiɗom ele, nuhig hipunin am okkainab, nahip eɗittak,” awa aum.

Ikki Danab 2:11

Israel ag anam hena, ag Yawe noobppa nuhig neekkakppa eheɗ henana, kayak hambuppuak Bal iɗu iɗu waalagppa daan, oɗelag dim lamidppig.

Ikki Danab 2:14

Ag anam heeg, Yawe Nug Israel dilag oo nauhak okkai doyom amunu, Nug ag diia, danab ag ban hena, danab aqadna, ahilkad keeke aotteb amu, Nug ag eppelagppa me, ag ahilag keeke aoppig. Nug ag diia, kekeɗ taliliadna daappig ele ag eppelagppa meum amunu, ag ban hena, baula kekeɗ eɗadkkulagnu elele iitta daappig.

Ikki Danab 2:19

Amge epeɗiak danab anen anen ag mauheg amu, danab ah ag eɗun, hak naunu ibppa wana, ag kobol diig ena iitta uɗig wak ele mamelkad aɗi hedappig, amu eɗittak henana oippig. Ag kayak laala dim lamadna, ag waalagppa daan, ag oɗelag dim lamidna, ag noolagppa dup nona binalag ele meppig. Ag ahilag eheɗ hak ii uueg, ag Yawe oɗe dim lamidmananu, ahilag dabmak ɠagattag eppom.

Ikki Danab 3:11

Amunu maɗoɗ dayak maɗ 40 wan amuppa daye ukke, Kenas bekka Otniel mauhom.

1 Samuel 12:9

Amge ag Yawe, ahilag Kayak, ag Nug daulag atie, Yawe Nug he, Hasor dilag ban daup ikki Sisera, nuhikkud daup ele, amu Pilistia dilag daup, amu Moap dilag king, nuhikkud daup ele, ag oh haen anen anen uɗin, Israel ele ban henana, ag Israel eɗadppig.