Ikki Danab 2:4 - Nobonob Baibel

⁴ Yawenu engel nug nai amu Israel danab ah oh amelagppa mattia male amu, Israel danab ah ag huana gaappig.

Ikki Danab 2:4 ပူးပေါင်းရင်းမြစ်များ

Esra 10:1

Amu Esra nug Kayak laug odppa dup noa, gateg qaun o, gomela, iɗu wanppa ma, gayaya dayeye, nug unuqittatta, nug Kayak amegppa Israel dilag hipunin miagib mattia doyeye, Israel danab, ah, nid, nid ahin ele kuɗumnab uɗin qagmena, nug talilidna daappig amunu, ag ele huana gaappig.

Prowerb 17:10

Am danab nug laa diignu doyak tutukku ele daug batakku amu, laa amu nug ena oikkunu oo maittak okkai aokku; amge danab nug Kayak dab-ii-maama ii dim lamidtte ele amu, laa nug nug bu medakku dayeb, nug ena oikkunu oo maittak nakokib aokkutai.

Jeremaia 31:9

Ag gaanna uɗiglag. Yo, ag unuqiɗppeppeg, da omladppi eɗun uɗiglag. Da ag le daugppa noolag awe anuqe goppi gokkunig. Yo, da ag ib laa tutukku, ib ena, baelag ii qekkulag eleppa omaladkkul. Aɗinu? Da Israel mameg daattem; Israel nug am dahil nid danab tatamnu daatte.” Yawe Nug anam awa atte.

Joel 2:12

Amu Yawe Nug atte. “Ag matu helob, amge ag gemu, yo, ag gemu haen imuppanab ag meulag ohppa, oolag ohppa, ɠagattag ohppa ele eɗun, da waalppa daaglagnu uɗieg! Ag ee ohnu kud mena, gaanna mahina, ag eɗun dahilppa uɗieg!

Sekaraia 12:10

Anam amu, da heppi, Dawit buɗub, aria Jerusalem danab ah ele, ag ehanittak okkai hamu mettaknu kobol, unuqittak kobol ele dim lamidkkulag. Ag anam henana, ag laa qetti banppa atulppig, amuam da, ag eɗun aniɗna, ag dahilnu oo doyak doon, mahiak okkai hekkulag. Laa nug nuhig nid laippuib, nid amu mauhe, nuhignu mahiak okkai hette, ag amubia dahilnu mahiglag. Ao, laa nug nid danab tatamnu mauhe, oo doyak okkai, guittak ele awa mahitte, amubia ag dahilnu mahiglag.

Luk 6:21

Ag gemu enug aqatte ele, ag itittak ena aoppig daatteb. Aɗinu? Kayak Nug heeb, ag oolag didikku. Ag gemu oolagppa uug doon gaatteb ele amu, ag itittak ena aoppig daatteb. Aɗinu? Ag oolag gamag ahakku.

Luk 7:38

Jesus baegppa, guguitta dimugppa hibaitta gayaya dayom. Ameg leb gokkaɗa, Jesus baegppa ne amu, ikki uɗugppa oppiaya, Jesus baeg ootuqittowa, leppu muttuɗig enanag ele Jesus baeg gokkaɗ qettom.

2 Korint 7:10

Ooppa guittak doyak, Kayak Nug he bette amu, oo guittak doyak amuam he, ig danab aakku oonig eɗutte. Kobol amuppa Kayak Nug ig eɗua awigtte. Danab amunu am eheɗ laa ii dooma, amge ooppa guittak doyak, wannu kobolppa bette ele amu, ooppa guittak doyak amuam he, mauhak bette.

Jems 4:9

Ag eheɗ hak ahilag amu, ag amunu dabmenan, ag oolagppa guittak doon, huana gayeg! Ag danab ag imatteb ele, ag imak am uuna gayeg! Ag danab ag oolag gamag ahatte ele, ag oo gamag ahak amu uuna, ag oolagppa uug ele doyeg!

Ikki Danab 2:3

Haen amuppa ele da nai imu ami. ‘Ag da oɗel ii dim lamidkkulag dayeb, da danab wan imuppa daatteb, da heppi, ag Israel ag ii lamadmana. Da amu ii hepa amunu, danab ah amu ag daanna, ag am danab nug qaun qettippa guittak medatte bia, ag eheɗ hadappeppeg, ahilkad kayak am pelem bia, ag aguppa tena, eheɗ aoglagnu daaglag,’ awe ami. ⌊Am gemu anamib daakku⌋,” awa aum.

Ikki Danab 2:5

Ag gaan, ag aben amu onig, “Bokim,” ataɗppig. Amu appa ag doɗ manadna, Yawe medappig.

1 Samuel 11:4

Jabes ikki danab ag Nahas amegppa anam ana, ag heeg, nai awa ukkak danab ag ahan gona, amunu mattiegeg ukke, ag Gibea, Saul appag diig, ag appa tena mattieg, appan danab ag doon, huan gaappig.

1 Samuel 7:6

Samuel nug anam a, Israel oh ag Mispa gona, qagmeppig. Qagmena, ag le itan, Kayak noobppa mana mettak bia daakkunu gokkaɗeg no, ag deɗ amu buttua ukke tueb batak amu, ag kud mena, ee uuna daappig. Ag amu henana, ag miagib madippig. “Ig Yawe, nuhigppa hipunin hetata daamut,” aon appig. Mispa appa Samuel nug Israel danab ah epeɗiattom.