Ikki Danab 2:1 - Nobonob Baibel

¹ Amu Yawenu engel nug Gilgalnu aha, Bokim ta, nug Israel danab ah amelagppa aum. “Da ag Isipnu diie, wan imu, da ag mamelkad aɗi madakkulnu dahil nai ɠagattag qetten ami amu, da amuppa uɗimi. Da ami. ‘Da geha ag ele nug tituana nai qakkak hemi amu, da iinab tippalpa.

Ikki Danab 2:1 ပူးပေါင်းရင်းမြစ်များ

Genesis 12:7

Anam daye amu, Yawe Nug Abram gumitta na, amegppa aum. “Da wan imu oh na buɗun madakkul,” awa aum. Anam a amu, aben amuppa Yawe Nug Abram gumitta ukkom amunu, Abram nug Yawe noobppa dup noa binag mekkunu qaɗab qeum.

Genesis 16:13

Anam amu, Hagar nug Yawe, Nug nug amegppa nai mattiom amu, Hagar onig imu Nug ataɗom. “Kayak Da Aniɗtte Ele Amu, Amuam Na.” Aɗinu? Nug aum. “Laa da aniɗtte amu, gemu da ele Nug anidmi.”

Genesis 48:16

Kayak, Nug uug ohnu qagaiettakppanu uhuqiɗom amu; Kayak amunu amu, da Nug nid aɗit imu itittak ena matakkunu ool daatte. Ahilahnu amu, aa da alal Abraham, da mamel Aisak amu da ele, aa ig buɗunig ooppa daaglahnu ool daatte, amu aa appatpeɗ, buɗultippa danab kuɗum bekkulagnu ele ool daatte,” awa aum.

Sam 89:3

Na ame. “Da danab laa epeɗimi ele amu, da hei, da nug ele nug tituanɗa, nai qakkamuɗ. Yo, da dahil maɗi nid Dawit, da nug amegppa keeke laa hekkulnu dahil nai ɠagattag qetten ami.

Sam 89:34

Da hei, da nug ele nug tituanɗa, nai qakkamuɗ ele amu, da nai amunu hamu bia doyen, ii tippalpa. Ao, da nai ami amu, da iinab baolipa.

Eksodas 14:14

Doyeg! Kobol amu bekkunu amu, ag keeke laa ii hemana. Iitta! Ag toettan daappeg, Yawe Nug ag ehanatta, ban hekku.” Moses nug anam aum.

Eksodas 14:19

Kayak Nug anam a amu, engel nuhig nug Israel daup noolagppa anuqa ukkom ele, nug eɗua uɗia, dimulagppa dayom. Am lombig attan tak, am ele noolagppa anuqa dayom amu, amu ele eɗua ukka, dimulagppa dayom.

Eksodas 20:2

“Da am Yawe, ahilag Kayak. Da ag Isip, ag appa begbeg maɗi nid daaegeg, da appanu diie, omalatti uɗippig.

Eksodas 23:20

Doyeg! Engel laa nug ag dabmadakkunu, nug geha ag omalatteb gona, wan da ahilagnu bappaidmi ele, ag amuppa tekkulagnu, da engel amu mei, nug ibppa anuqa, ag noolag awa gotte.

Eksodas 33:14

Moses nug anam a, aria Yawe Nug aum. “Da amu, da geha ag ele oh gokkunig, amu amuppa da na dahil oo maɗoɗ na medakkul,” awa aum.

Aisaia 63:9

Haen ag uug nau dooppig amu, Nug ele uug nau doya he, laa nugatoppa daatteb amu, nug ehanatte, padal ii meppig. Nug ahilagnu oo mauhak doya, ag dabmatta, oo gai-iitta doya oo metta ehanittak kobol ele dim lamittom amunu, haen kuɗum ag nau doyegeg, Nug amunu qagaiettakppanu eɗua uhuqak heum. Anukka, haen amuppa, maɗ kuɗum ukkom amu, Nug danab laa nid nakok laa ehanitta awa maotte, amubia ag ehanattom. ⌊Yawe Nug nukka amu oh ahilagnu heum.⌋

Jeremaia 14:21

⌊Amge⌋ da na oninnu dabmak anuqak aonna, na ig ii geɗigmananu oɗ medattem. Ao, na ag uuadppe, laa ag uɗin, nahip lag enanagnab, na aguppa daattem amu, ag amu heppeg nauhmanu unuqidttem. Na hee, ig ele nug tituanta nai qakkamut amu, na nai amu dabmenana, ii okkulmananu oɗ medattem.

Lewitikas 26:42

da geha nug tituana nai qakkak Jakop, Aisak amu Abraham ele hak amunu dabmeinne, wannu ele dabmekkul.

Lewitikas 26:44

Amge ag kekeɗ wanelagppa daappeg, da ag dimattena, ahilagnu ena iinab doyeye heppi, ag iitta ii memana. Iitta. Ag diia ukka laih me dayak danab ah daan, haen ag ahilkad kekeɗ dilag wanppa daappeg amu, da hei, da ag ele nug tituana nai qakkak hemut am ii tippalpa. Da anam helom amu, da ag ohnab aqalom, amge da anam ii hepa. Aɗinu? Da am Yawe, ahilag Kayak.

Sekaraia 11:10

Da anam awoya, da dudqak hokkat dahil onig Ehanidkkulnu Ool Daatte am awen qiimi. Amuppa da nug tituana nai qakkaknu nai, da Israel danab ah ele hemut amu, nai amuam aakku hei iitta meum ippunadmi.

Malakai 3:1

Yawe Nukka Ɠagattag Oh Ele Nug atte. “Antte! Da heppi, dahil nai awa ukkak danab laa nug ukka, dahil ib da nool awa bappaidkku. Nug anam heeb amu, da Naɗi, ag da aniɗkkulagnu mattiɗtteb amu, da pahanab da laulppa uɗikkul. Ao da, da am nug tituana nai qakkak nainu Okkai daattem, ag dahil uɗiaknu oolag huana hette ele amu, antteg! Da uɗikkul.” Yawe Nukka Ɠagattag Oh Ele Nug anam awa atte.

Namba 14:34

Lokkumakppa atu italak danab ag wan atu italkkulagnu maatteg goppig amu, ag deɗ 40 oippig. Anam bia, ag hipunin heeg, ag hipunin hak amunu guittak maɗ 40 batak doon oiglag. Maɗ laippu, amu deɗ anen anen, deɗ 40 wan italna oippig, am amu elele medakku. Ib amuppa amu, da ahilag hak amunu eheɗ doyeye ool ii madattem, ag amu dooglag.’

Duteronomi 1:8

Da wan imu oh ag madattem!” Yawe Nug anam aum. Wan amu ohnu amu, Yawe Nug ag mamelkad aɗi, amuam Abraham, Aisak, Jakop ele, amu ag buɗulkadppa ele madakkunu nuhig nai ɠagattag qetta aum amunu, ag amuppa nona, aon dayeg!

Duteronomi 4:34

Am kayak atten laa nug danab ah ameg laa, wanppan wan okkai laappan diia he, nuhig danabnab bena, ag wanppan wan laappa daaglagnu daappigte? Iitta! Amge Yawe, ahilag Kayak, Nug ahilagnu Isip appa anam heum. Nug nuhig ɠagattag okkaippa ag ehanatta, ahilagnu heewo, ag amelagppanab anidppig. Nug oɗe nau Isip dilagppa he be anidppig. Nug Isip ele ban heppig. Nug nuhignu dabmettaknu kobol danab haknu elele iitta he, Isip danab ah ag eheɗ nau baɗappig.

Duteronomi 7:9

Yawe Nug anam aakku heum amunu, ag Yawe, ahilag Kayak, Nug am Kayak, ag anam doon autna aweg! Nug amu Kayak, Nug oo metta ii uuak kobol hette. Nug nuhig nug tituana nai qakkak nai ii okkultte. Nug danab ah ag oolag Nug mettan, nuhignu oolag mauhtte, nuhig ɗo ele dim lamittegeg, Nug he, ag Nug ele nug oo mauhaknab doyaknu nug tituana nai qakkak hetteb amu, Nug nug tituana nai qakkak amu dim lamitta ukkeb ukkeb, Nug ag buɗulkad menuattak huu laippu bia 1,000 dimppa bekkulag amu, Nug haen amu oh nug tituana nai qakkak amu dim lamidtte.

Josua 3:10

Kanan danab, Hit danab, Hiwi danab, Peres danab, Girgas danab, Amo danab, Jebus danab ele ag wan Jodan le imu heqo laihppa daatteb. Ag amuppa daan, wan amu gumatteb, amge Kayak bau daatte, Nug ag Israel oolagppa daatte, Nug heeb, ag Israel, ag danab amu lamadkkulag. Nug ag amu miagib ippuanatteb anidkkulagnu amu,

Ikki Danab 11:24

Na nahip kayak Kemos keeke mettom, na amu dabmette; ig am Yawe, ihinig Kayak, nug keeke mekkom, ig amu dabmettagnig.

Ikki Danab 13:2

Haen amuppa danab laa onig Manoa, nug am Israel dilag huu okkai Dan, Sora aabppan danab amu, nug dayom. Nug wau am ah mattoi amunu, aa nid iitta daadpiɗ.

Ikki Danab 13:3

Aa anam daaeheh amu, Yawenu engel nug Manoa wau gumitta noa, nug aum. “Na ah mattoi, nid iitta ele daattem, amge na geha oot ele daan, nid danab laa aokkut

Ikki Danab 2:5

Ag gaan, ag aben amu onig, “Bokim,” ataɗppig. Amu appa ag doɗ manadna, Yawe medappig.

Ikki Danab 6:8

Yawe Nug propet laa Israel dilagppa me ukka, nug aum. “Yawe, Israel dilag Kayak, Nug inam atte. ‘Da ag begbeg maɗi nid daaegeg, Isipnu diie, omalatti uuppig.