Ikki Danab 16:3 - Nobonob Baibel

³ Appan danab ag dabmak amu aoppig, amge Samson nug ah amu ele tuqan oh ii daapiɗ. Iitta. Nug daye ukke, tugmag me, nug aha, aab okkainu aɗnu od aɗit, amu aen maha laa ɠagattag, od lok qaknu amu ele aɗalata, biidod aɗit wanppanu hiɗalata diiom. Nug hiɗa awa, keeke amu oh gugappa ma, nug danab Hebron gokkunu gotte bia ha ugakka, qauko nakok laa, amu igippa ta appa meum.

Ikki Danab 16:3 ပူးပေါင်းရင်းမြစ်များ

Sam 107:16

Aɗinu? Nug ahilag maniguittaknu aɗnu od brasppa heppig amu loppaɗe neum. Nug od manak qaknu keeke aenppa hak makkulatte neppig.

Maika 2:13

Amu laa nug he, aabnu aɗppa ib matulak daatte amu, nug heeb, giɗo dayeb, Nug noa anuqa ukkebeb, dahilad danab ah ag heppeg, giɗo okkainab, aɗnu od bia, aɗppa dayebeb, ag oh dimittim uɗiglag. Ahilag king nug ag noolagppa anuqa gokku. Ao, da Yawe, da ag noolag awe gokkul,” Yawe Nug anam awa atte.

Aposel 2:24

Amge Kayak Nug mauhak oolagppanu uhuqa he, eɗua hibaittom. Mauhak Nug aɗakkunu elele iitta.

Ikki Danab 16:2

Nug appa ukka dayeye amu, Gasa danab ag Samson appa daatte aeg doon, ag tuqan amuppa aab okkainu aɗnu od guguittak, laih laih ohppa daan, appa ag nug meidna daappig. Ag tuqan amu toettan daanna, ag akka akka nug amegppa mattin appig. “Haɗaetta uɗiebeb amu, ig nug qepput mauhkku,” aon appig. ⌊Amge aabnu aɗ od lok qakkan malappig doon, “Buttua od matulppeg dimittim dokku,” anana, aakku meidna elele ii daappig.⌋

Ikki Danab 16:4

Nug anam hewowa amu, dimppa Samson nug ah laa onig Delaila anttom. Antte ukke, nug nuhignu oo mauhom. Ah amu nug oolnu noak onig Sorek, appa dayom.