Ikki Danab 15:5 - Nobonob Baibel

⁵ Nug anam ha malowa, nug hul amotatte ewegeg, foks amu ag Pilistia dilag dad okkai ooppa qaiedappig. Ib amuppa amu, nug wit bali keeke, datta daappig amu mane ewe, wit keeke, ag okkuladna, aon qagmen ehagppig, amu ele mane ewa malom. Nug ahilag grep dad, olip dad ele he nauhppig.

Ikki Danab 15:5 ပူးပေါင်းရင်းမြစ်များ

2 Samuel 14:30

Joap nug anam he, Apsalom nug nuhikkud maɗi nid amelagppa aum. “Antteg! Joapnu dad okkai tomppa nug bali eppom ele amu, dad amuam dad okkai dahil heqo laihppa daatte amunu, ag gona, bali dad amu amotppeg ewaɗ!” awa aum. Apsalom nug aum amunu, nuhikkud maɗi nid ag dad amu amoteg ewom.

Eksodas 22:6

Danab nug nuhig atuppa aben laa ad naunau qaun ele, nug amu amoteb ewa, naɗi ewa, nuhig tom tippala ukka, danab laanu wit, bali keeke eokku dayeb, o nug wit, bali keeke okkula, qagme dayeye ewom dayeb amu, danab aab amote, ewa ee ewom ele amu, nug ee amu oh nob eɗua, mameg mettaɗ!

Eksodas 23:11

amge maɗ ebqak eblaih aɗitppa ag anam ii hemana; wan ele ii buumna. Iitta. Ag uuppeg, wan hik awaɗ! Amu ee maɗ amuppa nukka bette ele amu, ag aib aoppig! Ag uuppeg dayebeb, daɗek danab ah ag oolagppa daatteb amu, ag amuppan ee aon lappeg ukkeb, nakok laa dayeb amu, doɗ dakkuɗ ag aon lakkulag! ⌊Amge ag wan mameg aɗi amu, ag maɗ amuppa ee amu ii aomna.⌋ Amu ag grep dad, Olip dad ele, ag anamib hekkulag.

Ikki Danab 15:4

Samson nug anam awowa, nug ukka, foks 300 aɗualatta, nug aɗit aɗit boolkad oohota qakkalata, anamib qakkalattom. Anam hewowa, nug hul diia, boolag aɗit aɗit, qakkak amuppa maatta qakkalattom.

Ikki Danab 15:6

Samson nug anam he, Pilistia ag he nauhak amu anidna, ag akka akka nug oɗ mettan appig. “Imu aun heum?” aon anana, laala ag appig. “Samson heum. Nug tana, Timna ted, nug Samson wau awa, danab laa nug ewau matulak awak haenppa Samson ehanidppig ele dilag okkai amu, nug wau daakkunu mettom amunu, nug inam heum,” aon appig. Aon aeg, amu Pilistia ag gona, ah amu, mameg ele aɗalatna, manateg eoya mauhpiɗ.