Ikki Danab 15:4 - Nobonob Baibel

⁴ Samson nug anam awowa, nug ukka, foks 300 aɗualatta, nug aɗit aɗit boolkad oohota qakkalata, anamib qakkalattom. Anam hewowa, nug hul diia, boolag aɗit aɗit, qakkak amuppa maatta qakkalattom.

Ikki Danab 15:4 ပူးပေါင်းရင်းမြစ်များ

2 Samuel 14:30

Joap nug anam he, Apsalom nug nuhikkud maɗi nid amelagppa aum. “Antteg! Joapnu dad okkai tomppa nug bali eppom ele amu, dad amuam dad okkai dahil heqo laihppa daatte amunu, ag gona, bali dad amu amotppeg ewaɗ!” awa aum. Apsalom nug aum amunu, nuhikkud maɗi nid ag dad amu amoteg ewom.

Sam 63:10

Laa ag ag qep elabppa aqaglag. Ag beɗulag amu doɗ jakal dilag ee daaglag.

Prowerb 26:18

Kaaka danab nug lat doɗo danab qe mauhtte, o lat doɗo eotte ele, nug amu ekku dayeb, amuam naunab; amubia, danab nug mudippan laippu hambuppuittowa, nug, “Da qiɗ nai aakkuib mattimi,” akku dayeb, amuam ele naunab.

Solomonnu Ahi 2:15

Muɗi grep dadppa grep haɗag mappatadtteb haenppa amu, doɗ foks nakkud ag heeg, haɗag mappatppig nauhtteb amunu, meu ii otteb. Amubia keeke naunau ag heppeg, nug oo mauhak ihinih iitta memanu, na keeke nakok amu dahilppa daattetai, o nahip-ppa daattetai, na dabmenan heppe, iitta maɗ!”

Aisaia 7:4

Aria aa goya teya, na King Ahas amegppa inam appe doyaɗ! ‘Aram dilag king Resen, amu Israel dilag king Peka ele aa am aab ewa ukka, qauhkkunu ha, kahugib ahatte, aa amubia daattep amunu, na doye! Na ahilahnu aib ottaime! Ahilahnu aib baɗame! Ahilahnu na ebehin aib bodoettom! Laa amu, Aram danab, ahilag King Resin, amu Remalia bekka Peka ele, ag Juda, ahilagnu oo nauhak huanaknab doon oitteb, amge na doye! Na oo nauhak huanaknab ahilagnu aib ottaime! Oo nauhak huanaknab ahilagnu na aib baɗame! Oo nauhak huanaknab ahilagnu na ebehin aib bodoettom!

Ikki Danab 15:3

Ah mameg nug anam a, Samson oɗeppa awa aum. “Haen imuppa da ag Pilistia danab, ag eheɗ okkai hadakkulnu daatte amunu, da heppi, da beɗulppa aab laa ii daama,” awa aum.

Ikki Danab 15:5

Nug anam ha malowa, nug hul amotatte ewegeg, foks amu ag Pilistia dilag dad okkai ooppa qaiedappig. Ib amuppa amu, nug wit bali keeke, datta daappig amu mane ewe, wit keeke, ag okkuladna, aon qagmen ehagppig, amu ele mane ewa malom. Nug ahilag grep dad, olip dad ele he nauhppig.