Ikki Danab 14:9 - Nobonob Baibel

⁹ Nug antta, nug eppegppa uppuh leppu laa ekkaɗa awa, lanana ukkom. Ugakka, haen nug mameg anig ele eɗua gumata ta amu, nug laih laa aa mate, aa ele lapiɗ, amge nug laion ebehiudppan awomnu amelahppa ii aum.

Ikki Danab 14:9 ပူးပေါင်းရင်းမြစ်များ

Prowerb 24:13

O bekkal, uppuh leppu am ena amunu, na la! Ge, uppuh leppu teɗuppanu am lanak ubuhi ele.

Prowerb 25:15

Danab nug oo maɗoɗ ele dayak kobol dim lamidkku dayeb amu, nuhig okkai nug dabmak eɗukku bia; amu nai bodoettakppa mattiak amu, amuam heeb, dabmak ɠagattag eppom daatte baolikkunu elele.

Ikki Danab 14:10

Am Samson mameg nug, ewau matulak awak dabmekkunu ukka dayeye, Samson nug hobul heum. Aɗinu? Haen amuppan danab, ag ah aoglagnu henana, ag anam heppig.

Ikki Danab 14:8

Anam daye, haen ukke dimppa, nug eɗua, Timna ewau matulak awaknu ugakka, nug laion gaɗa anidkkunu ib man uua wana, nug neekka, amu uppuh ag ebehiudppa teɗ mena, uppuh leppu ubuhi ele meppig daaegeg anttom.

1 Samuel 10:16

Nug Saul oɗ mette, Saul nug aum. “Nug laa ag donki eɗun anadppig a doomuɗ,” awa aum. Saul anam aum, amge nug king ba daakkunu, Samuel amunu aum amu, nug nai amu, nug mameg nakok amegppa nakok laa ii aum.

1 Samuel 14:1

Ag anam daaegeg, deɗ laa Saul bekka Jonatan nug aha, ehanittak nid bau nuhig, nid amu nug Jonatannu guppiɗ, ban, lat, keeke mawom ele amu, nug nid amu amegppa aum. “Ahappe, i qauko ikki oppoɗu noak laih umuppa, Pilistia daattebppa goɗu!” awa aum. Nug nid amu amegppa anam aum, amge nug mameg amegppa amunu ii aum.