Ikki Danab 14:4 - Nobonob Baibel

⁴ Pilistia danab ag haen amuppa Israel gumappig amunu, Yawe he, Samson nug Pilistia danab eheɗ hadakkunu ib mattiom amu, Samson anig mameg ele aa amu ii doopiɗ.

Ikki Danab 14:4 ပူးပေါင်းရင်းမြစ်များ

Josua 11:20

⌊Ag oh am kayak hambuppuak uuattaknu uuppig⌋ amunu, Yawe Nug he, Amo aɗi danab amu, ag ahilag dabmak aakku ɠagattag eppe, ag Yawenu nai tappaeg ne, Israel ele ban heppig. Ag anam heppig amunu, Yawe Nug Israel ehanatte, ag hattaeg, ag oh Yawenuib nuhig pelemppa daappig. Israel dilag ban daup ag oo gai-iitta doya oo metta ehanittak laa ii epponadppig, oh aqaeg mauhppig. Yawe Nug anam aakku Moses amegppa hakknunab aum amunu, nug aum bia, hak amu aakku beum.

Ikki Danab 13:1

Amu dimppa, Israel ag baula Yawenu neekkakppa eheɗ heppig amunu, Yawe Nug ag Pilistia eppelagppa maatte, ag maɗ 40 anam daappig.

2 Stori 22:7

Amu Ahasia nug Joram anidkkunu ukkom, ib amuppa Kayak Nug he, Ahasia nug na qeum. Ahasia nug Jesril appa te, Joram ele daaeheh, Nimsi bekka Jehu, Yawe Nug nug Ahap buɗub heeb iitta mekkulagnu goɗen gokkaɗakppa tituanom amu, nug uɗieye, Joram, Ahasia ele aa nug uɗa tekkulahnu nug gumidya gopiɗ.

2 Stori 10:15

King Rehoboam nug anam aum amunu, nug danab ah, ahilag oo hak, ag amunu nug amegppa appig amu, nug ahilag nai amu ii dabmeum; dim ii lamittom. Amu beumnu diig am, Kayak Nug nukka he, King Rehoboam nug danab ah appig amu oɗelag dim ii lamittom. Aɗinu? Yawe Nug Nebat bekka Jeroboam amegppa nai aum, nai amu heeb, meu bekkunu heum. Anukka Yawe Nug Silonu propet Ahaiya amegppa Jeroboamnu a, Ahaiya ukka Jeroboam amegppa aum.

2 King 6:33

Elisa nug ikki danab amu amelagppa nai amu mattiaya, ii gog teum, haen amuppa danab king me uɗiom aakku be, king ele nug uɗia ba, nug Elisa amegppa inam aum. “Yawe Nug ihinigppa uug naunab imu he beum. Aɗinu da Nug ameg baula mekkul?” awa aum.

1 King 12:15

King Rehoboam nug anam aum amunu, nug danab ah, ahilag oo hak, ag amunu nug amegppa appig amu, nug ahilag nai amu ii dabmeum; dim ii lamittom. Amu beumnu diig am, Yawe Nug nukka he, King Rehoboam nug danab ah appig amu oɗelag dim ii lamittom. Aɗinu? Yawe Nug Nebat bekka Jeroboam amegppa nai aum, nai amu heeb, meu bekkunu heum. Anukka Yawe Nug Silonu propet Ahaiya amegppa Jeroboamnu a, Ahaiya ukka Jeroboam amegppa aum.

2 Stori 25:20

Jehoas nug nai amu me ukke, Amasaia nug anttom amge nug, Juda danab ele ag Edom dilag kayak hambuppuak noolagppa dup nona binalag meeg, Kayak Nug diig amunu Jehoas ehanitteb, nug eppegppa Amasaia, Juda ele bu madakkunu dabmeum amunu, Kayak Nug he, Amasaia nug Jehoasnu nai dabmekkunu uuom.

Ikki Danab 15:11

Ag anam appig amunu, 3,000 Juda danab ag Samson, Etam men oɗeppa dayeye aoglagnu nona appig. “Pilistia ag ig gumigtteb amu, na iite doottem? Na heme amu, Pilistia ag bu mekkaglag, na iite doottem?” aon appig. Ag appig, amge Samson nug oɗelagppa awa aum. “Da ag aɗi dahilppa heppig amuib nob memi,” awa aum.

Duteronomi 28:48

aakku Yawe Nug kekeɗ maatteb, ahilagppa uɗippeg, ag ahilag maɗi nid daan, uɗat naunab henan daaglag. Ag geha enug aqakku, le baalag diikku, bam iitta daaglag, keeke ohnu tutu mak daaglag. Kekeɗ ag eheɗ nau hadappeppeg ukkeb ukkeb, ag nauhna autnanab aoglag. Amu bekku diig am, ag oolag ena, gamag ahak ele Yawe waappa daanna nuhig maɗi nid ii daappig.

Ikki Danab 14:5

Aakku, Samson nug anam aum amunu, nug, mameg anig ele ag Timna nonana, ⌊Samson nug aa ele oh ii goppig, nukka piɗe ugekke,⌋ laion bau laa Timna dilag grep dad guguittak appa, baneb doa, gayaya uɗiom.

Daniel 6:4

King nug anam maittak awe, danab okkainab aɗit laa, danab okkai 120 laa ele ag Daniel gumak uɗat nuhig haaha, eheɗ laa heeb anidna, king amegppa akkulagnu dabmeppig, amge ag meidna daaegeg, nug eheɗ laa ii heum amunu, ag nuhig eheɗ hak laa king amegppa akkulagnu laa iitta. Daniel nug nuhig uɗat elelenab haaha, kobol eheɗ laa nukka ehanidkkunu aɗi laa ii heum amunu, danab laa amu ag nuhigppa eheɗ laa anidkkulagnu elele iitta.

Ikki Danab 15:3

Ah mameg nug anam a, Samson oɗeppa awa aum. “Haen imuppa da ag Pilistia danab, ag eheɗ okkai hadakkulnu daatte amunu, da heppi, da beɗulppa aab laa ii daama,” awa aum.

1 King 12:24

‘Yawe, Nug inam atte. “Ag gona, Israel ele ban aib heppig. Ag oh tiig laippu amunu, ag anam ii hemana. Iitta. Ag oh eɗun, appalagppa ukkeg! Aɗinu? Da dakka ai, Israel ag oppatna, ag uuadna, laa daatteb,” ’ ” awa aum. Semaia nug Yawenu nai amu doya, Rehoboam, danab nug ele daappig oh ele amelagppa anam aum amunu, ag Yawenu haknunab nai amu dim lamidna, ag oh eɗun, appalagppa goppig.