Ikki Danab 13:8 - Nobonob Baibel

⁸ Ah nug anam Manoa amegppa mattie doya, nug Yawe unuqitta aum. “O Naɗi, Kayaknu danab laa uɗia, ah dahil amegppa nid laa menugnihnu aum amu, nug eɗua uɗia, i nid menugnih amu, i nid amunu ɗo attem attem laa ele dim lamidkkunihnu ab doognihnu na heppe, nug eɗua uɗia, ab doognihnu ool ohppa oɗ medattem,” awa unuqittom.

Ikki Danab 13:8 ပူးပေါင်းရင်းမြစ်များ

Job 34:32

nug tuɗitta, ‘Ippuniɗppe, da keeke gemu ii anidttem anttoya, da eheɗ aɗi laala ii doyeye hemi amu, da baula ii hepa,’ akku dayeb, ⌊diig amunu Kayak Nug danab amu keeke laala aokkunu oɗe dim lamidkkuoitte? Iitta.⌋

Aposel 9:6

Amge na ahan, aab okkai ooppa nona daabppe, geha na keeke aɗi hekkutnu amu, danab laa nug na amenppa akku,” awa aum.

Ikki Danab 13:11

Awa a, aakku Manoa nug wau ele aa oh eɗuya, paha goya, Manoa nug engel oɗ metta aum. “Na aakkute deɗ laa ah dahil amegppa nai mattime?” awa oɗ mettom. Oɗ mette amu, engel nug oɗeppa awa aum. “Yo, da aakkuib,” awa aum.

Ikki Danab 13:3

Aa anam daaeheh amu, Yawenu engel nug Manoa wau gumitta noa, nug aum. “Na ah mattoi, nid iitta ele daattem, amge na geha oot ele daan, nid danab laa aokkut

Ikki Danab 13:6

Engel nug anam a amu, ah nug ukka, gamu amegppa aum. “Kayaknu danab laa da gumiɗa neum! Nug am Kayaknu engel laa bia. Da nug anitti, ebehil oh bodoetta le meum. Nug am adeppanu amu, da oɗ ii mettami, nug onig ele da amelppa ii aum,

Ikki Danab 13:7

amge nug aum. ‘Na geha oot ele daan, nid danab laa menukkut. Amunu na wain, o na le ɠagattag laa, o na doɗ ii lanaknu epeɗiak daatte amu iinab lakkutoitte. Aɗinu? Na bekkat nug nuhig doakppanu ukkeb, nuhig mauhak batak nug Kayaknu danab, Nasarait atteb, nug anamib daakku aum,’ ” awa aum. Manoa wau anam Manoa amegppa aum.

Ikki Danab 13:9

Manoa anam aakku unuqitte amu, Kayak Nug Manoa oo daye oɗ meum, Nug anamnab aakku he, Kayaknu engel baula, wau nug dad okkaippa dayeye gumitta noum. Amge Manoa nug dad okkaippa, appa ii dayom.