Ikki Danab 13:6 - Nobonob Baibel

⁶ Engel nug anam a amu, ah nug ukka, gamu amegppa aum. “Kayaknu danab laa da gumiɗa neum! Nug am Kayaknu engel laa bia. Da nug anitti, ebehil oh bodoetta le meum. Nug am adeppanu amu, da oɗ ii mettami, nug onig ele da amelppa ii aum,

Ikki Danab 13:6 ပူးပေါင်းရင်းမြစ်များ

Genesis 18:2

nug neekke ukke, danab ewam ag nakok piɗe bia hippaidna daaegeg anattom. Anatta amu, nug uɗalag tekkunu nug aha, qaiqaɗ gukkuatta ukka, ag noolagppa gateg qaun o, gomela auta awa, iɗu wanppa meum.

Genesis 32:29

Nug anam a amu, Jakop nug danab amu amegppa aum. “Na onin appe, da dookkulnu oɗ medattem,” awa aum. Anam aum, amge danab amu nug aum. “Aɗinu, na da onilnu oɗ mettem?” Nug anam awowa, aa daapiɗppa nug Jakop itittom.

1 King 17:18

Aakku ah nug Elaiya amegppa aum. “Kayaknu danab, na aɗinu dahilppa kobol imu heme? Na uɗin heppe, Kayak Nug dahil hipunin eɗua daugppa dob heeb, nid dahil imu oɗe awa, mauhkkunu uɗimete?” awa oɗ mettom.

1 King 17:24

Nug anam a amu, ah nug Elaiya amegppa aum. “Genabnab genab, gemu da doottem. Na Kayaknu danab. Genabnab, na nai mehuqttem amu, Yawe Nug nukka nai amu na medette, na nai amu mehuqttem. Am nai genabib,” awa aum.

2 King 4:16

Nug dayeye, Elisa nug ah amegppa aum. “Dimppa, maɗ laappa haen inamppa amu, na bekkat eppenppa aɗakkut,” awa aum. Nug anam a, ah nug nai nob ma, Elisa amegppa aum. “Iitta. Danab naɗi, na am Kayaknu danab, na aib da, nahip maɗi ah, na da buppuiɗme,” awa aum.

2 King 4:9

Haen laa ah amu nug gamu amegppa aum. “Da doottem, Elisa nug haen oh ig launigppa uɗieye, ig ele ee lattem amu, nug amu danab Kayaknu tituanak daatte

Eksodas 3:2

Amu Moses nug appa oiyeye, Yawenu engel nug tula, Moses toppa beum, amge Nug miag ii beum. Iitta. Nug aab ewak bia, ad nakok laa eppeg ooppa dayeye, Moses nug ad amuppa aab ewewe anttom, amge nug aab dittia, ad ewa ii malele ele anttom.

Eksodas 3:6

Kayak Nug anam anana, Nug nai tuɗitta aum. “Da am na mamenad aɗi anukkanu dilag Kayak. Da Abrahamnu Kayak, da Aisaknu Kayak, amu da Jakopnu Kayak ele,” awa aum. Moses nug amu doya, nug iɗu happutom. Aɗinu? Nug Kayak iɗuppa neekka, mauhmanu baɗom.

Daniel 10:11

Da anam daaiyi, ⌊danab da anidmi⌋ nug aum. “Daniel, Kayak nahipnu ooppa enanag dootte, amu na nai da na amenppa akkulnu hettem amu, na nai amu dabmettan autna awe! Laa he, da na gumitten uɗikkulnu uɗimi amunu, na hippaidna daye!” awa aum. Nug anam a, da hippaidmi, amge da hahaɗeɗe daami.

Daniel 10:5

da amel humen, neekki ukke, danab laa da noolppa dayom anidmi. Nug lamen linenppa hak takka, matagiɗ gol enanagppa hak imuagppa takkom.

Daniel 8:17

Baag anam a, Gabriel nug da gukkuiɗa uɗie, da baɗak eheɗ nau doyen, da wanppa nein qemi. Da nein qein daaiyi, nug da amelppa aum. “Danab bekka, na imu doye! Tulegleg na anidttem imu, tulegleg imuam gog tak haennu keeke.

Luk 1:19

A amu engel nug oɗeppa awa aum. “Da am Gabriel. Da Kayak noobppa daattem, amu Nug he, da amenppa nai ena imu appi dookkutnu uɗimi.

Luk 9:29

Tena unuqittatta dayeye amu, Nug iɗu eɗuom. Nuhig lamen amu eɗua, hakkabnab dittiag apinak bia dayom.

Aposel 6:15

Ag anam hambuppueg, danab hettoɗiak okkai onig Sanhidren, appa daappig, ag oh Stiven amelkad behabe neekkidna, ag nug iɗu engel bia anidppig.

Duteronomi 33:1

Itittak imuam, Kayaknu danab Moses nug mauhkkunu haaha, Israel danab ah mattom.

1 Timoti 6:11

Amge na Kayaknu danab, na keeke amu oh dimettan, awaidna daye! Na genab tutukku hak kobol, kobol Kayak Nug amunu oo hette, ooppa genab doyak kobol, nug oo mauhak kobol, ɠagattag dayaya uug oh mawaknu kobol, oo bodoettak kobol ele aɗan oiye!

Josua 14:6

Anam dayom, amge amu oh ii nak haenppa, Israel ag Gilgal appa daanna, haen amuppa Israel dilag huu okkai Juda danab laala ag Josua gumidna goppig. Ag gona amu, Jepune bekka Kalep, Kenis ted, nug Josua amegppa aum. “Haen ig Kades Barnea daautut amu, Yawe Nug Kayaknu danab Moses amegppa da na ele, ihinihnu Nug aɗi aum amu, na doottem.

Revelesen 1:17

Da Nug anam anttena, mauhak bia Nug baegppa nein qemi. Amge Nug eppeg naɗiap da qaɗelppa ma dayeye, Nug da amelppa aum. “Na aib baɗame. Da hanhan daattem; anuqakppa, batakppa ele da daattem.

Ikki Danab 13:10

Nug ii dayom amunu, wau nug pahanab qaietta ukka, gamu amegppa aum. “Danab nug da gumiɗa neum ele amu, nug eɗua gumiɗa neum!” awa aum.

Ikki Danab 13:22

Nug anam doya, wau amegppa aum. “I Kayak anidmuɗ amunu, geha mauhkkunih!” awa aum.

Ikki Danab 13:3

Aa anam daaeheh amu, Yawenu engel nug Manoa wau gumitta noa, nug aum. “Na ah mattoi, nid iitta ele daattem, amge na geha oot ele daan, nid danab laa aokkut

Ikki Danab 13:7

amge nug aum. ‘Na geha oot ele daan, nid danab laa menukkut. Amunu na wain, o na le ɠagattag laa, o na doɗ ii lanaknu epeɗiak daatte amu iinab lakkutoitte. Aɗinu? Na bekkat nug nuhig doakppanu ukkeb, nuhig mauhak batak nug Kayaknu danab, Nasarait atteb, nug anamib daakku aum,’ ” awa aum. Manoa wau anam Manoa amegppa aum.

Ikki Danab 13:8

Ah nug anam Manoa amegppa mattie doya, nug Yawe unuqitta aum. “O Naɗi, Kayaknu danab laa uɗia, ah dahil amegppa nid laa menugnihnu aum amu, nug eɗua uɗia, i nid menugnih amu, i nid amunu ɗo attem attem laa ele dim lamidkkunihnu ab doognihnu na heppe, nug eɗua uɗia, ab doognihnu ool ohppa oɗ medattem,” awa unuqittom.

Ikki Danab 6:11

Yawe Nug propet oɗeppa Israel danab ah anam amelagppa ana male, Kayaknu engel nug na, Opra aabppa ad ok waappa heɗep na dayom. Ad amuam Joasnu. Joas nug am Abieser buɗubppan danab laa. Midian danab ag nug anidmananu, Joas bekka Gideon nug grep meu tappa leppu awaknu abenppa wit mumuɗaɗa dayom.

1 Samuel 2:27

Aria, deɗ laa Kayaknu danab laa nug Eli toppa ta, nug Eli amegppa Kayaknu nai mattia, inam aum. “Yawe Nug inam atte. ‘Haen na alanad aɗi ag Paro waappa, Isip wanppa daaegeg, da miagib ahilagppa tule bemi.

1 Samuel 9:6

Saul nug anam aum, amge maɗi nid nug aum. “Antte! Aab imuppa Kayaknu danab laa daatte; danab oh ag nuhignu ena elelenab dootteb. Nug aɗi atte amu, keeke amuam genab bette amunu, i goɗa, nug donkinu oɗ mettagnih. I nug oɗ medapuɗ, nug ag adeppa daatteb ab doognihtai,” awa aum.