Ikki Danab 13:1 - Nobonob Baibel

¹ Amu dimppa, Israel ag baula Yawenu neekkakppa eheɗ heppig amunu, Yawe Nug ag Pilistia eppelagppa maatte, ag maɗ 40 anam daappig.

Ikki Danab 13:1 ပူးပေါင်းရင်းမြစ်များ

Jeremaia 13:23

Kus danab nug nukka nug heeb, nug gaɗa eɗua, laa daakkunu elelete? Doɗ lepad, gaɗa otultul ele, nug nukka nug heeb, otultul amu eɗua, laa daakkute? Amubia ag eheɗ tuɗidib hetteb ele, ag akka ag hena, ag ena hekkulagte?

Rom 2:6

Kayak Nug geha danab oh kobol ag heppig ele amunu nob elele madakku.

Hibru 11:32

Amu oh ag anam heppig amunu, gemu da aɗi nai laa tuɗitte madikkul. Amu da Gideonnu kaya, Baraknu kaya, Samsonnu kaya, Jeptanu kaya, Dawitnu kaya, Samuelnu kaya, amu propet dilag kaya ele madikkulnu elele amge haen iitta.

Ikki Danab 10:6

Amu dimppa, Israel danab ah ag Yawenu neekkakppa baula eheɗ heppig. Ag kayak hambuppuak Bal, Astoret ele iɗu iɗu waalagppa daan, oɗelag dim lamidnana, ag Aram dilag kayak, Saidon dilag kayak, Moap dilag kayak, Amon amu Pilistia ele dilag kayak ele, ag kayak hambuppuak amu oh ele waalagppa daan, ag oɗelag dim lamidppig. Amuib iitta, ag Yawe uuidna, Nug waappa daya, oɗe dim lamittak uun autnanab aoppig.

Ikki Danab 10:7

Ag anam heppig amunu, Yawe Nug Israel dilag oo huana nauhe, Nug ag uuatte, Pilistia, Amon ele banppa eɗatteg, ag eppelagppa daaegeg,

Ikki Danab 12:15

Amu dimppa, Hilel bekka Abdon, nug mauhe amu, danab ag nug Epraim wanppa, Piraton appa boumppig. Ag boumppig, aben amuam qauko qauko ele; anukka Amalek danab ag aguppa daappig.

Ikki Danab 14:4

Pilistia danab ag haen amuppa Israel gumappig amunu, Yawe he, Samson nug Pilistia danab eheɗ hadakkunu ib mattiom amu, Samson anig mameg ele aa amu ii doopiɗ.

Ikki Danab 15:11

Ag anam appig amunu, 3,000 Juda danab ag Samson, Etam men oɗeppa dayeye aoglagnu nona appig. “Pilistia ag ig gumigtteb amu, na iite doottem? Na heme amu, Pilistia ag bu mekkaglag, na iite doottem?” aon appig. Ag appig, amge Samson nug oɗelagppa awa aum. “Da ag aɗi dahilppa heppig amuib nob memi,” awa aum.

Ikki Danab 15:20

Samson nug Israel dilag epeɗiak danab maɗ 20 oh dayom, amge haen amuppa Pilistia ag Israel wan guman daappig.

Ikki Danab 2:11

Israel ag anam hena, ag Yawe noobppa nuhig neekkakppa eheɗ henana, kayak hambuppuak Bal iɗu iɗu waalagppa daan, oɗelag dim lamidppig.

Ikki Danab 3:7

Aakku Israel ag Yawenu neekkakppa eheɗ heppig. Ag Yawe, ahilag Kayak, ag Nug daulag atie, ag kayak hambuppuak Bal iɗu iɗu, Aserah iɗu iɗu ele waalagppa daan, oɗelag dim lamidppig.

Ikki Danab 4:1

Ehud mauhom dimppa amu, Israel danab ah ag baula Yawenu neekkakppa eheɗ heppig.

Ikki Danab 6:1

Israel danab ah ag anam daaeg ukke, ag baula Yawenu neekkakppa eheɗ heppig amunu, Yawe Nug ag diia, Midian eppelagppa maatte, ag maɗ eblaih aɗit ele anam daappig.

1 Samuel 12:9

Amge ag Yawe, ahilag Kayak, ag Nug daulag atie, Yawe Nug he, Hasor dilag ban daup ikki Sisera, nuhikkud daup ele, amu Pilistia dilag daup, amu Moap dilag king, nuhikkud daup ele, ag oh haen anen anen uɗin, Israel ele ban henana, ag Israel eɗadppig.

1 Samuel 4:9

Ag anam akka akka mattiona amu, ag nai tuɗidna, akka akka inam ele madippig. “Amge ig Pilistia danab, ig ɠagattag daatu! Ig danabnab daatu! Iitta dayeb amu, Hibru danab umu ag eɗigppeg, ag ihinig maɗi nid daappig amu, ig amubia ahilag maɗi nid daagnig. Anam bemanu amu, ig danabnab daat, ig ban ɠagattag hetu!” aon appig.

1 Samuel 7:13

Yawe he, Israel ag Pilistia eɗadppig amunu, Nug Pilistia ag eɗun uɗin, Israel ele baula ban hemananu ib oo neum. Ib oo ne, haen elab anam dayom. Amu Samuel bau dayeye, haen amu oh, Yawe Nug Pilistia eheɗ hattom.