Ikki Danab 10:7 - Nobonob Baibel

⁷ Ag anam heppig amunu, Yawe Nug Israel dilag oo huana nauhe, Nug ag uuatte, Pilistia, Amon ele banppa eɗatteg, ag eppelagppa daaegeg,

Ikki Danab 10:7 ပူးပေါင်းရင်းမြစ်များ

Sam 44:12

Danab nug keeke enanag laa daden maknu ma heeb, laa nug men doɗo honapnab metta aokkutai. Anam bekkunu elele, amu na ihinignu anambia heme anidttem. Ao, na ihinig kekeɗ uuatte, ag ig eɗigna awigna meikkeg, laa ag ig awigppig, amge na keeke laa ihinignu ii aome.

Sam 74:1

O Kayak, na ig haen elabnab iikku ii ehanigme. Na ig ii ehanigmenu appe doognignu oɗ medattem. Ao, na ihinignu oot nauhtte diignu appe doognignu unuqidttem.

Aisaia 50:1

Yawe Nug atte. “Danab laa nug wau nuhigppa eheɗ heum doya he, aha gotte amu, da amubia hemi amunu, ag gona, wan laappa maɗi nid daattebte? Iitta! O iitta, danab laa nug laa eppegppanu lon awa, eɗua medakkunu elele iitta amunu, lon mameg nug danab lon awom wau, bekkod ele laanu maɗi nid daaglagnu me, daden mette ele amu, da anam bia hemi amunu, laa ag Juda, ag ag diiadna goppigte? Iitta! Amu ohnu am iittanab iitta! Ag hipunin heppig amunu, ag laa eppegppa daatteb. Ag hipunin heppig amunu, ag gona, diia ukka laih me dayak danab ah wan laappa daatteb.

Nahum 1:2

Yawe Nug nuhikkudnu, dahil doya laa aomanu doyak aɗa daya, nuhikkud kekeɗ bu madatte. Ao, Kayak Nug laa eheɗ hetteb ele dilagnu oppoɗi bak doyaya, Nug bu tutukku madatte. Nug laa ag nuhignu, “Ihinig kekeɗ” dootteb ele amu, Nug ag nob tutukku madatte. Ao, Nug nuhig kekeɗ dilagnu oppoɗi bak okkai doyaya daatte.

Nahum 1:6

Yawe Nug oppoɗi beeb, aun nug ii nauhma? Ao, Yawe Nug oo nauhak huanaknab doyeb, auntai laa nug ena daakku? Nuhig oppoɗi bak am aab aɗu bia. Nug he, men Nug noobppa daatteb amu, ag aoɗtteb.

Ikki Danab 10:8

ag maɗ amuppa ag ag eheɗ hattana, oɗoɗadppig. Ag maɗ 18 eheɗ hattappig. Amuam Israel danab Jodan leppanu, kaɗag uɗitteppan, ag amu dilagppa anam heppig. Wan amuam anukka Amo danab dilag dayom. Wan amu onig am Gileat.

Ikki Danab 13:1

Amu dimppa, Israel ag baula Yawenu neekkakppa eheɗ heppig amunu, Yawe Nug ag Pilistia eppelagppa maatte, ag maɗ 40 anam daappig.

Ikki Danab 2:14

Ag anam heeg, Yawe Nug Israel dilag oo nauhak okkai doyom amunu, Nug ag diia, danab ag ban hena, danab aqadna, ahilkad keeke aotteb amu, Nug ag eppelagppa me, ag ahilag keeke aoppig. Nug ag diia, kekeɗ taliliadna daappig ele ag eppelagppa meum amunu, ag ban hena, baula kekeɗ eɗadkkulagnu elele iitta daappig.

Ikki Danab 4:2

Ag eheɗ heppig amunu, Yawe nug ag diia, King Jabin eppegppa meum. Nug am Kanan dilag king; nug Hasor dayom. Nuhig ban daup ikki am Sisera. Sisera nug am Haroset Hagoim, appa daattom.

Ikki Danab 6:1

Israel danab ah ag anam daaeg ukke, ag baula Yawenu neekkakppa eheɗ heppig amunu, Yawe Nug ag diia, Midian eppelagppa maatte, ag maɗ eblaih aɗit ele anam daappig.